వన్ ప్లస్ కొత్త ఫోన్ OnePlus 11R సేల్ ఈ రోజే! ఆఫర్ ధర వివరాలు

వన్ ప్లస్ యొక్క కొత్త వన్ ప్లస్11R భారతదేశంలో ఈరోజు, ఫిబ్రవరి 28న సేల్ జరుగుతోంది. ఈ ఫోన్ మరింత ప్రీమియం, స్నాప్ డ్రాగన్ 8 జెన్ 2 ప్రాసెసర్ తో వస్తుంది. వన్ ప్లస్ 11తో పాటు ఫిబ్రవరి 7న ఈ ఫోన్ లాంచ్ అయింది. చూడటానికి ఈ రెండు ఫోన్‌లు ఒకేలా కనిపిస్తున్నాయి. కానీ స్పెసిఫికేషన్ ల వివరాలలో తేడాలు ఉన్నాయి.

వన్ ప్లస్ ఈ ఫోన్ క్వాల్కమ్ యొక్క పూర్వపు ఫ్లాగ్‌షిప్ ప్రాసెసర్ స్నాప్‌డ్రాగన్ 8 జెన్ 1+ ద్వారా ఆధారితమైనది. దాని తోటి మోడల్ ల మాదిరిగానే, 100W ఫాస్ట్ ఛార్జింగ్‌కు మద్దతు ఇస్తుంది. మరియు డిజైన్ కూడా దాదాపు ఒకే విధంగా ఉంటాయి.

భారతదేశంలో వన్ ప్లస్ 11R ధర వివరాలు
వన్ ప్లస్ 11R స్మార్ట్ ఫోన్ రెండు వేరియంట్ లలో వస్తుంది.ఇవి 8GB RAM మరియు 128GB స్టోరేజ్ కలిగిన బేస్ వేరియంట్ ధర రూ.39,999. ఇంకా,16GB RAM మరియు 256GB స్టోరేజ్ కలిగిన టాప్ మోడల్ వేరియంట్ ధర రూ.44,999. వన్ ప్లస్ 11R యొక్క ఈ రెండు వేరియంట్‌లు గెలాక్సీ సిల్వర్ మరియు సోనిక్ బ్లాక్ కలర్‌లలో అందుబాటులో ఉన్నాయి.

భారతదేశంలో వన్ ప్లస్ 11R ఆఫర్ల వివరాలు
వన్ ప్లస్ 11R ఈరోజు భారతదేశంలో అమెజాన్ మరియు అధికారిక ఛానెల్‌ల ద్వారా అమ్మకాలు జరుపుతోంది. వన్ ప్లస్ 11R 5G ఫోన్ పై కస్టమర్‌లు రూ. 1,000 తక్షణ తగ్గింపు ఆఫర్ ను పొందుతారని వన్ ప్లస్ తెలిపింది. అంటే ఈ ఫోన్ వరుసగా రూ. 38,999 మరియు రూ. 43,999 ల ఆఫర్ ధర వద్ద మీరు కొనుగోలు చేయవచ్చు.

అలాగే, కస్టమర్‌లు 12 నెలల నో-కాస్ట్ EMI ఆప్షన్ ను కూడా ఎంచుకోవచ్చు. వన్ ప్లస్, వన్ ప్లస్ స్టోర్ యాప్ మరియు వన్ ప్లస్ ఎక్స్‌పీరియన్స్ స్టోర్‌లలో వినియోగదారులు వన్ ప్లస్ పరికరాలపై రూ. 3,000 ఎక్స్‌ఛేంజ్ బోనస్‌ను పొందవచ్చు. ఇంకా, వన్ ప్లస్ యొక్క మొదటి 1,000 మంది కొనుగోలుదారులు వన్ ప్లస్ ఇండియా వెబ్‌సైట్ మరియు వన్ ప్లస్ స్టోర్ యాప్‌లో ప్రత్యేకంగా వన్ ప్లస్ గేమింగ్ ట్రిగ్గర్‌ను పొందుతారని సంస్థ పేర్కొంది.

వన్ ప్లస్ 11R స్పెసిఫికేషన్ల వివరాలు

ముందుగా చెప్పినట్లుగా, ఈ కొత్త వన్ ప్లస్11R ఫోన్ క్వాల్కమ్ యొక్క స్నాప్‌డ్రాగన్ 8+ Gen 1 SoC ప్రాసెసర్ తో పనిచేస్తుంది. SoC LPDDR5X RAM మరియు UFS 3.1 స్టోరేజీ తో వస్తుంది. వన్ ప్లస్ 11R పంచ్-హోల్ డిజైన్‌తో 6.7-అంగుళాల AMOLED డిస్‌ప్లేను కలిగి ఉంది.ఈ పరికరం వన్ ప్లస్ 9RT మాదిరిగానే వక్ర అంచులు మరియు భుజాలను కలిగి ఉంది.

ఈ ఫోన్ యొక్క స్క్రీన్ 1450 నిట్స్ గరిష్ట ప్రకాశం మరియు 120Hz రిఫ్రెష్ రేట్‌ను అందిస్తుంది. వన్ ప్లస్ 11R 100W ఫాస్ట్ ఛార్జింగ్‌ మద్దతుతో 5,000mAh బ్యాటరీని కలిగి ఉంది . వన్ ప్లస్ ఇప్పటికీ రిటైల్ బాక్స్‌లో ఫాస్ట్ ఛార్జర్‌ను అందిస్తోందని గమనించగలరు.

ఇక ఈ ఫోన్ యొక్క కెమెరాల విషయానికి వస్తే, వెనుక వైపు 50-మెగాపిక్సెల్ సోనీ IMX890 సెన్సార్, 8-మెగాపిక్సెల్ అల్ట్రా-వైడ్ కెమెరా మరియు 2-మెగాపిక్సెల్ మాక్రో కెమెరా ఉన్నాయి. ముందు భాగంలో, సెల్ఫీల కోసం 16-మెగాపిక్సెల్ కెమెరా ఉంది. ఈ కెమెరా సెటప్ వన్ ప్లస్ 10R మాదిరిగానే ఉంటుంది మరియు కంపెనీ ఇప్పుడే ప్రైమరీ సోనీ సెన్సార్‌ను మార్చినట్లు తెలుస్తోంది.