రూ.7499 ధరకు స్మార్ట్‌ఫోన్.. 5000mAh బ్యాటరీ, HD+ డిస్‌ప్లే, సంవత్సరం వరకు ఇంటి వద్దనే FREE సర్వీస్‌!

Lava Yuva Star 3 Smartphone : భారత్ మార్కెట్‌ లో ఎంట్రీ లెవల్ ధరలో మరో స్మార్ట్‌ఫోన్‌ లాంచ్ అయింది. లావా సంస్థ యువ స్టార్‌ 3 పేరుతో ఈ ఫోన్‌ ను విడుదల చేసింది. తక్కువ ధరలోనే అందుబాటులోకి వచ్చినా... ఆకట్టుకొనే డిజైన్ సహా అనేక ప్రత్యేక ఫీచర్లను కలిగి ఉంది. సంవత్సరం వరకు ఇంటివద్దనే ఉచితంగా సర్వీస్‌ ఆఫర్‌ ను అందిస్తుంది. HD+ డిస్‌ప్లే, IP64 రేటింగ్, 5000mAh బ్యాటరీ ఉన్నాయి.

లావా యువ స్టార్‌ 3 స్పెసిఫికేషన్‌లు, ఫీచర్లు :
లావా యువ స్టార్‌ 3 స్మార్ట్‌ఫోన్ 6.75 అంగుళాల HD+ డిస్‌ప్లేను కలిగి ఉంది. ఈ డిస్‌ప్లే 90Hz రీఫ్రెష్‌ రేట్‌ ను కలిగి ఉంది. వీడియో స్ట్రీమింగ్‌, ఆన్‌లైన్ క్లాస్‌లకు ఈ ఫోన్‌ అనుకూలంగా ఉంటుంది. ఈ ఫోన్ IP64 రేటింగ్‌ తో డస్ట్‌, వాటర్‌ రెసిస్టెంట్‌ గా ఉంది.

ఆండ్రాయిడ్ 15 OS :
ఈ లావా స్మార్ట్‌ఫోన్‌ ఆక్టాకోర్ Unisoc SC9863A ప్రాసెసర్‌ ను కలిగి ఉంది. ఆండ్రాయిడ్ 15 ఆధారిత Go ఎడిషన్‌ పైన పనిచేస్తుంది. ప్రస్తుతం 4GB ర్యామ్ + 64GB స్టోరేజీ వేరియంట్‌ లో అందుబాటులో ఉంది. మైక్రో SD కార్డుతో 512GB స్టోరేజీ వరకు స్టోరేజీని పెంచుకొనేందుకు అవకాశం ఉందని లావా తెలిపింది.

LED ఫ్లాష్ లైట్‌, 5000mAh బ్యాటరీ :
కెమెరా విభాగం పరంగా వెనుక వైపు 13MP కెమెరా, LED ఫ్లాష్‌ కూడా ఉంది. సెల్ఫీ, వీడియో కాల్స్ కోసం 5MP కెమెరాను అమర్చారు. ఈ హ్యాండ్‌సెట్ 10W ఛార్జింగ్ సపోర్టుతో 5000mAh బ్యాటరీతో పనిచేస్తుంది. ఒక్కసారి పూర్తిగా ఛార్జింగ్‌ చేసి రోజంతా వినియోగించుకోవచ్చనని చెబుతోంది.

కనెక్టివిటీ పరంగా 4G VoLTE, బ్లూటూత్‌ 4.2, వైఫై, GPS, FM రేడియో, 3.5mm ఆడియో జాక్‌, USB-C ఛార్జింగ్ పోర్టును కలిగి ఉంది. ఈ ఫోన్‌ కింది వైపు స్పీకర్‌ ఉంది. ఈ ఫోన్‌ 193.7 గ్రాముల బరువు ఉంది. ఈ ఫోన్‌ రెండు సిమ్‌ కార్డులను సపోర్టు చేస్తుంది.

రెండు కలర్‌ వేరియంట్స్ :
లావా యువ స్టార్‌ 3 స్మా్ర్ట్‌ఫోన్‌ భద్రత కోసం సైడ్‌ మౌంటెడ్‌ ఫింగర్ ప్రింట్ స్కానర్‌ ఉంది. ఈ ఫోన్‌ ఇండస్‌ బ్లాక్, సియాచిన్‌ వైట్ కలర్‌ వేరియంట్స్‌ లో లభిస్తుంది.

లావా యువ స్టార్‌ 3 స్మార్ట్‌ఫోన్ ధర, సేల్‌ :
ఈ లావా స్మార్ట్‌ఫోన్ (Lava Yuva Star 3 Sale) 4GB ర్యామ్ + 64GB స్టోరేజీ వేరియంట్ ధర రూ.7499 గా ఉంది. మార్చి నెల నుంచి ఈ ఫోన్‌ దేశవ్యాప్తంగా అందుబాటులోకి వస్తుంది. సంవత్సరం వరకు ఇంటి వద్దనే ఉచితంగా సర్వీస్‌ చేస్తామని లావా హామీ ఇస్తోంది. త్వరలో కచ్చితమైన సేల్‌ తేదీ వెల్లడయ్యే అవకాశం ఉంది. ఆన్‌లైన్‌, ఆఫ్‌లైన్ లో కొనుగోలు చేసేందుకు అందుబాటులోకి వచ్చే అవకాశం ఉంది.