64Mp క్వాలిటీతో 9 కెమెరాల స్మార్ట్‌ఫోన్, దిగ్గజాలకు దిమ్మతిరిగినట్టే !

లైట్ నుంచి 9 కెమెరాలు కలిగిన ఫోన్‌

కాంట్రాక్ట్ తయారీదారు Foxconnలో పెట్టుబడిదారుగా ఉన్న అమెరికా కంపెనీ లైట్ త్వరలో 9 కెమెరాలు కలిగిన ఓ ఫోన్‌ను విడుదల చేయనుంది. దీనిపై ఇప్పటికే ఆ కంపెనీ పరీక్షలు చేస్తున్నది. త్వరలోనే ఈ ఫోన్‌ను అందుబాటులోకి తేనున్నారు.

ఎల్16 పేరిట పాకెట్ సైజ్ కెమెరా

నిజానికి లైట్ కంపెనీ గతంలో ఎల్16 పేరిట ఓ పాకెట్ సైజ్ కెమెరాను విడుదల చేసింది. అందులో ఏకంగా 16 కెమెరాలను ఏర్పాటు చేశారు.

స్మార్ట్‌ఫోన్‌లో ఏకంగా 9 కెమెరాలను..

ఈ నేపథ్యంలోనే సదరు కెమెరా నుంచి ప్రేరణ పొంది లైట్ కంపెనీ తాను కొత్తగా విడుదల చేయనున్న స్మార్ట్‌ఫోన్‌లో ఏకంగా 9 కెమెరాలను ఏర్పాటు చేస్తున్నట్లు తెలిసింది.

64 మెగాపిక్సల్ క్వాలిటీ

లైట్ కంపెనీ విడుదల చేయనున్న స్మార్ట్‌ఫోన్‌లో ఉండే 9 కెమెరాలతో తీసుకునే ఫొటోలు 64 మెగాపిక్సల్ క్వాలిటీని కలిగి ఉంటాయి. దీంతోపాటు అత్యంత తక్కువ కాంతిలో ఫొటోలు తీసినా చాలా బాగా వచ్చేలా ఆ కెమెరాలను తీర్చిదిద్దనున్నారు.

ఫోన్‌పై ప్రస్తుతం పరీక్షలు..

అయితే లైట్ కంపెనీ స్మార్ట్‌ఫోన్ ఎప్పుడు వినియోగదారులకు అందుబాటులోకి వస్తుందో వివరాలను వెల్లడించలేదు. కానీ ఆ ఫోన్‌పై ప్రస్తుతం పరీక్షలు జరుపుతున్నందున అతి త్వరలోనే ఆ ఫోన్‌ను మనం మార్కెట్‌లో చూసే అవకాశం ఉంది.

హువావే పీ20 ప్రొ, హెచ్‌టీసీ యూ12 ప్లస్..

ఇక ఇప్పటికే హువావే పీ20 ప్రొ, హెచ్‌టీసీ యూ12 ప్లస్ ఫోన్లలో నాలుగు కెమెరాల సెటప్‌ను ఏర్పాటు చేశారు. అదే లైట్ కంపెనీ స్మార్ట్‌ఫోన్ వస్తే ఇక వెనుక భాగంలో అధిక కెమెరాలు కలిగిన ఫోన్లకు మంచి డిమాండ్ వస్తుందని చెప్పవచ్చు.

Washington Post అనే పత్రిక..

ఈ విషయాన్ని అమెరికాకు చెందిన Washington Post అనే పత్రిక పోస్ట్ చేసింది. 64MP primary camera ద్వారా స్టన్నింగ్ ఫోటోలను తీసుకోవచ్చని బ్యాక్ గ్రౌండ్లో bokeh shots ప్రధాన ఆకర్షణగా నిలుస్తాయని కంపెనీ తెలిపింది.

ఎల్16 కెమెరా ధర

ఈ కంపెనీ నుంచి ఎల్16 కెమెరా ఇప్పటికే అమెరికా మార్కెట్లో దుమ్మురేపుతోంది. దీని ధర అక్కడ $1,950 డాలర్లుగా ఉంది. ఈ ధరకు అటూ ఇటూగా 9 కెమెరాలతో ఫోన్ వచ్చే అవకాశం ఉన్నట్లు సమాచారం. పూర్తి వివరాలు తెలియాలంటే మరికొన్ని రోజులు ఆగాల్సిందే.