అదిరిపోయే డిజైన్‌, ప్లాగ్‌షిప్‌ పనితీరుతో నథింగ్ ఫోన్‌ 3 విడుదల.. ధర, ఫీచర్లు, సేల్‌ పూర్తి వివరాలు..!

నథింగ్ ఫోన్‌ 3 స్మార్ట్‌ఫోన్ విడుదల అయింది. నథింగ్ తొలి ఫ్లాగ్‌షిప్‌ మోడల్‌గా లాంచ్ అయింది. గత మోడల్స్‌తో పోలిస్తే డిజైన్ పరంగా కీలక మార్పులు చేశారు. నథింగ్‌ ఫోన్‌ 2 తో పోలిస్తే అత్యధిక ధరకు విడుదల చేసింది. నథింగ్ ఫోన్‌ 2 విడుదల అయిన సుమారు రెండు సంవత్సరాల తర్వాత ఫోన్‌ 3 ను తీసుకొచ్చింది. డిజైన్‌ సహా పనితీరు మెరుగుపరిచేందుకు వీలుగా అనేక మార్పులు చేశారు.

నథింగ్‌ ఫోన్ 3 గ్లిఫ్‌ మ్యాట్రిక్స్‌ డిజైన్‌ను కలిగి ఉంది. ఇప్పటి వరకు విడుదల అయిన అన్ని మోడల్స్‌ గ్లిఫ్‌ ఇంటర్‌ఫేస్‌ను కలిగి ఉన్నాయి. ప్రీమియం మెటీరియల్స్‌ను కలిగి ఉంది. గత మోడల్స్‌తో పోలిస్తే అనేక అప్‌గ్రేడ్స్‌ను కలిగి ఉంది. ఈ ఫోన్‌ మాడ్యూలర్ డిజైన్‌తో కూడిన బోల్డ్‌ జియోమెట్రీ డిజైన్‌ను కలిగి ఉంది. ఈ ఫోన్ 1.87 mm బెజెల్స్‌ను కలిగి ఉంది.

నథింగ్‌ ఫోన్‌ 3 స్పెసిఫికేషన్‌లు, ఫీచర్లు :
నథింగ్‌ ఫోన్‌ 3 ఫోన్‌ 6.67 అంగుళాల 1.5K అమోలెడ్‌ డిస్‌ప్లేను కలిగి ఉంది. ఈ ఫోన్ 120Hz రీఫ్రెష్‌ రేట్‌, 4500 నిట్స్‌ పీక్‌ బ్రైట్‌నెస్‌, 92.89 శాతం స్క్రీన్ టూ బాడీ రేషియోను కలిగి ఉంది. ఈ ఫోన్ అల్ట్రా థిన్‌, యూనిఫామ్‌ బెజెల్స్‌ను కలిగి ఉంది.

నథింగ్‌ ఫోన్‌ 3 కంటే ముందు విడుదల అయిన అన్ని మోడల్స్ గ్లిఫ్‌ ఇంటర్‌ఫేస్‌ను కలిగి ఉండగా.. ఈ కొత్త హ్యాండ్‌సెట్‌ మాత్రం గ్లిఫ్‌ మ్యాట్రిక్స్‌ డిజైన్‌తో అందుబాటులో ఉంది. ఇందులో గ్లిఫ్‌ మిర్రర్‌, డిజిటల్‌ క్లాక్‌, స్టాప్‌ వాచ్‌, బ్యాటరీ ఇండికేటర్‌, సోలార్‌ క్లాక్ వంటి అనేక ఫీచర్లు ఉన్నాయి.

ఈ ఫోన్ స్నాప్‌డ్రాగన్ 8s జెన్‌ 4 చిప్‌సెట్‌తో పనిచేస్తుంది. ఈ చిప్‌సెట్ 16GB ర్యామ్, 512GB స్టోరేజీని సపోర్టు చేస్తుంది. మరియు ఆండ్రాయిడ్ 15 ఆధారిత Nothing OS 3.5 ను కలిగి ఉంది. 2025 మూడో త్రైమాసికంలో ఆండ్రాయిడ్‌ 16 అప్‌డేట్‌ వస్తుందని నథింగ్ వెల్లడించింది.

ఈ ఫోన్‌ 5 సంవత్సరాల ఆండ్రాయిడ్‌ అప్‌డేట్స్, 7 సంవత్సరాల వరకు సెక్యూరిటీ అప్‌డేట్స్‌ను పొందుతుందని నథింగ్‌ తెలిపింది. ఈ ఫోన్‌లో Essential search, ఫ్లిప్‌ టూ రికార్డు, Essential Space వంటి ఫీచర్లున్నాయి. ఈ హ్యాండ్‌సెట్‌ 65W ఫాస్ట్‌ ఛార్జింగ్, 15W వైర్‌లైస్‌ ఛార్జింగ్ సపోర్టుతో 5500mAh సిలికాన్‌ కార్బన్ బ్యాటరీని కలిగి ఉంది.

కెమెరా విభాగం పరంగా ప్రో గ్రేడ్‌ కెమెరా సిస్టమ్‌ను కలిగి ఉంది. ఈ ఫోన్ ట్రిపుల్‌ కెమెరాలను కలిగి ఉంది. 50MP ప్రైమరీ కెమెరా, 3x ఆప్టికల్‌ జూమ్‌తో 50MP టెలిఫోటో కెమెరా, 50MP అల్ట్రా వైడ్‌ యాంగిల్‌ లెన్స్‌తోపాటు సెల్ఫీ, వీడియో కాల్స్ కోసం 50MP కెమెరాను అమర్చారు.

నథింగ్‌ ఫోన్‌ 3 ధర, సేల్‌ వివరాలు :
ఈ ఫోన్‌ 12GB ర్యామ్ + 256GB స్టోరేజీ వేరియంట్ ధర రూ.62999 (బ్యాంకు ఆఫర్లు, ఎక్స్ఛేంజీ ఆఫర్లతో కలిపి) గా ఉంది. 16GB ర్యామ్ + 512GB స్టోరేజీ వేరియంట్ ధర రూ.72999 (బ్యాంకు ఆఫర్లు, ఎక్స్ఛేంజీ ఆఫర్లతో కలిపి) గా ఉంది. ఇవాళ్టి (జులై 1) నుంచే ముందస్తు బుకింగ్‌ చేసుకొనేందుకు అవకాశం ఉంది.

ముందస్తు బుకింగ్ చేసుకున్న వారికి రూ.14999 విలువైన నథింగ్‌ ఇయర్‌ బడ్స్‌ను ఉచితంగా అందిస్తుంది. ఈ ఫోన్‌ సేల్‌ జులై 15 నుంచి ప్రారంభం కానుంది. అదనపు రుసుం లేకుండా 1 సంవత్సరం పాటు వారంటీని అందిస్తుంది. ఫ్లిప్‌కార్ట్‌, ఫ్లిప్‌కార్ట్‌ మినిట్స్‌, విజయ్ సేల్స్‌, క్రోమా సహా ఇతర రిటైల్‌ స్టోర్‌లలో కొనుగోలు చేయవచ్చు.