‘వాడు - వీడు’ దర్శకత్వం ‘నోకియా’..!!

Posted By: Staff

‘వాడు - వీడు’ దర్శకత్వం ‘నోకియా’..!!

‘‘ నోకియా విడుదల చేసిన జంట ‘ఇ’ సిరీస్ ఫోన్లు ‘వాడు - వీడు’ సినిమా రేంజ్ లో సంచలనాలు సృష్టిస్తున్నాయి. ప్రపంచ వ్యాప్తంగా విశ్వసనీయమైన బ్రాండ్ గా ముద్ర పడిన నోకియాకు ‘ఇ’ సిరీస్ ఫోన్లు ‘E6’, ‘E7’లు అత్యుత్తమ అమ్మకాలతో సంచలనాలు సృష్టిస్తున్నాయి.’

నోకియా విడుదల చేసిన ‘ఇ’ సిరీస్ మొబైల్ ఫోన్లు ప్రపంచ హ్యాండ్‌సెట్ల మార్కెట్‌ను తమ వైపుకు తిప్పుకున్నాయి. ఈ ఫోన్లలో పొందుపరిచిన డిజైన్, ఫీచర్లు వినియోగదారులను మరింత ఆకట్టకుంటున్నాయి. ‘ఇ’ సిరీస్ ఫోన్లైన E6, E7 మోడళ్లు మార్కెట్లో హాట్ కేకుల్లా అమ్ముడవుతున్నాయి.

133 గ్రాముల బరువుతో రూపుదిద్దుకున్న ‘E6’ మొబైల్ బార్ విధానం కలిగి ఉండగా, 176 గ్రాముల బరువుతో రూపుదిద్దుకున్న ‘E7’ స్లైఢర్ విధానం కలిగి ఉంటుంది. అయితే ఈ రెండు ఫోన్లలోనూ క్వర్టీ కీబోర్డు విధానాన్ని పొందుపరిచారు. 3జీ వ్యవస్థకు సహకరించే ఈ పరికరాలు జీఎస్‌ఎమ్ బ్యాండ్ వ్యవస్థను సపోర్టు చేస్తాయి. 2.46 అంగుళాల డిస్‌ప్లే స్క్రీన్ కలిగిన ‘నోకియా E6’, ఎల్ సీడీ సామర్ధ్యంతో కూడిన టచ్‌స్ర్ర్కీన్ వ్యవస్థను కలిగి ఉంటుంది. ఇక నోకియా ‘E7’లో 4 అంగుళాల ఆమోల్డ్ సామర్ధ్యం గల టచ్‌స్క్రీన్ వ్యవస్థను పొందుపరిచారు.

ఎస్ఎమ్ఎస్, ఎమ్ఎమ్ఎస్, ఈ - మెయిల్, పాప్ మెయిల్ వంటి అధునాతన మెసేజింగ్ సౌలభ్యతలను ఈ ఫోన్లలో ప్రవేశపెట్టారు. కెమెరాల విషయానికి వస్తే ‘E6’, ‘ E7 ’ మొబైల్స్ లో, 8 మెగా పిక్సల్ సామర్థ్యం గల వెనుక కెమెరా, 0.3 మెగా పిక్సల్ సామర్ధ్యం గల ఫ్రంట్ కెమెరాలను అమర్చారు. ఇక మ్యూజిక్ ప్లేయర్ విషయానికి వస్తే వివిధ ఫార్మాట్లను సపోర్టు చేసే విధంగా మల్టీ ఫార్మాట్ వ్యవస్థను ఈ ఫోన్లలో ప్రవేశపెట్టారు. ఆడియో హార్డ్ వేర్ విషయానికి వస్తే లౌడ్ స్పీకర్, 35 mm ఆడియో అవుట్ పోర్టు వంటి అంశాలు ప్రత్యేక ఆకర్షణగా నిలుస్తాయి.

పొందుపరిచిన ఇంటర్నెట్ ఆప్లికేషన్లు వేగవంతమైన సమాచారాన్ని మీకు అందిస్తాయి. ‘E6’, ‘E7’లలో పొందుపరిచిన బ్లూటూత్ V 2.1, v3.0 డివైజ్, యూఎస్బీ v2.0 వ్యవస్థలు ఫైళ్లను వేగవంతంగా ట్రాన్స్ ఫర్ చేస్తాయి. చివరిగా వీటి ధర విషయాన్ని పరిశీలిస్తే నోకియా ‘E6’ రూ.15,490, నోకియా ‘E7’ రూ.24,990 ధరలు కలిగి ఉన్నాయి.

Please Wait while comments are loading...
Opinion Poll

Social Counting