5500mAh బ్యాటరీ, 6.7 అంగుళాల డిస్‌ప్లే, మూడు కెమెరాలు, స్మార్ట్‌ ఫీచర్‌లతో మోటోరోలా 5G స్మార్ట్‌ఫోన్‌..!

మోటోరోలా నుంచి త్వరలో భారత్‌ మార్కెట్‌ లోకి కొత్త స్మార్ట్‌ఫోన్‌ లాంచ్‌ కానుంది. ఈ మోటోరోలా ఎడ్జ్‌ 60 ఫ్యూజన్‌ ఫోన్‌ గురించి ఇప్పటికే అనేక లీక్స్‌ వచ్చాయి. అయితే తాజాగా ఈ హ్యాండ్‌సెట్‌ లాంచ్‌ తేదీ సహా ఇతర స్పెసిఫికేషన్‌ల వివరాలు వెల్లడయ్యాయి. ఈ ఫోన్‌ ప్రముఖ ఇ-కామర్స్ సంస్థ ఫ్లిప్‌కార్ట్‌ (Flipkart) ద్వారా భారత్‌ మార్కెట్‌ లో అందుబాటులోకి రానుంది. ఈ ఫోన్‌ పూర్తి స్పెసిఫికేషన్‌లు, ఫీచర్‌ల వివరాలు.

మోటోరోలా ఎడ్జ్‌ 60 ఫ్యూజర్‌ స్మార్ట్‌ఫోన్ (Motorola Edge 60 Fusion Smartphone) భారత్‌ లో ఏప్రిల్ 2 వ తేదీన మధ్యాహ్నం 12 గంటలకు విడుదల కానుంది. ఈ ఫోన్‌ ఫ్లిప్‌కార్ట్‌ ద్వారా అందుబాటులోకి రానుంది. ఈ హ్యాండ్‌సెట్ లావెండర్‌, లైట్‌ బ్లూ, సాల్మన్‌ (లైట్‌ పర్పుల్) వంటి మూడు రంగుల్లో భారత్ మార్కెట్‌లో అందుబాటులో ఉంటుంది.

మోటోరోలా ఎడ్జ్‌ 60 ఫ్యూజన్‌ స్మార్ట్‌ఫోన్‌ స్పెసిఫికేషన్‌లు :
మోటోరోలా ఎడ్జ్‌ 60 ఫ్యూజన్‌ స్మార్ట్‌ఫోన్‌ డిజైన్ పరంగా ఆకట్టుకుంటోంది. 6.7 అంగుళాల 1.5K పాంటోన్‌ కర్వడ్ డిస్‌ప్లేను కలిగి ఉంటుంది. ఈ ఫోన్‌ డిస్‌ప్లే 96.3 స్క్రీన్‌ టూ బాడీ రేషియో, 4500 నిట్స్‌ గరిష్ఠ బ్రైట్‌నెస్‌తో అందుబాటులోకి రానుంది.

ఈ డిస్‌ప్లే HDR10+ సపోర్టును కలిగి ఉంటుంది. మరియు ఎక్కువ సమయం ఉపయోగించినా కళ్లకు హానికలగకుండా ఉండేలా SGS ఐ కేర్ ఫీచర్‌తో లాంచ్ కానుంది. ఈ డిస్‌ప్లే కార్నింగ్‌ గొరిల్లా గ్లాస్‌ 7i రక్షణను పొందుతుంది. ఈ ఫోన్‌ MIL-810H మిలిటరీ గ్రేడ్‌ సర్టిఫికేషన్‌ను కలిగి ఉంది. ఈ హ్యాండ్‌సెట్‌ మోటో సెక్యూర్‌ 3.0, స్మార్ట్‌ కనెక్ట్ 2.0, ఫ్యామిలీ స్పేస్‌ 3.0 మరియు మటో గెశ్చర్స్‌ వంటి ఫీచర్స్‌ను సపోర్టు చేస్తుంది.

చిప్‌సెట్ వివరాలు :
ఈ మోటోరోలా స్మార్ట్‌ఫోన్‌ మీడియాటెక్ డైమెన్సిటీ 7400 SoC చిప్‌సెట్‌తో పనిచేస్తుంది. ఈ ఫోన్‌ 8GB ర్యామ్ + 256GB స్టోరేజీ, 12GB ర్యామ్‌ + 256GB స్టోరేజీ వేరియంట్స్‌లో లభిస్తుంది. మైక్రో SD కార్డుతో 1TB వరకు స్టోరేజీని పెంచుకొనేందుకు అవకాశం ఉందని మోటోరోలా తెలిపింది.

4 సంవత్సరాల సెక్యూరిటీ అప్‌డేట్స్‌ :
ఈ ఫోన్‌ మోటో AI సూట్‌ సహా గూగుల్‌ సర్కిల్‌ టూ సెర్చ్‌, AI Magic Editor, AI Magic Eraser వంటి ఆర్టిఫిషియల్‌ ఇంటెలిజెన్స్ ఫీచర్‌లను కలిగి ఉంటుంది. ఆండ్రాయిడ్ 15 ఆధారిత Hello OS ను కలిగి ఉంటుంది. ఈ ఫోన్ మూడు ఆండ్రాయిడ్ OS అప్‌డేట్స్‌ మరియు 4 సంవత్సరాల సెక్యూరిటీ అప్‌డేట్స్‌ను పొందుతుంది.

కెమెరా ఫీచర్‌లు :
ఈ ఫోన్‌ స్క్వేరిష్‌ డిజైన్‌తో కెమెరా మాడ్యూల్‌ను కలిగి ఉంది. మూడు కెమెరా లెన్స్‌లతోపాటు LED ఫ్లాష్‌ లైట్‌ను గమనించవచ్చు. 50MP సోనీ LYT700C ప్రైమరీ కెమెరా, 13MP అల్ట్రావైడ్‌ లెన్స్‌, మరో మ్యాక్రో లెన్స్‌ను కలిగి ఉంటుంది. దీంతోపాటు ఈ ఫోన్‌ సెల్ఫీ, వీడియో కాల్స్‌ కోసం 32MP కెమెరాను అమర్చి ఉంటుంది. ఈ కెమెరా 4k వీడియో రికార్డింగ్ సామర్థ్యాన్ని కలిగి ఉంది.

ఈ మోటోరోలా ఎడ్జ్‌ 60 ఫ్యూజన్‌ స్మార్ట్‌ఫోన్‌ 68W వైర్‌ ఫాస్ట్‌ ఛార్జింగ్ సపోర్టుతో 5500mAh బ్యాటరీని కలిగి ఉంది. ఈ హ్యాండ్‌సెట్‌ IP68 + IP69 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంది. అంటే మెరుగైన వాటర్‌ ప్రూఫ్‌ స్మార్ట్‌ఫోన్‌గా లాంచ్‌ కానుంది.