ఈ ఫోన్‌ను రూ.8 వేల డిస్కౌంట్‌తో కొనుగోలు చేయవచ్చు.. 12GB ర్యామ్, 256GB స్టోరేజీ, టెలిఫోటో లెన్స్‌..!

Motorola Edge 50 pro 5G Smartphone : ప్రముఖ స్మార్ట్‌ఫోన్‌ ల తయారీ సంస్థ మోటోరోలా నుంచి గత సంవత్సరం మోటోరోలా ఎడ్జ్‌ 50 సిరీస్‌ లాంచ్ అయింది. ఈ సిరీస్‌లో భాగంగా మోటోరోలా ఎడ్జ్ 50 ప్రో సహా మరిన్ని మోడల్స్‌ అందుబాటులోకి వచ్చాయి. ఈ ఫోన్‌ ఆర్టిఫిషియల్ ఇంటెలిజెన్స్‌ ఫీచర్‌లతోపాటు అనేక బెస్ట్ స్పెసిఫికేషన్లు, ఫీచర్‌ లను కలిగి ఉంది. ప్రస్తుతం ఈ ఫోన్‌ ను డిస్కౌంట్ ధరకు కొనుగోలు చేయవచ్చు.

విడుదల సమయంలో ధరలు ఇలా :
విడుదల సమయంలో మోటోరోలా ఎడ్జ్‌ 50 ప్రో స్మార్ట్‌ఫోన్ 8GB ర్యామ్ + 128GB స్టోరేజీ ధర రూ.31999, 8GB ర్యామ్‌ + 256GB స్టోరేజీ ధర రూ.35999 గా ఉంది. ప్రస్తుతం ఫ్లిప్‌కార్ట్‌ లో భారీ డిస్కౌంట్ ధరకు అందుబాటులో ఉన్నాయి. దీంతోపాటు బ్యాంకు కార్డులపై మరింత డిస్కౌంట్‌ ను పొందవచ్చు.

రూ.8 వేల తగ్గింపు ధరతో :
ఫ్లిప్‌కార్ట్‌ లో ప్రస్తుతం 8GB/128GB వేరియంట్‌ ధర రూ.27999 అంటే రూ.4000 డిస్కౌంట్‌ ను పొందవచ్చు. అదే 12GB/256GB ధర రూ.27999 గా ఉంది. అంటే సుమారు రూ.8 వేల డిస్కౌంట్‌ ధరకు కొనుగోలు చేయవచ్చు. ఈ ఫోన్ బ్యాక్‌ బ్యూటీ, కనీల్‌ బే, లక్స్‌ లావేండర్‌, మూన్‌లైట్‌ పెర్ల్‌ కలర్‌ వేరియంట్స్‌ లో లభిస్తుంది.

మోటో ఎడ్జ్‌ 50 ప్రో స్మార్ట్‌ఫోన్ స్పెసిఫికేషన్‌లు :
మోటో ఎడ్జ్‌ 50 ప్రో 5G స్మార్ట్‌ఫోన్‌ 6.7 అంగుళాల కర్వడ్‌ pOLED 1.5k డిస్‌ప్లేను కలిగి ఉంది. 144Hz రీఫ్రెష్‌ రేట్‌, 2000 నిట్స్‌ గరిష్ఠ బ్రైట్‌నెస్‌ ను కలిగి ఉంది. ఈ ఫోన్‌ IP68 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంది.

4 సంవత్సరాల వరకు అప్‌డేట్స్‌ :
ఈ మోటో స్మార్ట్‌ఫోన్‌ స్నాప్‌ డ్రాగన్‌ 7 జెన్‌ 3 SoC చిప్‌సెట్‌ తో పనిచేస్తోంది. మరియు ఆండ్రాయిడ్‌ 14 ఆధారిత Hello UI OS ను కలిగి ఉంది. ఈ హ్యాండ్‌సెట్ 3 ఆండ్రాయిడ్‌ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది.

టెలిఫోటో కెమెరా :
కెమెరా విభాగం పరంగా ఈ ఫోన్‌ Pantone ఆధారిత AI ప్రో గ్రేడ్‌ కెమెరాలను కలిగి ఉన్నాయి. ఈ ఫోన్ వెనుక వైపు ట్రిపుల్ కెమెరాలను కలిగి ఉంది. 50MP ప్రైమరీ కెమెరా, 13MP అల్ట్రా వైడ్‌ యాంగిల్‌, 3x జుమ్‌తో 10MP టెలిఫోటో కెమెరాను కలిగి ఉంది.

ఈ ఫోన్ సెల్ఫీ, వీడియో కాల్స్‌ కోసం 50MP కెమెరాను కలిగి ఉంది. ఈ కెమెరా విభాగం ఇంటెలిజెంట్‌ ఆటోఫోకస్‌ ట్రాకింగ్‌, అడాప్టివ్‌ స్టెబిలైజేషన్‌, అడ్వాన్స్‌డ్‌ లాంగ్ ఎక్స్‌పోజర్‌ సహా అనేక ఫీచర్లను కలిగి ఉంది. ఈ ఫోన్ 125W ఫాస్ట్‌ ఛార్జింగ్‌, 50W వైర్‌లెస్‌ ఛార్జింగ్‌ సపోర్టుతో 4500mAh బ్యాటరీతో పనిచేస్తోంది.