Snapdragon 845 SoCతో షియోమి నుంచి తొలి స్మార్ట్‌ఫోన్..

ఎంఐ మిక్స్‌2ఎస్‌ పేరుతో..

షియోమి మరో ఫ్లాగ్‌షిప్‌ ఫోన్‌ను ఎంఐ మిక్స్‌2ఎస్‌ పేరుతో భారత మార్కెట్లోకీ తీసుకువస్తున్నట్లు సోషల్ మీడియాలో వార్తలు వస్తున్నాయి. కాగా ఈ ఫోన్ స్నాప్‌డ్రాగన్‌ 845 ప్రాసెసర్‌తో దూసుకువస్తోందని తెలుస్తోంది.

శాంసంగ్‌ గెలాక్సీ ఎస్‌9..

ఇటీవలే శాంసంగ్‌ గెలాక్సీ ఎస్‌9, గెలాక్సీ ఎస్‌9+లను విడుదల చేయగా, సోనీ ఎక్స్‌పీరియా ఎక్స్‌జెడ్‌2, ఎక్స్‌పీరియా ఎక్స్‌జెడ్‌2 కాంపాక్ట్‌ లను విడుదల చేశాయి. ఈ నేపథ్యంలో వాటికి దీటుగా షియోమి ఎంఐ మిక్స్‌ 2ఎస్‌ను తీసుకొస్తోంది.

టీజర్‌ ఇప్పటికే..

ఈ ఫోన్‌నుకు సంబంధించిన టీజర్‌ ఇప్పటికే సామాజిక మాధ్యమాల వేదికగా హల్‌చల్‌ చేస్తోంది. అయితే తొలుత దీనిపై స్పందించడానికి ఇష్టపడని షియోమి.. ఆ తర్వాత ఫోన్‌ తీసుకొస్తున్న సంగతి నిజమేనని తెలిపింది.

మార్చి 27న జరిగే కార్యక్రమంలో..

కాగా మార్చి 27న జరిగే కార్యక్రమంలో ఈ ఫోన్‌ను విడుదల చేయనున్నట్లు తెలుస్తోంది. గతేడాది సెప్టెంబరులో విడుదలైన ఎంఐ మిక్స్‌2కు కొనసాగింపుగా ఈ ఫోన్‌ను తీసుకొస్తున్నారు.

8జీబీ ర్యామ్‌, 256 జీబీ మెమొరీ

ఆపిల్‌ ఐఫోన్‌ టెన్‌లాగా డిస్‌ప్లే టాప్‌లో నాచ్‌ (సెల్ఫీ కెమెరా, రిసీవర్‌, ప్రాక్సెమిటీ సెన్సర్‌ ఉండే ప్రాంతం) ఉంటుందట. 5.99 అంగుళాల తాకేతెర, 8జీబీ ర్యామ్‌, 256 జీబీ మెమొరీ, 12 మెగాపిక్సెల్‌ డ్యూయల్‌ కెమెరా, 4400 ఎంఏహెచ్‌ బ్యాటరీ సామర్థ్యం, ఓఎల్‌ఈడీ డిస్‌ప్లే ఉంటాయని టెక్‌ నిపుణులు చెబుతున్నారు. దీని ధర సుమారు రూ. 40 వేలు ఉంటుందని సమాచారం. కృత్రిమ మేథస్సు ఆధారంగా పనిచేసే ఫేస్‌ రికగ్నిషన్‌ సౌకర్యాన్ని ఈ ఫోన్లో అందిస్తున్నట్లు సమాచారం.