నోకియా సంస్థ హెచ్‌ఎండీ గ్లోబల్ సంస్థ చేతుల్లోకి వెళ్లిన తరువాత అనేక ఫోన్లు మార్కెట్లోకి దూసుకొచ్చాయి. అత్యంత తక్కువ ధర నుంచి హైఎండ్ స్మార్ట్ ఫోన్ దాకా మార్కెట్లోకి దూసుకొచ్చి యూజర్లను విపరీతంగా ఆకట్టుకున్నాయి. నోకియా 3310 అలాగే నోకియా 1 ,ప్రీమియం హ్యాండ్ సెట్ నోకియా 8 సిరొకో లాంటి ఫోన్లతో ఆసియా మార్కెట్లో నోకియా సత్తా చాటుతోంది. ఈ ఊపులోనే నోకియా తన లేటెస్ట్ ఫ్లాగ్ షిప్ ఫోన్ నోకియా ఎక్స్ ను చైనాలో రిలీజ్ చేసేందుకు సర్వం సిద్ధం చేసినట్లుగా తెలుస్తోంది. ఏప్రిల్ 27న దీనికి కంపెనీ ముహూర్తం పెట్టినట్లుగా తెలుస్తోంది. చైనీస్ బ్లాగ్ ITHome ఈ నెల 27వ తేదీన HMD's upcoming smartphone దూసుకురాబోతుందని రిపోర్ట్ చేసింది. దీనికి ఊతంగా నోకియా ఎక్స్ కి సంబంధించి డిజిటల్ అడ్వర్టయిజ్ మెంట్ కూడా చైనాలో చక్కర్లు కొడుతోంది.
ప్రస్తుతం ఈ ఫోన్‌కు చెందిన పలు స్పెసిఫికేషన్లు, ఇమేజ్‌లు నెట్‌లో లీకయ్యాయి. వాటిని బట్టి చూస్తే.. నోకియా X స్మార్ట్‌ఫోన్‌లో.. 6.3 ఇంచుల భారీ డిస్‌ప్లే, స్నాప్‌డ్రాగన్ 710 ప్రాసెసర్, 6 జీబీ ర్యామ్, 64 జీబీ స్టోరేజ్, 12 మెగాపిక్సల్ డ్యుయల్ బ్యాక్ కెమెరాలు, 8 మెగాపిక్సల్ సెల్ఫీ కెమెరా, ఆండ్రాయిడ్ 8.1 ఓరియో తదితర ఫీచర్లు ఉండనున్నట్లు సమాచారం. ఈ ఫోన్‌కు చెందిన పూర్తి వివరాలు త్వరలోనే తెలిసే అవకాశం ఉంది.
స్మార్ట్‌ఫోన్ ధరలు భారీగా తగ్గాయి, రూ.11 వేల వరకు తగ్గిన ఫోన్ల వివరాలు ఇవే
ఇదిలా ఉంటే హెచ్‌ఎండీ గ్లోబల్ సంస్థ తన నోకియా 3 స్మార్ట్‌ఫోన్‌కు గాను ఆండ్రాయిడ్ 8.0 ఓరియో అప్‌డేట్‌ను విడుదల చేసింది. ఈ స్మార్ట్‌ఫోన్‌ను వాడుతున్న యూజర్లు ప్రస్తుతం తమ డివైస్‌లను ఈ కొత్త ఓఎస్‌కు అప్డేట్ చేసుకోవచ్చు. ఈ అప్డేట్ సైజ్ 875 ఎంబీగా ఉంది. కాగా కొత్త ఓఎస్ అప్‌డేట్‌లో యూజర్లకు పలు ఆకట్టుకునే ఫీచర్లు లభిస్తున్నాయి. పిక్చర్ ఇన్ పిక్చర్ మోడ్, 60 కొత్త ఎమోజీలు, ఆండ్రాయిడ్ ఇన్‌స్టంట్ యాప్స్ తదితర ఫీచర్లను యూజర్లు ఉపయోగించుకోవచ్చు.
