రేపే వన్‌ప్లస్‌ 13s స్మార్ట్‌ఫోన్‌ విడుదల.. స్నాప్‌డ్రాగన్ 8 Elite చిప్‌సెట్‌, ప్లస్‌ కీ సహా కీలక ఫీచర్‌లు..!

OnePlus 13s Smartphone Launch : వన్‌ప్లస్‌ 13s స్మార్ట్‌ ఫోన్‌ రేపు భారత్‌ మార్కెట్‌ లో విడుదల కానుంది. మధ్యాహ్నం 12 గంటలకు లాంచ్‌ కానుంది. వన్‌ప్లస్‌ అధికారిక యూట్యూబ్ ఛానల్ ద్వారా లైవ్‌ ఈవెంట్‌ వీక్షించవచ్చు. ఈ హ్యాండ్‌సెట్‌ ప్లస్‌ కీ (OnePlus Plus Key) తోపాటు అనేక AI ఫీచర్లను కలిగి ఉంటుంది. ఇప్పటికే వచ్చిన లీక్స్‌ ఆధారంగా ఈ ఫోన్‌ సుమారు రూ.55000 గా ఉంటుందని తెలుస్తోంది. ఈ ఫోన్‌ స్నాప్‌డ్రాగన్ 8 Elite చిప్‌సెట్‌ తో పనిచేస్తుంది. మరియు 50MP ప్రైమరీ కెమెరా ను కలిగి ఉంటుంది.

సేల్‌ ఎక్కడ ప్రారంభం కానుంది..? :
వన్‌ప్లస్‌ 13s స్మార్ట్‌ ఫోన్‌ విడుదల అనంతరం వన్‌ప్లస్‌ అధికారిక వెబ్‌సైట్‌, ప్రముఖ ఇ-కామర్స్ సంస్థ అమెజాన్‌ సహా ఇతర ఆఫ్‌లైన్‌ రిటైల్‌ స్టోర్‌లలో కొనుగోలు చేయవచ్చు. ఈ హ్యాండ్‌సెట్ గ్రీన్‌ సిల్క్, పింక్‌ సాటిన్, బ్లాక్‌ వెల్‌వెట్‌ కలర్‌ వేరియంట్స్‌ లో లభిస్తుంది.

డిస్‌ప్లే, ప్లస్ కీ :
ఇప్పటికే వన్‌ప్లస్‌ 13s స్మార్ట్‌ ఫోన్‌ గురించి ఇప్పటికే అనేక వివరాలు వెల్లడయ్యాయి. ఈ ఫోన్ 6.32 అంగుళాల డిస్‌ప్లేను కలిగి ఉంటుంది. మరియు ఈ ఫోన్‌ ఫ్లస్‌ కీ కూడా కలిగి ఉంటుంది. ఈ ప్లస్‌ కీ అనేక విధాలుగా ఉపయోగపడుతుందని తెలుస్తోంది.

శక్తివంతమైన చిప్‌సెట్‌ :
ఈ ఫోన్‌ శక్తివంతమైన స్నాప్‌డ్రాగన్‌ 8 Elite చిప్‌సెట్‌ తో పనిచేస్తుంది. ఈ చిప్‌సెట్‌ గరిష్ఠంగా 12GB ర్యామ్ మరియు 512GB స్టోరేజీని సపోర్టు చేస్తుందని తెలుస్తోంది. ఈ ఫోన్ అనేక ఆర్టిఫిషియల్ ఇంటెలిజెన్స్ (AI) ఫీచర్‌లను కలిగి ఉంటుంది. వేపర్ ఛాంబర్‌ ను కూడా కలిగి ఉంటుంది. ఆండ్రాయిడ్‌ 15 ఆధారిత చిప్‌సెట్‌ ను కలిగి ఉంది. నాలుగు OS అప్‌డేట్స్ పొందుతుందని తెలుస్తోంది.

50MP ప్రైమరీ కెమెరా :
ఈ ఫోన్ సెల్ఫీ, వీడియో కాల్స్ కోసం ఆటోఫోకస్‌ సామర్థ్యంతో 32MP కెమెరాను కలిగి ఉంటుంది. అయితే వెనుక వైపు డ్యూయల్‌ కెమెరాలను కలిగి ఉంటుంది. అయితే ఈ కెమెరా వివరాలు వెల్లడి కాలేదు. అయితే 50MP ప్రైమరీ కెమెరాను కలిగి ఉంటుందని తెలుస్తోంది. రేపు పూర్తి వివరాలు వెల్లడి కానున్నాయి.

8.15mm ప్రొఫైల్‌ :
అయితే బ్యాటరీ మరియు ఛార్జింగ్‌ పరంగా ఎటువంటి వివరాలు వెల్లడి కాలేదు. అయితే 6260mAh బ్యాటరీతో పనిచేస్తుందని తెలుస్తోంది. ఈ ఫోన్ 8.15mm ప్రొఫైల్‌ తో 185 గ్రాములు బరువు ఉంటుంది. ఏఐ పరంగా కాల్‌ అసిస్టెంట్‌, AI ట్రాన్స్‌లేషన్‌, వాయిస్‌ స్క్రైబ్‌ వంటి AI ఫీచర్‌లుంటాయి.

కనెక్టివిటీ పరంగా వన్‌ప్లస్‌ 13s హ్యాండ్‌సెట్‌ G1 Wi-Fi చిప్‌సెట్‌ తో పనిచేస్తుంది. 5.5G నెట్‌వర్క్‌ ను సపోర్టు చేస్తుంది. IP65 రేటింగ్‌ తో డస్ట్‌ మరియు వాటర్ రెసిస్టెంట్‌గా ఉంటుంది. మెరుగైన ఆడియో కోసం డ్యూయల్‌ స్టీరియో స్పీకర్‌లను కలిగి ఉంటుందని తెలుస్తోంది.