ఒకప్పటి Nokia ఫోన్లు మళ్ళీ లాంచ్ అయ్యాయి! ఈ సారి కొత్త ఫీచర్లు

పాత నోకియా మోడళ్ల ఫోన్లను ఇష్టపడే వారిలో మీరూ ఒక్కరైతే, మీకు శుభవార్త. నోకియా సంస్థ నుంచి నోకియా 130 మరియు నోకియా 150 మోడళ్లలో 2 ప్రసిద్ధ ఫోన్లు మళ్ళీ లాంచ్ చేసింది ; అది కూడా ఆధునిక సాఫ్ట్‌వేర్ మరియు నోకియా యొక్క ప్రసిద్ధి చెందిన స్నేక్ గేమ్ ని కూడా అందిస్తోంది.

నోకియా ఫీచర్ ఫోన్‌ల లో స్నేక్ గేమ్ ఆడే రోజులను మళ్ళీ గుర్తు చేస్తుంది. స్మార్ట్‌ఫోన్‌లు లేని రోజుల్లో మన జీవితాలు ఎంత తేలికగా గడిచిపోయాయో కొన్ని గత అనుభవాలను మీకు అందించడం ఖాయం.

ప్రస్తుతం, స్మార్ట్‌ఫోన్‌లు మీరు కూర్చున్న దగ్గర నుండే అన్ని పనులను పూర్తి చేయడంలో సహాయపడతాయి. అందులో,ఎటువంటి సందేహం లేదు, అయితే స్మార్ట్‌ఫోన్‌లు వ్యసనానికి ప్రధాన వనరుగా మారాయి; స్వల్పంగా కూడా మిమ్మల్ని విశ్రాంతి తీసుకోకుండా చేస్తుంది.

పైన పేర్కొన్న 'తీవ్రమైన' కారణాలే కాకుండా, మీకు సెకండరీ మొబైల్ ఫోన్ అవసరమైతే లేదా మీరు నోకియా మొబైల్ ప్రియులైతే... కొత్త గా లాంచ్ చేయబడిన ఈ నోకియా 130 మరియు నోకియా 150 ఫోన్లను కొనుగోలు చేయడానికి మీకు ఆలోచన రావొచ్చు.

పాత ఫోన్ మళ్ళీ లాంచ్ ఏంటని ? మీకు కొంచెం గందరగోళం ఉండవచ్చు. దీని అర్థం ఏమిటి, అని మీరు అడగవచ్చు? Nokia సమాచారం ప్రకారం, Nokia 130 మరియు Nokia 150 ఫోన్‌ల హార్డ్‌వేర్‌లో ఎటువంటి మార్పులు చేయలేదు. కానీ సాఫ్ట్‌వేర్ మరియు దాని ఫీచర్లు అప్డేట్ చేయబడ్డాయి.

నోకియా 150 బీచ్ ఫోన్ ఫీచర్లు: నోకియా 150 మోడల్ మొత్తం 3 రంగుల్లో అందుబాటులో ఉంది. ఇది 1450mAh రిమూవబుల్ బ్యాటరీతో పనిచేస్తుంది. నోకియా సమాచారం ప్రకారం, ఈ బ్యాటరీ ఒక నెల వరకు స్టాండ్‌బై సమయాన్ని అందిస్తుంది. ఇది, 2.4 అంగుళాల QVGA డిస్‌ప్లేను కలిగి ఉంది. ఇది ముందుగా ఇన్‌స్టాల్ చేయబడిన FM రేడియోను కూడా కలిగి ఉంది. దానితో మీరు సంగీతం వినవచ్చు. ఇది మిమ్మల్ని ఖచ్చితంగా "రెట్రో యుగం" పాత కాలానికి తీసుకెళ్తుంది.

ఆకట్టుకునే ఓరియెంటెడ్ 150 ఫోన్లో కెమెరా కూడా ఉంది. ఇది 0.3MP VGA కెమెరాతో వస్తుంది. మరో ఆసక్తికరమైన విషయం ఏమిటంటే ఇది మైక్రో SD కార్డ్ సపోర్ట్‌తో వస్తుంది. దీనితో ఈ మొబైల్ ఫోన్‌లోని మీ మొత్తం డేటాను భద్రంగా ఉంచుకోవచ్చు. ఇక చివరగా, ఈ ఫోన్‌ను మైక్రో USB ద్వారా ఛార్జ్ చేయవచ్చు.

నోకియా 130 బీచ్ ఫోన్ ఫీచర్లు: నోకియా 150 మాదిరిగానే, నోకియా 130 కూడా 1450mAh రిమూవబుల్ బ్యాటరీని మరియు 2.4-అంగుళాల QVGA డిస్‌ప్లేను కలిగి ఉంది. అయితే, నోకియా 130 మోడల్‌లో నోకియా 150 లాగా కెమెరా ఉండదు. సాధారణ ఫీచర్ల పరంగా చూస్తే, ఈ రెండు ఫోన్‌లు 12 కీ నంబర్ ప్యాడ్‌తో కూడిన ఫిజికల్ బటన్‌లు మరియు ఆపరేటింగ్ సిస్టమ్ కోసం నావిగేషన్ బటన్‌లను కలిగి ఉంటాయి. ఈ ఫోన్‌లలోని నావిగేషన్ బటన్‌లను సిరీస్ 30 ప్లస్ అని కూడా పిలుస్తారు.

ఈ రెండు నోకియా బీచర్ ఫోన్‌లు కూడా క్లాసిక్ మొబైల్ గేమ్ స్నేక్ గేమ్ యొక్క అప్‌డేట్ వెర్షన్‌తో వస్తాయి. నోకియా సమాచారం ప్రకారం, ఈ కొత్త స్నేక్ గేమ్ వెర్షన్ గేమింగ్ వినియోగదారులను ఎక్కువగా ఆకర్షిస్తుంది. భారత్‌లో ఈ రెండు ఫోన్‌ల ధర మరియు సేల్ వివరాలు ఇంకా తెలియాల్సి ఉంది. ఈ వివరాలు విడుదలైన వెంటనే మేము అప్‌డేట్ చేస్తాము.