6000mAh బ్యాటరీ, 50MP కెమెరా, 90W ఫాస్ట్ ఛార్జింగ్‌తో Motorola Edge 60 Pro విడుదల..!

Motorola Edge 60 Pro: మోటోరోలా ఎడ్జ్ 60 ప్రో (Motorola Edge 60 Pro) స్మార్ట్‌ఫోన్‌ను మోటోరోలా కంపెనీ భారత మార్కెట్లోకి అధికారికంగా విడుదల చేసింది. ఆకర్షణీయమైన డిజైన్, అదిరిపోయే ఫీచర్లతో వస్తున్న ఈ ఫోన్, కేవలం రూ.29,999 ప్రారంభ ధరతో అందరినీ ఆశ్చర్యపరుస్తోంది. ఇందులో ఉన్న 6.7 అంగుళాల 1.5K రిజల్యూషన్ డిస్‌ప్లే, భారీ 6000mAh బ్యాటరీ, IP69 రేటింగ్ వంటివి ఈ ధరలో లభించడం చాలా అరుదు. మరి ఈ ఫోన్ విశేషాలేంటో చూద్దాం.

* కళ్లు చెదిరే డిస్‌ప్లే..
ఈ ఫోన్‌లో 6.7 అంగుళాల 1.5K pOLED డిస్‌ప్లే అమర్చారు. ఇది 120Hz రిఫ్రెష్ రేట్‌తో చాలా స్మూత్‌గా పనిచేస్తుంది. ఏకంగా 4500 నిట్స్ బ్రైట్‌నెస్‌తో ఎండలో కూడా స్క్రీన్ స్పష్టంగా కనిపిస్తుంది. HDR10+ సపోర్ట్, DCI-P3 కలర్స్‌తో దృశ్యాలు చాలా సహజంగా, అందంగా కనిపిస్తాయి. స్క్రీన్‌కు గొరిల్లా గ్లాస్ 7i రక్షణ కూడా ఉంది.

ఈ ఫోన్‌ను ఎలాంటి కఠిన పరిస్థితుల్లోనైనా వాడేలా డిజైన్ చేశారు. దీనికి IP68, IP69 రేటింగ్స్ ఉన్నాయి, అంటే దుమ్ము, ధూళి, నీటిలో పడినా ఏమీ కాదు. అంతేకాదు, మిలిటరీ ప్రమాణాలతో సమానమైన MIL-STD-810H సర్టిఫికేషన్ కూడా ఉంది. అంటే, తేమ, ఎక్కువ ఎత్తు, 1.5 మీటర్ల ఎత్తు నుంచి కింద పడినా కూడా తట్టుకోగలదు.

* వేగవంతమైన పనితీరు, లేటెస్ట్ సాఫ్ట్‌వేర్
ఇందులో వేగవంతమైన 4nm మీడియాటెక్ డైమెన్సిటీ 8350 ఎక్స్‌ట్రీమ్ (MediaTek Dimensity 8350 Extreme) ప్రాసెసర్‌ను వాడారు. గేమింగ్ కోసం Mali-G615 MC6 GPU ఉంది. ఇది 8GB RAM + 256GB స్టోరేజ్, 12GB RAM + 256GB స్టోరేజ్ అనే రెండు వేరియంట్లలో లభిస్తుంది.

రెండింటిలోనూ వేగంగా పనిచేసే LPDDR5X RAM, UFS 4.0 స్టోరేజ్ టెక్నాలజీలను ఉపయోగించారు. ఈ ఫోన్ సరికొత్త ఆండ్రాయిడ్ 15 (Android 15) వెర్షన్‌తో వస్తుంది. మోటోరోలా దీనికి 3 ఏళ్ల పాటు ఆండ్రాయిడ్ అప్‌డేట్స్, 4 ఏళ్ల పాటు సెక్యూరిటీ అప్‌డేట్స్ ఇస్తామని హామీ ఇస్తోంది.

మోటో AI ఫీచర్లు విషయానికి వస్తే ఇందులో 'క్యాచ్ మీ అప్' (Catch Me Up), 'పే అటెన్షన్' (Pay Attention - సంభాషణలను టెక్స్ట్‌గా మార్చడం), 'రిమెంబర్ దిస్' (Remember This - సమాచారాన్ని గుర్తుంచుకోవడం) వంటి కొన్ని స్మార్ట్ AI ఫీచర్లను కూడా జోడించారు.

* అద్భుతమైన కెమెరాలు, భారీ బ్యాటరీ
ఫోన్ వెనుక భాగంలో మూడు కెమెరాలున్నాయి. మెయిన్ కెమెరా 50MP (Sony LYTIA 700C సెన్సార్)తో, OIS సపోర్ట్‌తో వస్తుంది. దీనికి తోడుగా, 50MP అల్ట్రా-వైడ్ కెమెరా, 10MP టెలీఫోటో కెమెరా ఉన్నాయి. ఈ టెలీఫోటో లెన్స్ ద్వారా 3 రెట్లు క్వాలిటీ తగ్గకుండా జూమ్, 50 రెట్ల వరకు హైబ్రిడ్ జూమ్ చేయవచ్చు.

ముందు వైపు ఆటోఫోకస్ ఫీచర్‌తో కూడిన 50MP కెమెరాను అమర్చారు. దీనివల్ల సెల్ఫీలు చాలా స్పష్టంగా వస్తాయి. ఈ ఫోన్‌లో ఏకంగా 6000mAh సామర్థ్యం గల పెద్ద బ్యాటరీ ఉంది. ఇది రోజంతా సులభంగా వస్తుంది. బ్యాటరీ త్వరగా ఛార్జ్ అవ్వడానికి 90W ఫాస్ట్ ఛార్జింగ్ సపోర్ట్ ఇచ్చారు.

బాక్సులోనే ఫాస్ట్ ఛార్జర్‌ను కూడా అందిస్తున్నారు. అంతేకాకుండా, 15W వైర్‌లెస్ ఛార్జింగ్, ఇతర డివైజ్‌లను ఛార్జ్ చేయడానికి 5W రివర్స్ వైర్‌లెస్ ఛార్జింగ్ ఫీచర్లు కూడా ఉన్నాయి. మంచి సౌండ్ అనుభూతి కోసం డాల్బీ అట్మాస్ (Dolby Atmos) టెక్నాలజీతో కూడిన స్టీరియో స్పీకర్లు ఉన్నాయి.

* ధర, రంగులు, ఎక్కడ కొనాలి..
ఈ ఫోన్ పాంటోన్ (Pantone) సర్టిఫైడ్ రంగులైన డాజ్లింగ్ బ్లూ (Dazzling Blue), స్పార్క్లింగ్ గ్రేప్ (Sparkling Grape), షాడో (Shadow) అనే మూడు ఆకర్షణీయమైన రంగులలో లభిస్తుంది. ధరల విషయానికి వస్తే 8GB RAM + 256GB స్టోరేజ్ వేరియంట్ ధర రూ.29,999గా నిర్ణయించారు.

12GB RAM + 256GB స్టోరేజ్ వేరియంట్ ధర రూ.33,999గా ఉంది. ఈ ఫోన్ కోసం ప్రీ-ఆర్డర్లు ఏప్రిల్ 30 నుంచి ఫ్లిప్‌కార్ట్ (Flipkart), మోటోరోలా.ఇన్ (Motorola.in) వెబ్‌సైట్లు, ఎంపిక చేసిన రిటైల్ స్టోర్లలో ప్రారంభమయ్యాయి. మే 7 నుంచి అధికారికంగా అమ్మకాలు మొదలవుతాయి. ఈ ధరలో ఇన్ని గొప్ప ఫీచర్లతో వస్తున్న మోటోరోలా ఎడ్జ్ 60 ప్రో ఖచ్చితంగా మార్కెట్లో మంచి పోటీనిస్తుంది అనడంలో సందేహం లేదు.