Nokia కొత్త ఫోన్ ఇండియాలో లాంచ్ అయింది! ధర,స్పెసిఫికేషన్లు & సేల్ వివరాలు

నోకియా C32 ఈ రోజు మంగళవారం భారతదేశంలో లాంచ్ చేయబడింది. ఈ ఫోన్ నోకియా C22 తో పాటు కొన్ని ఎంపిక చేసిన యూరోపియన్ మార్కెట్‌లలో గతంలో లాంచ్ చేయబడింది. అయితే, ఈ ఫోన్ ఇప్పుడు భారతదేశంలో లాంచ్ అయింది. నోకియా C32 ఒక సంవత్సరం రీప్లేస్ మెంట్ హామీతో వస్తుంది.

భారత మార్కెట్లో ఈ ఫోన్ రెండు స్టోరేజ్ వేరియంట్లలో అందుబాటులో ఉంది మరియు మూడు రంగుల ఎంపికలలో అందించబడుతుంది. ఈ ఫోన్ పేరు తెలియని ఆక్టా కోర్ చిప్‌సెట్‌ ఆధారంగా పనిచేస్తుంది. మరియు మూడు రోజుల వరకు బ్యాటరీ జీవితాన్ని అందిస్తుందని ఇందులో పేర్కొంది. ఇందులో డ్యూయల్ రియర్ కెమెరా సెటప్ అమర్చారు.

భారతదేశంలో నోకియా C32 ధర, లభ్యత వివరాలు
భారతదేశంలో, నోకియా C32 బేస్ మోడల్ 4GB + 64GB వేరియంట్ కోసం ధర రూ. 8,999, 4GB + 128GB వేరియంట్ ధర రూ. 9,499 గా లాంచ్ అయింది. ఇది ప్రస్తుతం దేశంలో నోకియా ఇండియా ఆన్‌లైన్ స్టోర్ ద్వారా కొనుగోలు చేయడానికి అందుబాటులో ఉంది. 6 నెలల పాటు నెలకు రూ.1,584 తో నే నో-కాస్ట్ EMI ఆఫర్‌ను కూడా కస్టమర్‌లు పొందవచ్చు.

ఈ నోకియా C32 స్మార్ట్ ఫోన్ భారత మార్కెట్లో బీచ్ పింక్, చార్‌కోల్ మరియు మింట్ అనే మూడు కలర్ వేరియంట్‌లలో లాంచ్ అయింది.ఇక ఈ ఫోన్ యొక్క స్పెసిఫికేషన్ల వివరాలు తెలుసుకుందాం.

నోకియా C32 స్పెసిఫికేషన్లు మరియు ఫీచర్ల వివరాలు,
ఈ ఫోన్ 6.55-అంగుళాల డిస్‌ప్లే తో కర్వ్ 2.5D ను కలిగి ఉన్న1600 x 700 పిక్సెల్‌ల రిజల్యూషన్ మరియు 20:9 యాస్పెక్ట్ రేషియో డిస్ప్లే తో వస్తుంది. ఫోన్ ఆండ్రాయిడ్ 13 అవుట్ ఆఫ్ ది బాక్స్ ఫీచర్ తో వస్తుంది.

ఇది 4GB RAMతో జత చేయబడిన 1.6 GHz వరకు ఆక్టా-కోర్ చిప్‌సెట్ క్లాకింగ్ ద్వారా అందించబడుతుంది.ఇంకా, వర్చువల్ RAMని ఉపయోగించి 7GB వరకు RAM ని పొడిగించవచ్చు. మరియు 128GB వరకు ఇంటర్నల్ స్టోరేజీ తో అందించబడుతుంది. నోకియా C32 స్మార్ట్ ఫోన్ లో రెండు సంవత్సరాల త్రైమాసిక భద్రతా నవీకరణలను కంపెనీ అందిస్తుంది.

నోకియా C32 యొక్క డ్యూయల్ రియర్ కెమెరా యూనిట్ LED ఫ్లాష్ యూనిట్‌తో పాటు వెనుక ప్యానెల్ యొక్క ఎగువ ఎడమ మూలలో దీర్ఘచతురస్రాకార మాడ్యూల్‌ డిజైన్ లో ఉంచబడింది. ఇందులో 50 మెగాపిక్సెల్ AI సపోర్టెడ్ ప్రైమరీ సెన్సార్ మరియు 2 మెగాపిక్సెల్ సెకండరీ సెన్సార్ ఉన్నాయి. 8 మెగాపిక్సెల్ ఫ్రంట్ సెల్ఫీ కెమెరా వస్తుంది.

ఇంకా, ఈ ఫోన్ 10W వైర్డు ఛార్జింగ్ సపోర్ట్‌తో 5,000mAh బ్యాటరీ యూనిట్ మద్దతు ను కలిగి ఉంటుంది. Nokia C32 స్మార్ట్ ఫోన్ 3 రోజుల వరకు బ్యాటరీ జీవితాన్ని అందించగలదని రిపోర్టులు పేర్కొన్నాయి. భద్రత కోసం, ఈ ఫోన్ సైడ్-మౌంటెడ్ ఫింగర్ ప్రింట్ సెన్సార్‌తో అమర్చబడి ఉంటుంది, ఇది ఫోన్ యొక్క కుడి అంచున ఉన్న పవర్ బటన్‌తో కలిపి ఉంటుంది మరియు ఇందులో ఫేస్ అన్‌లాక్ ఫీచర్‌ కూడా వస్తుంది.

ఇంకా, ఇతర ఫీచర్లు చూస్తే, USB టైప్-C పోర్ట్, 3.5mm ఆడియో జాక్‌ కూడా వస్తుంది మరియు GPS, USB 2.0 మరియు బ్లూటూత్ v5.2 కనెక్టివిటీకి మద్దతు ఇస్తుంది. ఇది 199.4 గ్రాముల బరువు మరియు 164.6mm x 75.9mm x 8.5mm కొలతల తో వస్తుంది.