3జీలో నోకియా 3310, ధర చూస్తే బేజారే, ఇండియాకి షాక్ !

3జీ కనెక్టవిటీతో కూడిన నోకియా 3310ని

ఇప్పుడు 3జీ కనెక్టవిటీతో కూడిన నోకియా 3310ని హెచ్‌ఎండీ గ్లోబల్ తీసుకొచ్చింది. అయితే ప్రస్తుతం ఇది భారత్‌లో అందుబాటులోకి రాలేదు. ఇది భారత్‌లో ఎప్పుడు విడుదలవుతుందో వెల్లడించలేదు. వస్తుందన్న గ్యారంటీ కూడా లేదు.

అక్టోబర్ నుంచి ఆస్ట్రేలియాలో..

అక్టోబర్ నుంచి ఆస్ట్రేలియాలో ఈ నోకియా 3310 3జీ ఫోన్ సేల్స్ ప్రారంభమవుతాయని హెచ్‌ఎండీ గ్లోబల్ ప్రొడక్ట్ చీఫ్ ఆఫీసర్ జుహో సర్వికాస్ చెప్పారు.

మొత్తం నాలుగు రంగుల్లో

కాగా, కొత్త నోకియా 3310 3జీ ఫీచర్ ఫోన్ మొత్తం నాలుగు రంగుల్లో (ఎల్లో, వార్మ్ రెడ్, అజ్యూర్, చార్‌కోల్) లభించనుంది. ఈ ఫోన్ 6.5 గంటల టాక్‌టైంను, 27 రోజుల స్టాండ్‌బై టైంను అందిస్తుంది.

ధర సుమారుగా రూ. 5,300

గత ఫోన్‌తో పోలిస్తే 3జీ కనెక్టవిటీ తప్ప ఎలాంటి మార్పులు చేయలేదు. అయితే దీని ధర సుమారుగా రూ. 5,300 ఉండొచ్చని అంచనా.

2.4 అంగుళాల డిస్ప్లే

సిరీస్ 30+ ఆపరేటింగ్ సిస్టమ్, 2.4 అంగుళాల డిస్ప్లే, డ్యుయల్ సిమ్, 2ఎంపీ కెమెరా, 16ఎంబీ ఇన్‌బిల్ట్ స్టోరేజ్, మైక్రోఎస్డీతో మెమొరీని 32జీబీ వరకు పెంచుకునే సదుపాయం, 1200ఎంఏహెచ్ బ్యాటరీ తదితర ఫీచర్లు ఈ ఫోన్‌లో ఉన్నాయి.