భార‌త మార్కెట్లో Nokia C21 Plus బ‌డ్జెట్ స్మార్ట్‌ఫోన్‌ విడుద‌ల.. ధ‌ర ఎంతంటే!

ప్ర‌ముఖ మొబైల్స్ త‌యారీ సంస్థ Nokia నుంచి మ‌రో స‌రికొత్త మొబైల్‌ను భార‌త మార్కెట్‌కు ప‌రిచ‌యం చేసింది. Nokia C21 Plus స్మార్ట్‌ఫోన్‌ను మంగ‌ళ‌వారం భార‌త మార్కెట్లో విడుద‌ల చేసింది. ఈ మొబైల్ 13 మెగా పిక్సెల్ క్వాలిటీ గ‌ల ప్రైమ‌రీ కెమెరా ఫీచ‌ర్‌ను క‌లిగి ఉన్న‌ట్లు కంపెనీ వెల్ల‌డించింది. అంతేకాకుండా ఇది ఒక‌సారి బ్యాట‌రీ ఫుల్ ఛార్జ్ చేస్తే 3 రోజుల బ్యాక‌ప్ ఇస్తుంద‌ని కంపెనీ పేర్కొంది. ఇవే కాకుండా ఈ మొబైల్ ఇంకా ఆక‌ర్ష‌ణీయ‌మైన ఫీచ‌ర్ల‌ను క‌లిగి ఉన్న‌ట్లు కంపెనీ తెలిపింది. ఇది అఫ‌ర్డ‌బుల్ ధ‌ర‌లో కొనుగోలు దారుల‌కు అందుబాటులో ఉంది. ఇప్పుడు ఈ మొబైల్ ఫీచ‌ర్లు, స్పెసిఫికేష‌న్లు, ధ‌ర ఇత‌ర విశేషాల‌ను గురించి తెలుసుకుందాం.

Nokia C21 Plus ఫీచ‌ర్లు, స్పెసిఫికేష‌న్లు:
ఈ మొబైల్ కు 6.5 అంగుళాల full-HD డిస్‌ప్లే ను అందిస్తున్నారు. ఇది 20:9 aspect ratio తో ప‌ని చేస్తుంది. octa-core Unisoc SC9863A SoC ప్రాసెస‌ర్ ను క‌లిగి ఉంది. దీనికి రెండేళ్ల వ‌ర‌కు సెక్యూరిటీ అప్‌డేట్స్ పై కంపెనీ హామీ ఇచ్చింది. ఈ మొబైల్ ఆండ్రాయిడ్ 11 ఓఎస్ పై ప‌నిచేస్తుంది. ఈ మొబైల్ డ్యుయ‌ల్‌ కెమెరా సెట‌ప్‌ను క‌లిగి ఉంది. ఈ ఫోన్‌కు 13 మెగా పిక్సెల్ క్వాలిటీ గల ప్ర‌ధాన కెమెరా ప్ర‌త్యేక ఆక‌ర్ష‌ణ‌గా నిల‌వ‌నుంది. 13 మెగాపిక్స‌ల్ క్వాలిటీలో ప్రైమ‌రీ కెమెరా, 2 మెగా పిక్స‌ల్ క్వాలిటీతో డెప్త్ సెన్సార్ లెన్స్ అందిస్తున్నారు. అంతేకాకుండా సెల్ఫీ మ‌రియు వీడియో కాలింగ్ కోసం ఫ్రంట్ సైడ్ 5 మెగా పిక్స‌ల్ క్వాలిటీ గ‌ల‌ కెమెరా సౌక‌ర్యం క‌ల్పించారు. ఇక ఛార్జ్‌ విష‌యానికొస్తే 5,050mAh సామ‌ర్థ్యం గ‌ల బ్యాట‌రీని అందిస్తున్నారు. ఇది 10 వాట్ ఛార్జింగ్ స‌పోర్ట్ క‌లిగి ఉంటుంది. ఈ హ్యాండ్ సెట్ Wi-Fi Direct, hotspot, బ్లూటూత్ వ‌ర్శ‌న్ 4.2 క‌లిగి ఉంది.

భార‌త మార్కెట్లో దీని ధ‌ర‌:
భార‌త్‌లో మార్కెట్లో ఈ మొబైల్‌ 3GB RAM + 32GB స్టోరేజీ వేరియంట్ ధ‌ర రూ.10,299 గా నిర్ణ‌యించారు. మ‌రో వేరియంట్ 4GB RAM + 64GB ఇంట‌ర్న‌ల్ స్టోరేజీ క‌లిగి ఉంటుంది. దీని ధ‌ర రూ.11,299 గా నిర్ణ‌యించారు. నోకియా అధికారిక వెబ్‌సైట్‌లో ఇవి వినియోగ‌దారుల‌కు కొనుగోళ్లు చేసేందుకు అందుబాటులో ఉన్నాయి. ఎక్స్‌క్లూజివ్ లాంచ్ కింద ఈ మొబైల్‌తో పాటు వైర్డ్ హెడ్ బ‌డ్స్‌ను కంపెనీ ఉచితంగా అందిస్తోంది. అన్ని ఈ కామ‌ర్స్ సైట్ల‌లో ఈ మొబైల్ అందుబాటులో ఉండ‌నుంది. ఇది ముదురు నీలం, గ్రే క‌ల‌ర్ల‌లో వినియోగ‌దారుల‌కు అందుబాటులో ఉంటుంది.

ఇప్ప‌టికే భార‌త్‌లో అందుబాటులో ఉన్న Nokia G21 ఫీచ‌ర్లు, స్పెసిఫికేష‌న్లు:
ఈ మొబైల్ కు 6.5 అంగుళాల full-HD డిస్‌ప్లే ను అందిస్తున్నారు. ఇది 20:9 aspect ratio తో ప‌ని చేస్తుంది. octa-core Unisoc T606 (12 nm) ప్రాసెస‌ర్ ను క‌లిగి ఉంది. ఈ మొబైల్ ఆండ్రాయిడ్ 11 ఓఎస్ పై ప‌నిచేస్తుంది. ఈ మొబైల్ ట్రిపుల్ కెమెరా సెట‌ప్‌ను క‌లిగి ఉంది. ఈ ఫోన్‌కు 50 మెగా పిక్సెల్ క్వాలిటీ గల ప్ర‌ధాన కెమెరా ప్ర‌త్యేక ఆక‌ర్ష‌ణ‌గా నిల‌వ‌నుంది. 50 మెగాపిక్స‌ల్ క్వాలిటీలో ప్రైమ‌రీ కెమెరా, 2 మెగా పిక్స‌ల్ క్వాలిటీతో మాక్రో సెన్సార్ లెన్స్‌, 2 మెగా పిక్స‌ల్ క్వాలిటీతో డెప్త్ సెన్సార్ లెన్స్ అందిస్తున్నారు. అంతేకాకుండా సెల్ఫీ మ‌రియు వీడియో కాలింగ్ కోసం ఫ్రంట్ సైడ్ 8 మెగా పిక్స‌ల్ క్వాలిటీ గ‌ల‌ కెమెరా సౌక‌ర్యం క‌ల్పించారు. ఇక ఛార్జ్‌ విష‌యానికొస్తే 5,050mAh సామ‌ర్థ్యం గ‌ల బ్యాట‌రీని అందిస్తున్నారు. ఇది 18 వాట్ ఛార్జింగ్ స‌పోర్ట్ క‌లిగి ఉంటుంది. అమెజాన్‌లో Nokia G21 మోడ‌ల్ 4జీబీ ర్యామ్‌+ 64జీబీ స్టోరేజీ వేరియంట్ ధ‌ర రూ.12,999 గా అందుబాటులో ఉంది.