నథింగ్‌ ఫోన్‌ 3a లైట్‌ 5G స్మార్ట్‌ఫోన్ సేల్‌ ప్రారంభం.. ఏకంగా 6 సంవత్సరాల వరకు అప్‌డేట్స్‌ సహా..!

Nothing Phone 3a Lite 5G Smartphone Sale : నథింగ్‌ ఫోన్‌ 3a లైట్‌ 5G స్మార్ట్‌ ఫోన్ భారత్‌ మార్కెట్‌ లో గత నెల చివరి వారంలో విడుదల అయింది. ఈ ఫోన్‌ గ్లిఫ్‌ లైట్‌ తో అందుబాటులోకి వచ్చింది. అమోలెడ్‌ డిస్‌ప్లే, మీడియాటెక్‌ చిప్‌సెట్‌, 50MP కెమెరాను కలిగి ఉంది. ఈ ఫోన్‌ ఏకంగా 6 సంవత్సరాల వరకు అప్‌డేట్స్‌ ను పొందుతుంది. OIS, EIS సపోర్టుతో ప్రైమరీ కెమెరాను కలిగి ఉంది. ఈ ఫోన్‌ సేల్‌ ఇవాళ్టి నుంచి ప్రారంభం అయింది. ఫ్లిప్‌కార్ట్ ద్వారా కొనుగోలు చేయవచ్చు.

నథింగ్‌ ఫోన్‌ 3a లైట్‌ 5G స్మార్ట్‌ఫోన్‌ ను ఫ్లిప్‌కార్ట్‌, విజయ్‌ సేల్స్‌, క్రోమా సహా ప్రముఖ రిటైల్‌ స్టోర్స్‌ నుంచి కొనుగోలు చేయవచ్చు. ఈ ఫోన్‌ 8GB ర్యామ్ + 128GB స్టోరేజీ ధర రూ.20,999, 8GB ర్యామ్ + 256GB స్టోరేజీ ధర రూ.22999 గా ఉంది.

తొలి సేల్‌లో భాగంగా ఈ నథింగ్‌ ఫోన్‌ ను ICICI, వన్‌కార్డ్ కార్డులపై కొనుగోలు చేసి, రూ.1000 డిస్కౌంట్‌ ను పొందవచ్చు. ఈ ఫోన్‌ వైట్‌, బ్లూ, బ్లాక్‌ కలర్ వేరియంట్స్‌ లో లభిస్తుంది. IP54 రేటింగ్‌ తో డస్ట్‌, స్ల్పాష్‌ రెసిస్టెంట్‌ గా ఉంది.

FHD+ అమోలెడ్ డిస్‌ప్లే :
నథింగ్‌ ఫోన్‌ 3a లైట్‌ 5G హ్యాండ్‌సెట్‌ 120Hz రీఫ్రెష్‌ రేట్‌ తో 6.77 అంగుళాల ఫుల్‌ HD+ ఫ్లెక్సిబుల్‌ అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 3000 నిట్స్‌ పీక్ బ్రైట్‌నెస్‌, 387 PPI పిక్సల్‌ డెన్సిటి, 2160Hz PWM డిమ్మింగ్‌ ను కలిగి ఉంది. Panda గ్లాస్‌ ప్రొటెక్షన్‌ తో అందుబాటులోకి వచ్చింది.

ఏకంగా 6 సంవత్సరాల వరకు అప్‌డేట్స్‌ :
ఈ స్మార్ట్‌ఫోన్ మీడియాటెక్‌ డైమెన్సిటీ 7300 ప్రో ప్రాసెసర్ ను కలిగి ఉంది. ఆండ్రాయిడ్‌ 15 ఆధారిత Nothing OS 3.5 పైన పనిచేస్తుంది. 3 ఆండ్రాయిడ్‌ OS అప్‌డేట్స్‌, 6 సంవత్సరాల వరకు సెక్యూరిటీ అప్‌డేట్స్‌ ను పొందవచ్చు.

కెమెరా విభాగం పరంగా వెనుక వైపు ట్రిపుల్‌ కెమెరా యూనిట్‌ ను కలిగి ఉంది. ఆప్టికల్‌ ఇమేజ్‌ స్టెబిలైజేషన్‌ ( OIS ), ఎలక్ట్రానిక్ ఇమేజ్‌ స్టెబిలైజేషన్ ( EIS ) సపోర్టుతో 50MP ప్రైమరీ కెమెరాతో అందుబాటులో ఉంది. దీంతోపాటు 8MP అల్ట్రా వైడ్‌ యాంగిల్ లెన్స్‌ కూడా ఉంది. సెల్ఫీ, వీడియో కాల్స్ కోసం ముందు వైపు 16MP కెమెరా ఉంది.

రివర్స్‌ ఛార్జింగ్‌ సపోర్టు :
ఈ ఫోన్ కెమెరా విభాగం నైట్‌ మోడ్‌, మోషన్‌ క్యాప్చర్‌, మైక్రో మోడ్‌, ఆటో ట్యూన్‌, పొర్ట్రెయిట్ మోడ్‌, Ultra XDR ఫోటోస్‌ వంటి ఫీచర్‌ లు ఉన్నాయి. ఈ హ్యాండ్‌సెట్‌ 33W వైర్‌ ఫాస్ట్‌ ఛార్జింగ్, 5W రివర్స్‌ ఛార్జింగ్‌ సపోర్టుతో 5000mAh బ్యాటరీని కలిగి ఉంది.