బడ్జెట్‌ రేంజ్‌లో మంచి ఫోన్‌ కోసం చూస్తున్నారా.. ఇవాళ విడుదల అయిన స్మార్ట్‌ఫోన్‌ మీకు బెస్ట్‌ ఆప్షన్‌ కావచ్చు!

Moto G96 5G Smartphone : మోటోరోలా నుంచి భారత్ మార్కెట్‌లో ఇటీవల అనేక స్మార్ట్‌ఫోన్‌లు విడుదల అయ్యాయి. మోటోరోలా ఎడ్జ్‌ 60 సిరీస్‌తోపాటు మోటోరోలా Razr మోడల్స్ కూడా లాంచ్‌ చేసింది. అయితే తాజాగా మోటో G96 5G స్మార్ట్‌ఫోన్‌ను విడుదల చేసింది. ఈ ఫోన్‌ను రూ.20 వేల కంటే తక్కువ ధరకు అందుబాటులోకి తీసుకొచ్చింది. అయితే అనేక మెరుగైన స్పెసిఫికేషన్‌లు, ఫీచర్లను కలిగి ఉంది.

మోటో G96 5G స్మార్ట్‌ఫోన్‌ పూర్తి వివరాలు :
ఈ స్మా్ర్ట్‌ఫోన్‌ 6.67 అంగుళాల ఫుల్‌ HD+ 10 bit 3D కర్వడ్‌ pOLED డిస్‌ప్లేతో విడుదల అయింది. ఈ డిస్‌ప్లే 144Hz రీప్రెష్‌ రేట్, 1600 నిట్స్‌ పీక్‌ బ్రైట్‌నెస్‌ ను కలిగి ఉంది. ఈ డిస్‌ప్లే కార్నింగ్ గొరిల్లా గ్లాస్‌ 5 ప్రొటెక్షన్‌ను పొందుతుంది. ఈ ఫోన్‌ వేగాన్ లెదర్ ఫినిష్‌ను కలిగి ఉంది.

స్నాప్‌డ్రాగన్ చిప్‌సెట్‌ :
ఈ మోటోరోలా స్మార్ట్‌ఫోన్ స్నాప్‌డ్రాగన్ 7s జెన్ 2 SoC చిప్‌సెట్‌తో పనిచేస్తుంది. ఈ చిప్‌సెట్ 8GB LPDDR4x ర్యామ్, UFS 2.2 స్టోరేజీని సపోర్టు చేస్తుంది. ఆండ్రాయిడ్ 15 ఆధారిత Hello UI Skin పైన పనిచేస్తుంది. ఈ ఫోన్‌ మూడు సంవత్సరాల వరకు సెక్యూరిటీ అప్‌డేట్స్‌ను అందిస్తుంది.

కెమెరా వివరాలు :
కెమెరా విభాగం పరంగా ఈ స్మార్ట్‌ఫోన్‌ వెనుక వైపు డ్యూయల్‌ కెమెరాలను కలిగి ఉంది. f/1.8 అపేచర్‌, OIS (ఆప్టికల్‌ ఇమేజ్‌ స్టెబిలైజేషన్‌) సపోర్టుతో 50MP సోనీ LYT 700c ప్రైమరీ కెమెరాను కలిగి ఉంది. ఆటోఫోకస్‌, మ్యాక్రో విజన్ సపోర్టు, f/2.2 అపేచర్‌తో 8MP అల్ట్రావైడ్‌ కెమెరాను కలిగి ఉంది.

ఈ ఫోన్‌ సెల్ఫీ, వీడియో కాల్స్‌ కోసం ముందువైపు f/2.2 అపేచర్‌, ఫిక్సడ్‌ ఫోకస్‌ సపోర్టుతో 32MP కెమెరాను అమర్చారు. ఈ కెమెరాల ద్వారా 4K వీడియో రికార్డింగ్‌ను సపోర్టు చేస్తుంది. ఈ హ్యాండ్‌సెట్‌ AI Photo Enhancement ఫీచర్‌ను సపోర్టు చేస్తుంది.

5500mAh బ్యాటరీ ఫోన్‌ :
మోటో స్మార్ట్‌ఫోన్‌ 33W టర్బోపవర్‌ ఛార్జింగ్‌ సపోర్టుతో 5500mAh బ్యాటరీతో పనిచేస్తుంది. ఈ ఫోన్‌ డాల్బీ అట్మాస్‌ సపోర్టుతో డ్యూయల్‌ స్టీరియో స్పీకర్‌లను కలిగి ఉంటుంది. ఈ ఫోన్‌ వాటర్‌ టచ్‌ సపోర్టును కలిగి ఉంటుంది.

కనెక్టివిటీ పరంగా ఈ మోటో G96 5G స్మార్ట్‌ఫోన్‌ 5G, 4G, వైఫై, బ్లూటూత్‌ 5.2, NFC, GPS, USB-C ఛార్జింగ్‌ పోర్టును కలిగి ఉంది. ఈ ఫోన్‌ సెక్యూరిటీ కోసం ఇన్‌డిస్‌ప్లే ఫింగర్‌ ప్రింట్‌ సెన్సర్‌, ఫేస్‌ అన్‌లాక్ ఫీచర్లను కలిగి ఉంది. ఈ ఫోన్‌ IP68 రేటింగ్‌తో డస్ట్‌ మరియు వాటర్ రెసిస్టెంట్‌గా ఉంది.

మోటోరోలా G96 5G స్మార్ట్‌ఫోన్‌ ధర, సేల్‌ వివరాలు :
మోటోరోలా G96 5G స్మార్ట్‌ఫోన్‌ 8GB ర్యామ్ + 128GB స్టోరేజీ వేరియంట్ ధర రూ.17999, 8GB ర్యామ్ + 256GB స్టోరేజీ వేరియంట్ ధర రూ.19999 గా ఉంది.

ఈ ఫోన్ సేల్‌ జులై 16 వ తేదీ మధ్యాహ్నం 12 గంటల నుంచి సేల్‌ ప్రారంభం కానుంది. మోటోరోలా ఇండియా వెబ్‌సైట్‌, ఫ్లిప్‌కార్ట్ ద్వారా కొనుగోలు చేయవచ్చు. ఆష్లీ బ్లూ, డ్రెస్టెన్ బ్లూ, గ్రీనర్‌ పాశ్చర్స్‌, కాట్లేయా ఆర్చిడ్‌ కలర్‌ వేరియంట్స్‌లో లభిస్తుంది.