సెల్ ఫోన్ వాడకం దారులు అత్యధికంగా ఉన్న భారతీయ మార్కెట్లో మోటరోలా సెల్ ఫోన్ రంగ సంస్థ తన సామ్రాజ్యాన్ని విస్తరింపచేస్తుంది. ఇప్పటికే దాదాపు 10 మోడళ్లను మార్కెట్లో ప్రవేశపెట్టిన మోటరోలా, వినియోగదారుల ఉత్సకతను ద్రుష్టిలో ఉంచుకుని మరికొన్ని మోడళ్లను ప్రవేశపెట్టేందుకు సిద్ధంగా ఉంది. నోకియా, సోని ఎరెక్సన్, సామ్ సంగ్, హెచ్ టీసీ బ్రాండ్ లకు ధీటుగా పోటీనిస్తున్న మోటరోలా 2015 నాటికి భారతీయ స్మార్ట్ మార్కెట్లో 30 శాతం వ్యాపారాన్ని చేజిక్కించుకోవాలని చూస్తుంది. ప్రస్తుత మార్కెట్లో మోటరోలా స్మార్ట్ ఫోన్ల అమ్మకాల తీరును చూస్తుంటే అనుకున్న లక్ష్యాన్ని సులువుగా చేధించగలదని స్పష్టమవుతుంది.

ఒకే కోవకు చెందిన రెండు మోడళ్ల మోటరోలా స్మార్ట్ ఫోన్లు ప్రస్తుత మార్కెట్లో తమ హవాను కొనసాగిస్తున్నాయి. అవే మోటరోలా డ్రాయిడ్ 2, మోటరోలా డ్రాయిడ్ 3. యువతను ప్రత్యేకంగా ఆకట్టుకుంటున్న ఈ స్మార్ట్ ఫోన్లు మార్కెట్లో హాట్ కేకుల్లా అమ్మడవుతున్నాయి. అందంగా డిజైన్ చేసిన ఈ స్మార్ట్ ఫోన్లు అత్యాధునిక సాంకేతికతతో వినియోగదారులను ఆకట్టుకుంటున్నాయి. ఈ ఫోన్లలోని విశేషాలను గమనిస్తే టచ్ స్ర్కీన్ సామర్థ్యం కలిగిన ఈ ఫోన్లను స్లైడింగ్ క్వర్టీ కీప్యాడ్‌తో రూపొందించారు. ఈ ఫోన్ల డిస్‌ప్లే సామర్థ్యాన్ని పరిశీలిస్తే డ్రాయిడ్ 2(3.7 ), డ్రాయిడ్ 3(4.0)విస్తీర్ణాన్ని కలిగి ఉన్నాయి.

శక్తి వంతమైన డ్యూయల్ కోర్ ప్రోసెసర్ సామర్థ్యం కలిగిన ఈ ఫోన్లు ఆండ్రాయిండ్ ఆపరేటింగ్ సిస్టమ్ ఫ్లాట్ ఫాం పై ఆధారపడి పనిచేస్తున్నాయి. ఆధునిక వర్షన్ ఆండ్రాయిడ్ జింజర్ బ్రెడ్ పై డ్రాయిడ్ 3 నడుస్తుండగా, ఫ్రోయో వర్సన్‌తో ఆండ్రాయిడ్ 2 నడుస్తుంది. మల్టీ మీడియాకు సంబంధించిన అంశాలను సపోర్టు చేసే ఈ స్మార్టు ఫోన్లలో ఆడియో, విడియో, ప్లే బ్యాక్, రికార్డింగ్ లను ఉన్నత ప్రమాణాలతో తీర్చీదిద్దారు. హై డెఫినిషన్ వంటి నూతన ప్రమాణాలను ఈ ఫోన్లలో పొందుపరిచారు. 8 మెగా పిక్సల్ సామర్ధ్యం కలిగిన డ్రాయిడ్ 3 నాణ్యమైన ఫోటోలతో పాటు వీడియోలు రికార్డు చేసుకునేందుకు ఉపయోగపడుతుంది. 5 మోగా పిక్సల్ సామర్ధ్యం కలిగిన డ్రాయిడ్ 2720పీ రికార్గింగ్ సామర్ధ్యం కలిగిఉంటుంది.

ఇంటెర్ నెట్, బ్లూటూత్, వై ఫై , జీపీఆర్ఎస్, ఎడ్జ్,హై స్పీడ్ త్రీజీ ఇంటర్ నెట్ వంటి అత్యాధునిక అంశాలు ఈ ఫోన్లలో ఇమిడి ఉన్నాయి.16 జీబీ సామర్థ్యం కలిగిన డ్రాయిడ్ 3, 8 జీబీ సామర్థ్యం కలిగిన డ్రాయిడ్ 2 ఫోన్లు మైక్రో ఎస్ డీ ఎక్స్ పేనిషన్ ద్వారా జీబీ సామర్ధ్యాన్ని 32కు పెంచుకునే వెసులుబాటు కల్పించారు. వీటి ధరల విషయానికొస్తే డ్రాయిడ్ 2 ధర రూ.35000 ఉండగా , డ్రాయిడ్ 3 ధర రూ.38900లు పలుకుతుంది.స్మార్ట్ మొబైల్ కొందామనుకుంటున్న సెల్ ప్రియులకు అత్యాధునికతో పాటు అదనపు ఆకర్షణలు కల్సిస్తున్న డ్రాయిడ్ 3 ద బెస్ట్ ఛాయిస్.

Read more about:

• motorola
• మోటరోలా
• android
• ఆండ్రాయిడ్
• mobile
• మొబైల్
• motorola droid
• మోటరోలా డ్రాయిడ్