ఈ స్మార్ట్‌ఫోన్‌లో 10 లక్షల ఫోటోలు, 2000 హెచ్‌డీ మూవీలు స్టోర్ చేసుకోవచ్చు

Lenovo Z5 4TB storageతో..

సాధారణంగా128 GB లేదా 256 GB, 512 GB సామర్ధ్యంతో మార్కెట్లో కొన్ని కంపెనీ ఫోన్లు మార్కెట్లో లభిస్తున్నాయి. అయితే లెనోవో నుంచి రానున్న Lenovo Z5 4TB storageతో 10 లక్షల ఫోటోలను, 2000 హెచ్‌డీ మూవీలను స్టోర్ చేసుకునే విధంగా తీసుకువస్తోంది.

Lenovo Smartistan

కంపెనీ ఇప్పటికే 1TB ఇంటర్నల్ స్టోరేజ్ కలిగిన Lenovo Smartistan అనే ఫోన్‌ని తాజాగా మార్కెట్లోక విడుదల చేసిన సంగతి తెలిసిందే. ఇది ఇండియాకి ఇంకా రాలేదు అంతర్జాతీయ మార్కెట్లో విడుదలయింది. దీని ధర ఇండియన్ కరెన్సీ ప్రకారం 93 వేల రూపాయలకు పైగానే ఉంది. మరి కంపెనీ నుంచి రానున్న 4TB storage ఫోన్ దీని కన్నా అధిక ధర ఉండే అవకాశం ఉంది.

Vivo APEX smartphone

Vivo APEX smartphone ఇప్పటిదాకా మార్కెట్లో అత్యంత పెద్దమొత్తంలో స్క్రీన్ టు బాడీ రేషియోగా ( 91%) గా ఉంది. Lenovo Z5 దీన్ని అధిగమించే అవకాశం ఉన్నట్లు తెలుస్తోంది.

18 రకాల టెక్నాలజీ పేటెంట్ లను

లెనోవో కంపెనీ ఇప్పటికే 18 రకాల టెక్నాలజీ పేటెంట్ లను సంపాదించిందని తెలుస్తోంది. ఇందులో నాలుగు రకాల టెక్నాలజీని ఈ అప్ కమింగ్ స్మార్ట్ ఫోన్ కోసం వాడే అవకాశం ఉన్నట్లు తెలుస్తోంది.

లీకయిన ఇమేజ్ ని బట్టి చూస్తే..

లేటెస్ట్ గా లీకయిన ఇమేజ్ ని బట్టి చూస్తే electric blue bodyతో ఫోన్ రానున్నట్లు తెలుస్తోంది. కాగా కంపెనీ వైస్‌ ప్రెసిడెంట్‌ ఛాంగ్‌ ఛెంగ్‌ పోస్టులో New national flagship declaration అని మెన్సన్ చేయడంతో కొన్ని ఆసక్తికర అంశాలను అది రేకెత్తిస్తోంది.

8/10 జిబి ర్యామ్ ఉండే అవకాశాలు

Lenovo Z5 ఫోన్లో in-display fingerprint scanner, బెజిల్ లెస్ డిస్ ప్లే , 8/10 జిబి ర్యామ్ ఉండే అవకాశాలు ఉన్నాయి. కాగా ఈ స్మార్ట్‌ఫోన్‌ తొలుత చైనాలో లాంచ్‌ కాబోతుంది. త్వరలోనే భారత్‌కు కూడా రానున్నట్టు తెలుస్తోంది. ప్రాక్టికల్‌ టెక్నాలజీతో ఇది రూపొందుతోందని తెలుస్తోంది. మరిన్ని విషయాల కోసం మరికొన్ని రోజులు ఎదురు చూడక తప్పదు.