రేపు విడుదల కానున్న అల్ట్రా స్లిమ్ మోడల్‌ స్మార్ట్‌ఫోన్.. స్పెసిఫికేషన్‌లు, ఫీచర్‌ల వివరాలు..!

మోటోరోలా నుంచి భారత్‌ మార్కెట్‌లోకి మరో స్మార్ట్‌ఫోన్‌ విడుదల కానుంది. మోటోరోలా ఎడ్జ్‌ 70 పేరుతో అందుబాటులోకి రానుంది. తాజాగా భారత్‌లో ఈ హ్యాండ్‌సెట్‌ విడుదల తేదీ సహా అనేక వివరాలు వెల్లడయ్యాయి. అయితే ఇటీవలే యూరప్‌ సహా ఇతర మార్కెట్స్‌లో ఈ హ్యాండ్‌సెట్‌ విడుదల అయింది. గ్లోబల్ వేరియంట్‌తో పోలిస్తే ఇండియా వేరియంట్‌ అనేక అప్‌గ్రేడ్స్‌ను కలిగి ఉండే అవకాశం ఉందని అంచనా వేస్తున్నారు.

రేపే విడుదల :
మోటోరోలా వెల్లడించిన వివరాల ఆధారంగా ఎడ్జ్ 70 స్మార్ట్‌ఫోన్‌ (Motorola Edge 70 Smartphone) భారత్‌ మార్కెట్‌లో రేపు (డిసెంబర్ 15) విడుదల కానుంది. ఈ ఫోన్ 5.99mm థిక్‌నెస్‌తో అల్ట్రా స్లిమ్‌ డిజైన్‌తో అందుబాటులోకి రానుంది. దీంతోపాటు అనేక మెరుగైన ఫీచర్‌లు కూడా ఉండనున్నాయని తెలుస్తోంది.

డిస్‌ప్లే వివరాలు :
మోటోరోలా ఎడ్జ్ 70 స్మార్ట్‌ఫోన్‌ 120Hz రీఫ్రెష్‌ రేట్‌తో 6.67 అంగుళాల (1220 x 2712 పిక్సల్స్‌) pOLED డిస్‌ప్లేను కలిగి ఉంటుందని తెలుస్తోంది. ఈ హ్యాండ్‌సెట్‌ డిస్‌ప్లే 4500 నిట్స్‌ గరిష్ఠ బ్రైట్‌నెస్‌తోపాటు కార్నింగ్‌ గొరిల్లా గ్లాస్‌ 7i ప్రొటెక్షన్‌ను పొందుతుందని తెలుస్తోంది.

స్నాప్‌డ్రాగన్‌ చిప్‌సెట్ :
ఈ హ్యాండ్‌సెట్ క్వాల్‌కాం స్నాప్‌డ్రాగన్‌ 7 జెన్‌ 4 ప్రాసెసర్‌ ను కలిగి ఉంటుంది. ఈ ప్రాసెసర్‌ 12GB ర్యామ్‌, 512GB స్టోరేజీని సపోర్టు చేస్తుంది. OS వివరాలు సహా ఈ ఫోన్‌ ఎన్ని సంవత్సరాల OS అప్‌డేట్స్, సెక్యూరిటీ అప్‌డేట్స్‌ను పొందనుందో వెల్లడి కావాల్సి ఉంది.

50MP సెల్ఫీ కెమెరాతోపాటు :
కెమెరా విభాగం పరంగా ఈ హ్యాండ్‌సెట్‌ వెనుక వైపు ట్రిపుల్‌ కెమెరా యూనిట్‌ను కలిగి ఉంటుంది. OIS (ఆప్టికల్‌ ఇమేజ్‌ స్టెబిలైజేషన్‌) సపోర్టుతో 50MP ప్రైమరీ కెమెరా, 50MP అల్ట్రా వైడ్‌ యాంగిల్‌ లెన్స్‌, 3 ఇన్ 1 సెన్సర్ ఉంటుంది. అదే సెల్ఫీ, వీడియో కాల్స్‌ కోసం 50MP కెమెరాతో అందుబాటులోకి రానుంది.

ఫాస్ట్‌ ఛార్జింగ్ సపోర్టు :
ఈ మోటోరోలా స్లిమ్‌ స్మార్ట్‌ఫోన్ 68W ఫాస్ట్‌ ఛార్జింగ్‌ సపోర్టుతో 4800mAh సిలికాన్ కార్బన్‌ బ్యాటరీని కలిగి ఉంటుంది. ఈ ఫోన్‌ ను ఒక్కసారి పూర్తిగా ఛార్జింగ్ చేసి ఏకంగా 29 గంటల వీడియో ప్లేబ్యాక్‌ లేదా 66 గంటల మ్యూజిక్‌ ప్లేబ్యాక్‌ టైంను పొందుతుందని మోటో చెబుతోంది.

ఈ మోటోరోలా అల్ట్రా స్లిమ్‌ డిజైన్‌ ఫోన్‌ IP68, IP69 రేటింగ్‌తో డస్ట్‌, వాటర్‌ రెసిస్టెంట్‌గా ఉంటుంది. కనెక్టివిటీ పరంగా బ్లూటూత్‌, వైఫై, NFC వంటి కనెక్టివిటీ ఫీచర్‌లను కలిగి ఉంటుంది. ఈ ఫోన్ పాంటోన్‌ బ్రాంజ్‌ గ్రీన్‌, పాంటోన్‌ లిలీ ప్యాడ్‌, గ్యాడ్జెట్‌ గ్రే కలర్‌ వేరియంట్స్‌లో లభిస్తుంది.

మోటోరోలా ఎడ్జ్ 70 స్మార్ట్‌ఫోన్‌ భారత్‌ మార్కెట్‌లో ఫ్లిప్‌కార్ట్‌ సహా ఇతర ప్రధాన రిటైల్‌ స్టోర్‌ల ద్వారా సేల్ ప్రారంభం కానుంది. అయితే ఈ ఫోన్ ఎంత ధరలో అందుబాటులోకి రానుందో వెల్లడి కావాల్సి ఉంది. మరియు ఎన్ని స్టోరేజీ వేరియంట్స్‌లో లాంచ్‌ కానుందో తెలియాల్సి ఉంది. రేపు విడుదల సమయంలో వివరాలు వెల్లడి కానున్నాయి.