రూ.6,000 భారీ డిస్కౌంట్ తో కేవలం రూ.17,999కే నథింగ్ ఫోన్ (2a).. 50MP కెమెరా, 5,000mAh బ్యాటరీ.. కొనవచ్చా?

Nothing Phone (2a): ఈ ఏడాది మార్చిలో రూ.23,999 ధరకు విడుదలైన స్టైలిష్ "నథింగ్ ఫోన్ (2a)" ఇప్పుడు ఫ్లిప్‌కార్ట్‌లో చాలా తక్కువ ధరకే లభిస్తోంది. ఏకంగా రూ.6,000 తగ్గింపుతో, బేస్ మోడల్ (8GB RAM + 128GB స్టోరేజ్) కేవలం రూ.17,999కే మీ సొంతం చేసుకోవచ్చు. ఇప్పటివరకు ఈ ఫోన్‌కు ఇదే అతి తక్కువ ధర కావడం విశేషం.

ఈ ఆఫర్ కేవలం బేస్ మోడల్‌కే పరిమితం కాదు. అన్ని వేరియంట్లపైనా ఈ భారీ తగ్గింపు వర్తిస్తుంది. 8GB RAM + 256GB స్టోరేజ్ మోడల్ అసలు ధర రూ.25,999 కాగా, ఇప్పుడు రూ.19,999కే దొరుకుతోంది. 12GB RAM + 256GB స్టోరేజ్ వేరియంట్ అసలు ధర రూ.27,999 కాగా, ఇప్పుడు రూ.21,999కే అందుబాటులో ఉంది.

ఫ్లిప్‌కార్ట్ అదనపు ఆఫర్లు:
IDFC, OneCard క్రెడిట్ కార్డులు వాడేవారికి అదనంగా రూ.2,000 వరకు తగ్గింపు లభిస్తుంది. అంతేకాదు పాత ఫోన్‌ను ఎక్స్చేంజ్ చేయడం ద్వారా, దాని మోడల్, కండిషన్‌ను బట్టి గరిష్టంగా రూ.17,450 వరకు ఎక్స్చేంజ్ బోనస్ కూడా పొందవచ్చు. ఈ ఆఫర్ నలుపు, నీలం, తెలుపు అనే మూడు రంగుల ఫోన్లకూ వర్తిస్తుంది.

* అసలు ఈ ధరలో నథింగ్ ఫోన్ (2a) ఎందుకు కొనాలి?

* ఫోన్ పనితీరు
రోజువారీ పనులకు ఎలాంటి ఇబ్బంది ఉండదు. మీడియాటెక్ డైమెన్సిటీ 7200 ప్రో ప్రాసెసర్ ఒకేసారి ఎక్కువ యాప్స్ వాడటానికి, ఓ మోస్తరు గేమింగ్ ఆడేందుకు చక్కగా సరిపోతుంది. 5,000mAh బ్యాటరీ రోజంతా సులభంగా వస్తుంది. 6.7 అంగుళాల అమోలెడ్ (AMOLED) స్క్రీన్, 120Hz రిఫ్రెష్ రేట్‌తో చాలా స్మూత్‌గా, చూడటానికి బాగుంటుంది.

* డిజైన్
మిగతా ఫోన్ల మధ్యలో నథింగ్ ఫోన్ (2a) ప్రత్యేకంగా నిలవడానికి కారణం దాని డిజైన్. వెనుకవైపు పారదర్శకంగా (ట్రాన్స్‌పరెంట్) ఉండి, లోపలి భాగాలు కనిపిస్తూ, 'గ్లిఫ్ ఇంటర్‌ఫేస్' లైట్లతో భవిష్యత్ కాలపు ఫోన్ లాంటి లుక్ ఇస్తుంది. కేవలం లుక్స్ పరంగానే కాదు, వాడకంలోనూ ఇది అద్భుతంగా ఉంటుంది.

* కెమెరాలు
అనవసరమైన యాప్స్ (బ్లోట్‌వేర్) దాదాపుగా లేని స్వచ్ఛమైన ఆండ్రాయిడ్ అనుభూతిని అందిస్తుంది. సింపుల్‌గా, క్లీన్‌ సాఫ్ట్‌వేర్ ఇష్టపడేవారికి ఇది మంచి ఛాయిస్. కెమెరా విషయానికొస్తే, వెనుకవైపు రెండు 50MP కెమెరాలు ఉన్నాయి. మంచి వెలుతురు ఉన్నప్పుడు ఫోటోలు బాగానే వస్తాయి. సరదాగా అప్పుడప్పుడు ఫోటోలు తీసుకునే వారికి ఇది సరిపోతుంది.

* ఈ ఫోన్‌లోని మైనస్‌లు
ఈ ఆకర్షణీయమైన ధర ఉన్నా, కొన్ని విషయాల్లో సర్దుకుపోవాల్సి ఉంటుంది. ఫోన్‌తో పాటు బాక్సులో ఛార్జర్ ఇవ్వరు. దాన్ని విడిగా కొనుక్కోవాలి. హెడ్‌ఫోన్ జాక్ లేదు, వైర్డ్ హెడ్‌ఫోన్స్ వాడేవారికి ఇది ఇబ్బంది కలిగించవచ్చు. ఇందులో వాడిన UFS 2.2 స్టోరేజ్, కొన్ని పోటీ ఫోన్లలోని UFS 3.1 కన్నా కొంచెం నెమ్మదిగా ఉంటుంది.

1300 నిట్స్ పీక్ బ్రైట్‌నెస్ పర్వాలేదు కానీ, ఎక్కువ ధర ఫోన్లతో పోలిస్తే అంత ప్రకాశవంతంగా ఉండకపోవచ్చు. దీని వాటర్ రెసిస్టెన్స్ IP54 రేటింగ్ అంటే నీటి తుంపర్లు, కొద్దిపాటి దుమ్ము నుంచి మాత్రమే రక్షణ ఉంటుంది. పూర్తిగా నీళ్లలో పడినా, ధూళిలో వాడినా తట్టుకోలేదు. ఇవన్నీ పరిగణలోకి తీసుకొని కొనాలో వద్దో మీరే నిర్ణయించుకోవాలి.