LeEcoతో చేతులు కలిపిన Jio

By Sivanjaneyulu Bommu

Published: Thursday, September 15, 2016, 12:33 [IST]

తమ సూపర్‌ఫోన్ యూజర్లకు "Jio Welcome Offer"ను అందించేందుకు, ప్రముఖ చైనా ఫోన్‌ల కంపెనీ LeEco రిలయన్స్ జియోతో చేతులు కలిపింది.

దీంతో Le 1s, Le 1s Eco, Le 2, Le Max, Le Max 2 ఫోన్‌లకు జియో వెల్‌కమ్ ఆఫర్ అందుబాటులోకి వచ్చేసింది. లీఇకో యూజర్లు తమ ఫోన్‌లలో జియో సిమ్‌లను యాక్టివేషన్ చేసుకోవటం ద్వారా డిసెంబర్ 31,2016 వరకు జియో అందిస్తోన్న అన్ని సేవలను ఉచితంగా ఆస్వాదించవచ్చు. ఆ తరువాత బెస్ట్ జియో ప్లాన్‌ను ఎంపిక చేసుకోవచ్చు.

#1

జియో ఆఫర్ చేస్తున్న VoLTE కాల్స్‌ను Le 2, Le Max యూజర్లు తమ ఫోన్‌లలో ఉన్న ఎల్టీఈ నెట్‌వర్క్ పై హైడెఫినిషన్ క్వాలిటీతో ఆస్వాదించవచ్చు.

#2

మొదటి జనరేషన్ లీఇకో సూపర్ ఫోన్‌లను వాడుతోన్న Le 1s, Le 1s Eco, Le Max యూజర్లు Jio Join app ద్వారా వాయిస్ కాల్స్ చేసుకోవల్సి ఉంటుంది.

#3

తన సంచలనాత్మక సూపర్‌ఫోన్‌లతో బడ్జెట్ ఫ్రెండ్లీ స్మార్ట్‌ఫోన్ మార్కెట్లోకి దూసుకొచ్చిన LeEco అదే ఊపుతో ముందుకు సాగుతోంది. తన లీ1ఎస్ స్మార్ట్‌పోన్ ఆవిష్కరణతో జనవరి, 2016లో ఇండియన్ మార్కెట్లోకి అడుగుపెట్టిన లీఇకో ఆ తరువాత వెనక్కితిరిగి చూడలేదు. ఇటీవల లీఇకో తన సెకండ్ జనరేషన్ సూపర్‌ఫోన్‌లను మార్కెట్లో లాంచ్ చేసింది.

#4

లీఇకో తన అన్ని సూపర్‌ఫోన్‌లను ఏడాది ఉచిత లీఇకో కంటెంట్ మెంబర్‌షిప్ సబ్‌స్ర్కిప్షన్‌తో లీఇకో అందిస్తోంది. రూ.4,999 విలువ చేసే ఈ ఉచిత ప్యాకేజీ ద్వారా యూజర్లు అనేక సర్వీసులను యాక్సిస్ చేసుకునే వీలుంటుంది.

#5

ఈ Supertainment మెంబర్ షిప్ ప్రోగ్రామ్ ద్వారా యూజర్లు 2000కే సినిమాలు, 3.5 మిలియన్ల పాటలు, 150 పై చిలుకు లైవ్ టీవీ ఛానళ్లను వీక్షించవచ్చు. Eros Now, YuppTV, Hungama Musicల భాగస్వామ్యంతో లీఇకో ఈ సేవలను అందిస్తోంది.

#6

తమ వినియోగదారులకు మరింత భరోసానిస్తూ లీఇకో దేశవ్యాప్తంగా 555 సర్వీస్ సెంటర్లను ఏర్పాటు చేసింది. ఈ సెంటర్లు 24*7 టోల్ ఫ్రీ సేవలను అందిస్తాయి. కాబట్టి మీరు నిశ్చింతగా లీఇకో ఉత్పత్తులను కొనుగోలు చేయవచ్చు. 10 లాంగ్వేజ్ ల్లో మీకు సర్వీసు అందుబాటులో ఉంటుంది.

#7

"Jio Welcome Offer"ను లిఇకో ఫోన్‌లలో పొందటం ఎలా..?

ముందుగా MyJio applicationను గూగుల్ ప్లే స్టోర్ నుంచి డౌన్‌లోడ్ చేసుకుని ఇన్‌స్టాల్ చేసుకోవల్సి ఉంటుంది. తదుపరి సూచనలను అనసరించటం ద్వారా ఈ యాప్ coupon codeను జనరేట్ చేస్తుంది.

#8

ఆ కోడ్‌తో పాటు మీ ఫోన్ ఐఎమ్ఈఐ నెంబర్‌, పాస్‌పోర్ట్ సైజ్ ఫోటో ఇంకా ఈ-కెవైసీ డాక్యుమెంట్‌లను తీసుకుని సమీపంలో రిలియన్స్ షోరూమ్‌కు వెళ్లినట్లయితే మీకు జియో సిమ్ ఇష్యూ చేయబడుతుంది.