సంచలనం రేపుతోన్న కూల్ 1 స్మార్ట్‌ఫోన్

By Sivanjaneyulu Bommu

Published: Thursday, August 18, 2016, 15:46 [IST]

చైనా టెక్నాలజీ దిగ్గజాలైన LeEco, Coolpadలు సంయుక్తంగా అభివృద్థి చేసిన సంచలనాత్మక స్మార్ట్‌ఫోన్ 'Cool 1' మార్కెట్లో హాట్ టాపిక్ అయ్యింది. డ్యుయల్ కెమెరా సెటప్ ప్రత్యేకతతో వస్తోన్న ఈ ఫోన్‌ను కొద్ది రోజుల క్రితమే చైనా మార్కెట్లో లాంచ్ చేసారు. ప్రారంభ వేరియంట్ ధర రూ.11,100. కూల్ 1 స్మార్ట్‌ఫోన్ ప్రత్యేకతలను పరిశీలించినట్లయితే...

Read More : కొత్త ఫోన్‌లతో వచ్చేస్తున్నాం, నోకియా అధికారిక ప్రకటన

హైక్వాలిటీ ఫోటోగ్రఫీ

కూల్ 1 స్మార్ట్‌ఫోన్‌ ప్రత్యేకమైన డ్యుయల్ కెమెరా సెటప్‌తో వస్తోంది. ఈ ఫోన్‌లో పొందుపరిచిన డ్యుయల్ కెమెరా 2.0 టెక్నాలజీ బ్లాక్ వైట్ ఇంకా కలర్ సెన్సార్‌లను కలిగి ఉంటుంది. ఈ మూడు సెన్సార్లు హైక్వాలిటీ ఫోటోగ్రఫీని అందిస్తాయి.

బలోపేతమైన కెమెరా

కూల్ 1 స్మార్ట్‌ఫోన్‌లో పొందుపరిచిన డ్యుయల్ కెమెరా 2.0 టెక్నాలజీ పోన్ సెకండరీ కెమెరా సామర్థ్యాన్ని మరింత బలోపేతం చేస్తుంది.

లో లైట్ కండీషన్‌లలోనూ

కూల్ 1 స్మార్ట్‌ఫోన్ లో పొందుపరిచిన కెమెరా వ్యవస్థ ఇమేజ్ క్లారిటీ ఇంకా బ్రైట్నెస్‌ను అదనంగా 20 శాతం మెరుగుపరుస్తుంది. లో లైట్ కండీషన్‌లలోనూ ఈ ఫోన్ కెమెరా అత్యుత్తమంగా స్పందిస్తుంది.

కెమెరా ప్రత్యేతలు

ముఖ్యంగా ఫోన్ వెనుక భాగంలో ఏర్పాటు చేసిన 13 మెగా పిక్సల్‌ డ్యుయల్‌ రియర్‌ కెమెరాలు ఆకట్టుకునే పనితీరును కనబరుస్తాయి. f/2.0 అపెర్చుర్, పీడీఏఎఫ్, డ్యుయల్ టోన్ ఎల్ఈడి ఫ్లాష్, 6 పిక్సల్స్ లెన్స్ ఇంకా కొన్ని ఫిల్టర్స్‌ ఈ కెమెరాలలో పొందుపరిచారు. ఫోన్ ముందు భాగంలో ఏర్పాటు చేసిన 8 మెగా పిక్సల్ సెల్ఫీ కెమెరా ద్వారా హైక్వాలిటీ సెల్పీతో పాటు వీడియో

కాలింగ్ ను ఆస్వాదించవచ్చు..

ఫింగర్ ప్రింట్ సెన్సార్

కూల్ 1 స్మార్ట్‌ఫోన్ ప్రత్యేకమైన ఫింగర్ ప్రింట్ సెన్సార్ తో వస్తోంది. ఫోన్ వెనుక భాగంలో ఏర్పాటు చేసిన ఈ సెన్సార్ 0.15 సెకన్ల వ్యవధిలోనే స్పందిస్తుంది.

హైడెఫినిషన్ డిస్‌ప్లే

కూల్ 1 స్మార్ట్‌ఫోన్ 5.5 అంగుళాల 1080 పిక్సల్ పూర్తి హైడెఫినిషన్ డిస్‌ప్లేతో వస్తోంది.

ర్యామ్ వేరియంట్స్

ర్యామ్ వేరియంట్స్ (3జీబి, 4జీబి), ఇంటర్నల్ స్టోరేజ్ (32జీబి, 64జీబి).

ప్రాసెసర్, ఆపరేటింగ్ సిస్టం

ప్రాసెసర్ విషయానికి వచ్చేసరికి కూల్ 1 స్మార్ట్‌ఫోన్, ఆక్టా కోర్ స్నాప్ డ్రాగన్ 652 ప్రాసెసర్ తో వస్తోంది. ఆండ్రాయిడ్ 6.0 Marshmallow ఆపరేటింగ్ సిస్టం.

4జీ ఎల్టీఈ సపోర్ట్..

కూల్ 1 స్మార్ట్‌ఫోన్.. యూఎస్బీ టైప్ సీ పోర్ట్‌తో వస్తోంది. 4జీ ఎల్టీఈ సపోర్ట్, డ్యుయల్ సిమ్ స్టాండ్ పై, ఎన్ఎఫ్‌సీ సపోర్ట్ వంటి ఆధునిక కనెక్టువిటీ ఫీచర్లు డివైస్ లో నిక్షిప్తం చేసారు.