అల్యూమినియం ఫ్రేమ్‌, మిలిటరీ గ్రేడ్‌ సర్టిఫికేషన్‌, స్లిమ్‌ డిజైన్‌తో 5G స్మార్ట్‌ఫోన్‌.. పూర్తి వివరాలు..!

Motorola Edge 70 Smartphone : మోటోరోలో తన అల్ట్రా స్లిమ్‌ స్మార్ట్‌ఫోన్‌ను లాంచ్‌ చేసింది. మోటోరోలా ఎడ్జ్‌ 70 పేరుతో ఫోన్‌ను విడుదల చేసింది. ఈ ఫోన్‌ ట్రిపుల్‌ కెమెరా, స్నాప్‌డ్రాగన్ చిప్‌సెట్‌ను కలిగి ఉంది. వైర్‌లెస్‌ ఛార్జింగ్‌ను కూడా సపోర్టు చేస్తుంది. మిలిటరీ గ్రేడ్ సర్టిఫికేషన్‌తోపాటు 5.99mm థిక్‌నెస్‌తో స్లిమ్‌ డిజైన్‌ను కలిగి ఉంది. ఈ మోటో ఫోన్‌ స్పెసిఫికేషన్‌లు, ఫీచర్‌ల వివరాలు.

మోటోరోలా ఎడ్జ్‌ 70 స్మార్ట్‌ఫోన్‌ స్పెసిఫికేషన్‌లు, ఫీచర్‌లు :
ఈ ఫోన్‌ 6.7 అంగుళాల 1.5K అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 120Hz రీఫ్రెష్‌ రేట్‌, 4500 నిట్స్‌ గరిష్ట బ్రైట్‌నెస్‌ను కలిగి ఉంది. ఈ డిస్‌ప్లే డాల్బీ విజన్‌, HDR10+ ను సపోర్టు చేస్తుంది. గొరిల్లా గ్లాస్‌ 7i ప్రొటెక్షన్‌ను పొందుతుంది.

ప్రత్యేక ఫీచర్‌లు :
ఈ హ్యాండ్‌సెట్‌ MIL STD 810H మిలిటరీ గ్రేడ్‌ సర్టిఫికేషన్‌ను కలిగి ఉంది. మరియు ఎయిర్‌క్రాఫ్ట్‌ గ్రేడ్‌ అల్యూమినియం ఫ్రేమ్‌తో విడుదల అయింది. ఈ ఫోన్‌ 5.99mm థిక్‌నెస్‌ను కలిగి ఉంది. IP68 + IP69 రేటింగ్‌తో డస్ట్‌, వాటర్‌ రెసిస్టెంట్‌గా ఉంది.

4 సంవత్సరాల వరకు అప్‌డేట్స్‌ :
ఈ మోటోరోలా ఫోన్‌ క్వాల్‌కాం స్నాప్‌డ్రాగన్‌ 7 జెన్‌ 4 చిప్‌సెట్‌ను కలిగి ఉంది. ఈ చిప్‌ 8GB LPDDR5x ర్యామ్‌, 256GB UFS 3.1 స్టోరేజీని సపోర్టు చేస్తుంది. ఆండ్రాయిడ్‌ 16 ఆధారిత Hello UI పైన పనిచేస్తుంది. ఈ ఫోన్ 3 ఆండ్రాయిడ్ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

50MP + 50MP + 50MP కెమెరాలు :
కెమెరా విభాగం పరంగా వెనుక వైపు ట్రిపుల్‌ కెమెరాలను కలిగి ఉంది. ఇందులో ఆప్టికల్‌ ఇమేజ్ స్టెబిలైజేషన్‌ (OIS) సపోర్టుతో 50MP ప్రైమరీ కెమెరా ఉంది. దీంతోపాటు 50MP అల్ట్రావైడ్‌ కెమెరా, 3 ఇన్‌ 1 లైట్‌ సెన్సర్‌ కూడా ఉంది. సెల్ఫీ, వీడియో కాల్స్‌ కోసం 50MP కెమెరాను అమర్చారు.

ఈ ఫోన్‌ కెమెరాలు 60fps వద్ద 4K వీడియో రికార్డింగ్‌ను సపోర్టు చేస్తుంది. దీంతోపాటు ఏఐ యాక్షన్‌ షాట్‌, AI Video Enhancement, AI Photo Enhancement వంటి ఫీచర్‌లు కూడా ఉన్నాయి. వీటితోపాటు ఈ ఫోన్ Next Move, Pay Attention 2.0, Catch Me Up 2.0 వంటి ఫీచర్‌లు ఉన్నాయి.

వైర్‌లెస్‌ ఛార్జింగ్‌ సపోర్టు :
మోటోరోలా ఎడ్జ్ 70 స్మార్ట్‌ఫోన్‌ 5000mAh సిలికాన్‌ కార్బన్‌ బ్యాటరీని కలిగి ఉంది. ఈ ఫోన్‌ 68W వైర్‌ ఛార్జింగ్‌, 15W వైర్‌లెస్‌ ఛార్జింగ్‌ సపోర్టును కలిగి ఉంది.

మోటోరోలా ఎడ్జ్‌ 70 స్మార్ట్‌ఫోన్‌ ధర, సేల్‌ వివరాలు :
మోటోరోలా ఎడ్జ్‌ 70 స్మార్ట్‌ఫోన్‌ 8GB ర్యామ్ + 256GB స్టోరేజీ వేరియంట్‌ ధర రూ.29999 గా ఉంది. అయితే ఎంపిక చేసిన బ్యాంకు కార్డులపై రూ.1000 డిస్కౌంట్‌ను అందిస్తుంది. ఈ ఫోన్‌ సేల్‌ డిసెంబర్‌ 23 వ తేదీ నుంచి ప్రారంభం కానుంది.

ఈ ఫోన్‌ను మోటోరోలా ఇండియా ఆన్‌లైన్‌ స్టోర్‌, ఫ్లిప్‌కార్ట్‌ సహా ఇతర ఆఫ్‌లైన్‌ స్టోర్స్‌లో కొనుగోలు చేసేందుకు అందుబాటులో ఉంటుంది. పాంటోన్‌ బ్రాంజ్‌ గ్రీన్, పాంటోన్‌ గ్యాడ్జెట్‌ గ్రే, పాంటోన్‌ లిలీ ప్యాడ్ కలర్‌ వేరియంట్స్‌లో అందుబాటులో ఉంటుంది.