నోకియా ఫోన్ల ప్రియులకు శుభవార్త: కొత్త ఫోన్లలో పాత ఫీచర్స్

TENAA విడుదల చేసిన పోస్టర్లో బార్-మోడల్ ఫీచర్ ఫోన్ ఎరుపు రంగుతో వస్తుంది. ఇది పాత నోకియా 5130 ను వెంటనే మీకు గుర్తు చేస్తుంది. కానీ ఈ కొత్త ఫోన్లలో సైడ్-మౌంటెడ్ మ్యూజిక్ కంట్రోల్ బటన్లు మాత్రం కనిపించవు.

నోకియా ఫీచర్ ఫోన్‌

ఈ కొత్త ఫోన్ నోకియా 110 వంటి ప్రాథమిక ఫీచర్ ఫోన్‌గా ఉంది. ఇది ఫ్లిప్ లేదా టఫ్ వంటి కైయోస్-శక్తితో పనిచేసే పరికరాల వలె కాకుండా ఇది 0.36GHz సింగిల్-కోర్ ప్రాసెసర్, 8MB RAM మరియు 16MB స్టోరేజ్ (మెగాబైట్లు) తో వస్తుంది. ఇది మైక్రో SD కార్డ్‌ స్లాట్ ను కలిగి ఉంటుంది. ఇది అదనంగా 32GB వరకు మెమొరీని విస్తరించడానికి మద్దతు ఇవ్వగలదు కాబట్టి మీరు ఈ ఫోన్‌ను సాధారణ MP3 ప్లేయర్‌గా ఉపయోగించవచ్చు.

మొబైల్ ఫీచర్స్

ఫీచర్ ఫోన్‌లోని డిస్ప్లే 240x320px రిజల్యూషన్‌తో 2.4-అంగుళాల పరిమాణంలో వస్తుంది. అలాగే ఇది 1,200 ఎంఏహెచ్ బ్యాటరీతో ప్యాక్ చేయబడి వస్తుంది. ఇది 13.1mm మందంను కలిగి ఉండి 88 గ్రాముల బరువుతో వస్తుంది. ఫోటోల కోసం దీని యొక్క వెనుక భాగంలో 0.3MP ఒక కెమెరా ఉంది. ఈ ఫోన్ లో వీడియో మద్దతు లేదు కానీ LED ఫ్లాష్ ఉంది.

ఎక్స్‌ప్రెస్-ఆన్

HMD 2018 లో ఎక్స్‌ప్రెస్-ఆన్ ట్రేడ్‌మార్క్‌ను పునరుద్ధరించింది. అయితే ఈ ఫోన్‌లో యూజర్‌ మార్చగల ప్యానెల్లు ఉన్నాయో లేదో ఇంకా చెప్పలేదు. ఈ ఫోన్ ఎప్పుడు ఆవిష్కరించబడుతుందనే దాని గురించి కూడా సమాచారం లేదు. అలాగే ఈ ఫోన్ 2G కనెక్టివిటీతో మాత్రమే వస్తుంది. ఇది ఇకపై కొన్ని క్యారియర్‌లలో పనిచేయదు.