రికార్డులు బద్దలు కొడుతున్న నోకియా 6

నోకియా 6ను కొనుగోలు చేసేందుకు 11 లక్షల మంది రిజిస్టర్ అయ్యారు. ఈ సంఖ్య మరింత పెరుగుతోంది.

By Sivanjaneyulu Bommu

Published: Wednesday, January 18, 2017, 15:43 [IST]

ఆండ్రాయిడ్ బాట పట్టిన నోకియా మంచి రోజులొచ్చినట్లు కనిపస్తోంది. HMD Global గూటికి చేరిన తరువాత నోకియా లాంచ్ చేసిన మొట్టమొదటి ఆండ్రాయిడ్ స్మార్ట్‌ఫోన్ నోకియా 6ను కొనుగోలు చేసేందుకు 11 లక్షల మంది రిజిస్టర్ అయ్యారు.

Read More : జియో రూ.999 ఫోన్ ఇదే!

ఈ సంఖ్య మరింత పెరుగుతోంది. చైనా మార్కెట్లో నోకియా 6కు స్మార్ట్‌ఫోన్‌కు సంబంధించి మొదటి ఫ్లాష్‌సేల్ జనవరి 19న JD.comలో జరుగబోతోంది. ఈ సేల్‌కు సంబంధించి రిజిస్ట్రేషన్స్ ప్రారంభమైన మొదటి 24 గంటల్లోనూ 2,50,000 మంది ఆసక్తి చూపారు.

ఫుల్ హైడెఫినిషన్ డిస్‌ప్లే

నోకియా 6 స్మార్ట్‌ఫోన్ 5.5 అంగుళాల ఫుల్ హైడెఫినిషన్ డిస్‌ప్లేతో వస్తోంది. ఈ డిస్‌ప్లేకు 2.5డీ గొరిల్లా గ్లాస్ రక్షణ కవచంలా నిలుస్తుంది. ఈ డిస్‌ప్లేలో అమర్చిన పోలరైజర్ లేయర్ సన్‌లైట్ కండీషన్‌లలోనూ యూజర్‌కు క్లియర్ కట్ అనుభూతులను చేరువచేయగలదని కంపెనీ చెబుతోంది.

64జీబి ఇంటర్నల్ స్టోరేజ్, 4జీబి ర్యామ్

ధరకు తగ్గట్టుగానే నోకియా 6 స్మార్ట్‌ఫోన్ 4జీబి ర్యామ్ అలానే 64జీబి ఇంటర్నల్ స్టోరేజ్ కెపాసిటీతో వస్తోంది. ర్యామ్ ఎక్కువుగా ఉన్న నేపథ్యంలో గేమర్స్ అలానే హెవీ యూజర్స్‌కు ఈ ఫోన్ చక్కటి ఆప్షన్ కావొచ్చు. ఫోన్‌లో ఏర్పాటు చేసిన మైక్రోఎస్డీ స్లాట్ ద్వారా డివైస్ స్టోరేజ్‌ను మరో 64జీబి వరకు పొడిగించుకోవచ్చు.

కెమెరా విభాగం..

నోకియా 6 స్మార్ట్‌ఫోన్ 16 మెగా పిక్సల్ రేర్ ఫేసింగ్ కెమెరాతో వస్తోంది. f/2.0 లెన్స్, ఫేస్ డిటెక్షన్ ఆటోఫోకస్ వంటి ప్రత్యేకతలు ఈ కెమెరాలో ఉన్నాయి. ఫోన్ ముందుగా 8 మెగా పిక్సల్ సెల్ఫీ కెమెరాను నోకియా నిక్షిప్తం చేసింది. మొత్తానికి ఈ రెండు కెమెరాలు లీఇకో, షియోమీ, వివో బ్రాండ్‌లతో పోటీ పడే విధంగా ఉన్నాయి.

డ్యుయల్ యాంప్లిఫయర్స్‌తో డ్యుయల్ డాల్బీ అట్మోస్ స్పీకర్లు

నోకియా 6 స్మార్ట్‌ఫోన్ డ్యుయల్ యాంప్లిఫయర్స్‌తో కూడిన డ్యుయల్ డాల్బీ అట్మోస్ స్పీకర్లతో వస్తోంది. తద్వారా ఈ ఫోన్ నుంచి హైక్వాలిటీ సౌండ్‌ను ఆస్వాదించే వీలుంటుంది.

ఆండ్రాయిడ్ ఆపరేటింగ్ సిస్టం..

నోకియా 6 స్మార్ట్‌ఫోన్ ఆండ్రాయిడ్ నౌగట్ 7.0 ఆపరేటింగ్ సిస్టం పై రన్ అవుతుంది. అంటే, హైక్వాలిటీ ఆండ్రాయిడ్ అనభూతులను ఈ ఫోన్ ద్వారా ఆస్వాదించవచ్చు.

స్పాప్‌డ్రాగన్ 430 ప్రాసెసర్

అయితే నోకియా 6 స్మార్ట్‌ఫోన్‌లో నిక్షిప్తం చేసిన క్వాల్కమ్ స్పాప్‌డ్రాగన్ 430 ప్రాసెసర్ లో-ఎండ్ కాన్ఫిగరేషన్‌తో నిరుత్సాహపరుస్తుంది. ఇంకో విషయం ఏంటంటే, ఈ ఫోన్ ప్రస్తుతానికి చైనాలో మాత్రమే అందుబాటులో ఉంది. చైనాకు చెందిన JD.com నోకియా 6 ఫోన్‌లను ఎక్స్‌క్లూజివ్‌గా విక్రయించబోతోంది. ధర 1699 CNY (మన కరెన్సీలో రూ.16,750).