లావా నుంచి సరికొత్తగా జడ్91 స్మార్ట్‌ఫోన్

దేశీయ మొబైల్స్ తయారీదారీ దిగ్గజం లావా తన నూతన స్మార్ట్‌ఫోన్ జడ్91ను మార్కెట్లోకి విడుదల చేసింది. ఫేస్ రికగ్నిషన్ ఫీచర్ ప్రత్యేక ఆకర్షణగా ఈ ఫోన్ మార్కెట్లోకి దూసుకొచ్చింది. కాగా ఈ ఫోన్ బ్లూ రంగులో 18:9 wide-screen డిస్ ప్లేతో పాటు గ్లాస్ ఫినిష్ ను కూడా ఇందులో పొందుపరిచారు. ఈ ఫోన్‌లో 5.7 ఇంచుల సైజ్ ఉన్న భారీ డిస్‌ప్లేను ఏర్పాటు చేశారు. ముందు భాగంలో ఉన్న 8 మెగాపిక్సల్ సెల్ఫీ కెమెరాకు ఫ్లాష్ సదుపాయం ఇచ్చారు. ఈ కెమెరాతో డివైస్‌ను కేవలం 0.7 సెకండ్ల వ్యవధిలోనే ఫేస్ ద్వారా అన్‌లాక్ చేసుకోవచ్చు. వెనుక భాగంలో ఫింగర్‌ప్రింట్ సెన్సార్‌ను అమర్చారు. రూ.9,999 ధరకు ఈ ఫోన్ వినియోగదారులకు మరో వారం రోజుల తరువాత మార్కెట్‌లో లభ్యం కానుంది. దేశవ్యాప్తంగా లక్ష రీటెయిల్ స్టోర్లలో ఈ ఫోన్ అందుబాటులో ఉంటుందని కంపెనీ తెలిపింది.

లావా జడ్91 ఫీచర్లు

5.7 ఇంచ్ హెచ్‌డీ ప్లస్ డిస్‌ప్లే, 1440 x 720 పిక్సల్స్ స్క్రీన్ రిజల్యూషన్, 1.5 గిగాహెడ్జ్ క్వాడ్‌కోర్ ప్రాసెసర్, 3 జీబీ ర్యామ్, 32 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.0 నూగట్, డ్యుయల్ సిమ్, 13 మెగాపిక్సల్ బ్యాక్ కెమెరా (ఫ్లాష్), 8 మెగాపిక్సల్ సెల్ఫీ కెమెరా (ఫ్లాష్), 4జీ వీవోఎల్‌టీఈ, బ్లూటూత్ 4.0, 3000 ఎంఏహెచ్ బ్యాటరీ.