వన్‌ప్లస్ 13 లాంచ్‌కు ముందే వన్‌ప్లస్ 12పై భారీ డిస్కౌంట్..

వన్‌ప్లస్ లవర్స్‌కి గుడ్ న్యూస్. ఫ్లిప్‌కార్ట్‌లో వన్‌ప్లస్ 12 ధరలు భారీగా తగ్గాయి. రేపు భారతదేశంలో వన్‌ప్లస్ 13 సిరీస్ లాంచ్ అవుతున్న నేపథ్యంలో ఈ డిస్కౌంట్ అందుబాటులోకి వచ్చింది. ప్రీమియం ఫీచర్లు, దుమ్మురేపే పర్ఫార్మెన్స్ కలిగిన ఈ ఫోన్‌ను ఇప్పుడు తక్కువ ధరకే సొంతం చేసుకోవచ్చు.

బ్యాంక్ ఆఫర్లు లేకుండానే ఏకంగా రూ.5,100 పైగా ఆదా చేసుకోవచ్చు. తక్కువ ధరలో ప్రీమియం ఫోన్ కోరుకునే వారికి ఇది సూపర్ ఛాన్స్.

* ఫ్లిప్‌కార్ట్‌లో వన్‌ప్లస్ 12 ధర, ఆఫర్లు

ప్రస్తుతం ఫ్లిప్‌కార్ట్‌లో వన్‌ప్లస్ 12 ధర రూ. 59,899 గా ఉంది. వాస్తవానికి ఇది అసలు ధర కంటే రూ.5,100 తక్కువ. అంతే కాదు, మీ దగ్గర ఫ్లిప్‌కార్ట్ యాక్సిస్ బ్యాంక్ క్రెడిట్ కార్డ్ ఉంటే, అదనంగా 5% డిస్కౌంట్ లభిస్తుంది. అంటే ఈ ఫోన్ ను మీరు కేవలం రూ.56,904కే సొంతం చేసుకోవచ్చు.

ఇన్‌స్టాల్‌మెంట్లలో కొనాలనుకునేవారి కోసం EMI ఆప్షన్లు కూడా అందుబాటులో ఉన్నాయి. నెలకు కేవలం రూ.2,106 నుంచి ఈఎంఐ ప్రారంభమవుతుంది. వీటితో పాటు, మీ పాత స్మార్ట్‌ఫోన్‌ను ఎక్స్ఛేంజ్ చేయడం ద్వారా మరింత తగ్గింపు పొందవచ్చు. అయితే, పాత ఫోన్ మోడల్, దాని పరిస్థితిపై ఈ తగ్గింపు ఆధారపడి ఉంటుంది.

వన్‌ప్లస్ 12 గ్లేసియల్ వైట్, ఫ్లోయి ఎమరాల్డ్, సిల్కీ బ్లాక్ వంటి మూడు కలర్ ఆప్షన్లలో లభిస్తోంది. మీకు నచ్చిన రంగును ఎంచుకోవచ్చు.

* వన్‌ప్లస్ 12 ఫీచర్లు

వన్‌ప్లస్ 12లో 6.82-అంగుళాల LTPO AMOLED డిస్‌ప్లే ఉంది. ఇది 120Hz రిఫ్రెష్ రేట్‌తో పాటు HDR10+, డాల్బీ విజన్‌ను సపోర్ట్ చేస్తుంది. స్క్రీన్ రిజల్యూషన్ 1440 x 3168 పిక్సెల్స్‌గా ఉంది, అంతేకాదు ఈ డిస్‌ప్లే గరిష్టంగా 4,500 నిట్స్ బ్రైట్‌నెస్‌ను చేరుకోగలదు. అంటే సూర్యరశ్మిలో కూడా స్క్రీన్ చాలా స్పష్టంగా కనిపిస్తుంది.

ఈ ఫోన్ శక్తివంతమైన స్నాప్‌డ్రాగన్ 8 జెన్ 3 ప్రాసెసర్‌తో పనిచేస్తుంది. దీంతో ఫోన్ చాలా వేగంగా, ఎలాంటి ల్యాగ్ లేకుండా పనిచేస్తుంది. ఇందులో 16GB RAM + 512GB ఇంటర్నల్ స్టోరేజ్ ఉన్నాయి.

ఆపరేటింగ్ సిస్టమ్ విషయానికి వస్తే, ఇది ఆండ్రాయిడ్ 14 ఆధారిత ఆక్సిజన్ OS 14తో వస్తుంది. త్వరలోనే ఆక్సిజన్OS 15 అప్‌గ్రేడ్ కూడా రానుంది, దీనిలో సరికొత్త ఫీచర్లు, డిజైన్ మార్పులు ఉంటాయి. వన్‌ప్లస్ 12లో 5,400mAh బ్యాటరీ ఆఫర్ చేశారు, ఇది 100W వైర్డ్ ఛార్జింగ్, 50W వైర్‌లెస్ ఛార్జింగ్, 10W రివర్స్ వైర్‌లెస్ ఛార్జింగ్‌కు సపోర్ట్ చేస్తుంది.

* కెమెరా

కెమెరా విషయానికి వస్తే, ఈ ఫోన్ వెనుకవైపు మూడు కెమెరాలు ఇచ్చారు. అవి 50MP మెయిన్ కెమెరా, 64MP పెరిస్కోప్ టెలిఫోటో లెన్స్, 48MP అల్ట్రావైడ్ లెన్స్. సెల్ఫీలు, వీడియో కాల్స్ కోసం ముందువైపు 32MP కెమెరా ఉంది. ఫోటోగ్రఫీకి ఇష్టపడేవారికి ఇది ఒక అద్భుతమైన ఫోన్ అని చెప్పవచ్చు.

మొత్తం మీద చూసుకుంటే, తక్కువ ధరలో హై-ఎండ్ స్మార్ట్‌ఫోన్ కోసం చూస్తున్నవారికి వన్‌ప్లస్ 12 ఒక అద్భుతమైన ఛాయిస్. ఈ ఆఫర్‌ను తప్పక చెక్ చేయండి.