2K 120Hz డిస్‌ప్లే, 100W ఛార్జింగ్, 64MP జూమ్ కెమెరా.. వన్‌ప్లస్ 12 పై రూ.19,001 భారీ తగ్గింపు..!

OnePlus 12 Price Drop: మీరు పవర్‌ఫుల్ ఫ్లాగ్‌షిప్ స్మార్ట్‌ఫోన్ కోసం చూస్తున్నారా, అద్భుతమైన డిస్‌ప్లే, పెర్ఫార్మెన్స్, బ్యాటరీ లైఫ్ ఉన్న ఫోన్ కావాలా, అయితే, వన్‌ప్లస్ 12 మీకు బాగా సరిపోతుంది. ఇప్పుడు ఇది అత్యంత తక్కువ ధరకే లభిస్తోంది. అమెజాన్‌లో ఈ ఫోన్‌పై ఊహించని ధర తగ్గింపు ప్రకటించారు. చవకలో ప్రీమియం ఫీచర్లు కావాలనుకునే వారికి ఇది ఒక గొప్ప అవకాశం.

* కొత్త ధర, బ్యాంక్ ఆఫర్లు
వన్‌ప్లస్ 12 భారతదేశంలో మొదట రూ.64,999 ధరకు విడుదలైంది. కానీ, ఇప్పుడు అమెజాన్‌లో కేవలం రూ.51,998కే అందుబాటులో ఉంది. ఈ డిస్కౌంట్‌కు అదనంగా, ICICI లేదా HDFC బ్యాంక్ కార్డులు వాడేవారికి మరో రూ.6,000 తక్షణ తగ్గింపు లభిస్తుంది. అంటే, అన్నీ కలుపుకుంటే ఈ ఫోన్ సుమారు రూ.45,000కే మీ సొంతం చేసుకోవచ్చు.

ప్రస్తుతం లభిస్తున్న ఫ్లాగ్‌షిప్ ఫోన్లలో ఇది బెస్ట్ డీల్స్‌లో ఒకటిగా నిలుస్తుంది. అంతేకాకుండా, అమెజాన్ నెలకి రూ.2,521 నుంచి వడ్డీ లేని EMI (No-Cost EMI) ఆప్షన్లను అందిస్తోంది, దీనివల్ల సులభ వాయిదాలలో చెల్లించే వెసులుబాటు ఉంటుంది. అంటే ఇప్పటికిప్పుడు మీ దగ్గర ఎక్కువ మనీ లేకపోయినా ఈ EMIలో ఈజీగా దీన్ని సొంతం చేసుకోవచ్చు.

* ఎక్స్‌ఛేంజ్ ఆఫర్లు, అదనపు ప్రయోజనాలు
పాత స్మార్ట్‌ఫోన్‌ను ఎక్స్‌ఛేంజ్ చేయవచ్చు. ఫోన్ మోడల్, దాని కండిషన్‌ను బట్టి గరిష్టంగా రూ.22,800 వరకు తగ్గింపు లభిస్తుంది. అమెజాన్ వన్‌ప్లస్ కేర్ యాక్సిడెంటల్ డ్యామేజ్ ప్రొటెక్షన్, స్క్రీన్ డ్యామేజ్ కవర్, పొడిగించిన వారంటీ (Extended warranties) వంటి అదనపు ప్రయోజనాలను (add-ons) కూడా కొనుగోలుదారులు పొందవచ్చు.

* ఆకట్టుకునే స్పెసిఫికేషన్లు, ఫీచర్లు
వన్‌ప్లస్ 12లో 6.82-అంగుళాల పెద్ద 2K అమోలెడ్ డిస్‌ప్లే ఉంది. ఇది 120Hz రిఫ్రెష్ రేట్‌తో పాటు, కళ్లు చెదిరే 4,500 నిట్స్ బ్రైట్‌నెస్‌ను అందిస్తుంది. ఇది లేటెస్ట్ స్నాప్‌డ్రాగన్ 8 జెన్ 3 చిప్‌సెట్‌తో పనిచేస్తుంది. ప్రత్యేకమైన వేపర్ ఛాంబర్‌ కూడా ఉంది.

ఇందులో 16GB వరకు RAM, 512GB స్టోరేజ్ లభిస్తుంది. గేమింగ్, మల్టీటాస్కింగ్, వీడియో ఎడిటింగ్ వంటి పనులకు ఇది చాలా అనువుగా ఉంటుంది. 5,400mAh భారీ బ్యాటరీతో పాటు, 100W ఫాస్ట్ ఛార్జింగ్‌కు సపోర్ట్ చేస్తుంది. ఫోన్‌ను అతి తక్కువ సమయంలోనే పూర్తిగా ఛార్జ్ చేయవచ్చని కంపెనీ చెబుతోంది.

* కెమెరా సెటప్, పనితీరు
ఈ ఫోన్ వెనుకవైపు ట్రిపుల్ కెమెరా సెటప్ ఉంది. ఇందులో 50MP ప్రధాన కెమెరా, 3x ఆప్టికల్ జూమ్‌తో 64MP పెరిస్కోప్ లెన్స్, 48MP అల్ట్రా-వైడ్ సోనీ IMX581 సెన్సార్ ఉన్నాయి. సెల్ఫీల కోసం 32MP కెమెరా ఇచ్చారు. మంచి వెలుతురులో ఫొటోలు బాగా వస్తాయి. తక్కువ వెలుతురులో తీసే ఫోటోలు అంత గొప్పగా ఉండకపోవచ్చు.

* ఈ డీల్ ఎందుకు ముఖ్యం..
వన్‌ప్లస్ 12 టాప్-ఎండ్ హార్డ్‌వేర్, ఆకర్షణీయమైన డిజైన్, క్లీన్ సాఫ్ట్‌వేర్ (OxygenOS) కలయికతో చాలా స్మూత్, ప్రీమియం యూజర్ అనుభూతిని అందిస్తుంది. ఇది విడుదలై ఒక సంవత్సరం అయిన మోడల్ అయినా, ఈ భారీ రూ.19,001 ధర తగ్గింపుతో, ఇదే ధర పరిధిలోని అనేక కొత్త మోడళ్ల కంటే ఇది ఇప్పుడు చాలా ఉత్తమమైన విలువను అందిస్తోంది.

మీరు గేమర్ అయినా, ఫోన్‌ను ఎక్కువగా వాడేవారైనా, లేదా అన్ని పనులకు సరిపోయే మంచి ఆల్-రౌండర్ ఫోన్ కావాలనుకున్నా, అమెజాన్‌లోని ఈ డీల్ వన్‌ప్లస్ 12 ను ఈరోజు ఒక తెలివైన కొనుగోలు (Smart buy)గా మార్చింది. ఆలస్యమైతే ఈ ఆఫర్ల కాలం తీరిపోవచ్చు కాబట్టి త్వరపడండి.