నోకియా 6 చైనాలోనే కాదు, బయట కూడా దొరుకుతోంది

రెండు ఫ్లాష్ సేల్స్‌ విజయవంతంగా

ఇప్పటికే రెండు ఫ్లాష్ సేల్స్‌ను విజయవంతంగా పూర్తిచేసుకున్న నోకియా 6 మూడవ సేల్‌కు సిద్ధమవుతోంది. ప్రస్తుతానికి చైనా మార్కెట్లకు మాత్రమే పరిమితమైన నోకియా 6 త్వరలో ఇతర దేశాల మార్కెట్లలో కూడా లభ్యంకానుందని సమాచారం.

Softpedia వెల్లడించిన వివరాల ప్రకారం

Softpedia వెల్లడించిన వివరాల ప్రకారం నోకియా 6 స్మార్ట్‌ఫోన్‌ను త్వరలో Philippines దేశంలో విక్రయించనున్నారు. ఫలిప్పిన్స్‌కు సంబంధించిన Lazada అనే ప్రముఖ రిటైలర్ నోకియా 6 ఫోన్ లను విక్రయించనున్నట్లు సమాచారం.

ధర ఎంతంటే..?

ప్రస్తుతానికి చైనా మార్కెట్లో JD.com నోకియా 6 ఫోన్‌లను 245 డాలర్లకు విక్రయిస్తోంది. ఫిలిప్పిన్ మార్కెట్లో నోకియా 6 ఫోన్ ధర 370 డాలర్లు వరకు ఉండొచ్చని సమాచారం. ప్రత్యేకించి ఫిలిప్పిన్స్ మార్కెట్ కోసం నోకియా 6, వైట్ వేరియంట్‌ను HMD Global సిద్ధం చేసినట్లు సమాచారం.

నోకియా 6 స్పెసిఫికేషన్స్

5.5 అంగుళాల డిస్‌ప్లే (రిసల్యూషన్ 1080 x 1920పిక్సల్స్), ఆండ్రాయిడ్ 7.0 నౌగట్ ఆపరేటింగ్ సిస్టం, ఆక్టా కోర్ 1.4GHz ప్రాసెసర్‌తో కూడిన Snapdragon 430 చిప్‌సెట్, 4జీబి ర్యామ్, 64జీబి ఇంటర్నల్ స్టోరేజ్, 16 మెగా పిక్సల్ రేర్ ఫేసింగ్ కెమెరా, 8 మెగా పిక్సల్ ఫ్రంట్ ఫేసింగ్ కెమెరా, 3000 mAh బ్యాటరీ.