OnePlus 15 Smartphone : వన్‌ప్లస్ 15 స్మార్ట్‌ఫోన్‌ భారత్ మార్కెట్‌లో ఎప్పుడు లాంచ్‌ కానుందంటే..?

OnePlus 15 Smartphone : ప్రముఖ స్మార్ట్‌ఫోన్‌ల తయారీ సంస్థ వన్‌ప్లస్ నుంచి త్వరలో వన్‌ప్లస్ 15 విడుదల కానుంది. ఇప్పటికే ఈ హ్యాండ్‌సెట్ గురించి అనేక వివరాలు వెల్లడయ్యాయి. అయితే ఈ ఫోన్ తొలుత చైనాలో విడుదల కానుంది. అనంతరం భారత్‌ సహా గ్లోబల్ మార్కెట్‌ లో అందుబాటులోకి రానుంది. అయితే తాజాగా భారత్‌ లో ఈ ఫోన్ విడుదలకు సంబంధించిన వివరాలు లీక్‌ అయ్యాయి.

వన్‌ప్లస్ ఫోన్‌ ఎప్పుడు విడుదల కానుంది? :
ప్రస్తుతం అందుబాటులో ఉన్న వివరాల ఆధారంగా వన్‌ప్లస్‌ 15 స్మార్ట్‌ఫోన్ చైనాలో నవంబర్ 13 వ తేదీన విడుదల కానుందని భావిస్తున్నారు. దీనికి సంబంధించిన కచ్చితమైన వివరాలు తెలియాల్సి ఉంది. అయితే భారత్‌ సహా గ్లోబల్ మార్కెట్లో 2026 జనవరి నెలలో విడుదల అయ్యే అవకాశం ఉంది.

వన్‌ప్లస్ కంపాక్ట్‌ మోడల్ తరహాలో! :
ఇటీవలే ఈ ఫోన్‌ డిజైన్‌ వివరాలు లీక్ అయ్యాయి. ప్రస్తుతం అందుబాటులో ఉన్న కాంపాక్ట్‌ మోడల్‌ వన్‌ప్లస్‌ 13s స్మార్ట్‌ఫోన్ తరహా కెమెరా మాడ్యూల్‌ను కలిగి ఉంటుంది. దీని ఆధారంగా ఈ ఫోన్‌ వెనుక వైపు మూడు కెమెరాలు, ఫ్లాష్‌ లైట్‌ ను కలిగి ఉంటుంది. సెల్ఫీ కెమెరా కోసం పంచ్‌ హోల్‌ డిస్‌ప్లే డిజైన్‌ తో లాంచ్ కానుంది.

శక్తివంతమైన చిప్‌సెట్ :
ఇప్పటికే ఈ ఫోన్‌ చిప్‌సెట్‌ వివరాలు వెల్లడయ్యాయి. ఈ ఫోన్ ఇటీవలే విడుదల అయిన క్వాల్‌కాం స్నాప్‌డ్రాగన్ 8 ఇలైట్‌ జెన్‌ 5 చిప్‌సెట్‌ తో పనిచేస్తుంది. ఈ చిప్‌సెట్‌ ప్రస్తుతానికి శక్తివంతమైనదిగా ఉంది. ఈ ప్రాసెసర్‌ LPDDR5x ర్యామ్, UFS 4.1 స్టోరేజీతో జతచేసి ఉంటుంది. ఈ ఫోన్ 16GB ర్యామ్, 1TB స్టోరేజీతో లాంచ్‌ అయ్యే అవకాశం ఉంది.

165Hz రీఫ్రెష్‌ రేట్‌తో డిస్‌ప్లే :
వన్‌ప్లస్‌ 15 స్మార్ట్‌ఫోన్ BOE X3 1.5K LTPO అమోలెడ్ డిస్‌ప్లేను కలిగి ఉంటుంది. ఈ డిస్‌ప్లే 165Hz రీఫ్రెష్‌ రేట్‌, 1800 నిట్స్‌ పీక్ బ్రైట్‌నెస్‌ ను కలిగి ఉంటుంది. మరియు గేమింగ్‌ కోసం ప్రత్యేక ఫీచర్‌ కూడా ఉంటుందని తెలుస్తోంది. ఈ ఫోన్ IP68 రేటింగ్‌ తో డస్ట్‌, వాటర్‌ రెసిస్టెంట్‌ గా ఉంటుందని సమాచారం.

50MP టెలిఫోటో లెన్స్‌ :
కెమెరా విభాగం పరంగా ఈ వన్‌ప్లస్‌ స్మార్ట్‌ఫోన్‌ వెనుక వైపు మూడు కెమెరాలను కలిగి ఉంటుంది. ఇందులో 50MP ప్రైమరీ, 50MP టెలిఫోటో, 50MP అల్ట్రావైడ్‌ లెన్స్‌ ను కలిగి ఉంటుందని అంచనా వేస్తున్నారు. ఈ కెమెరాలతో అత్యంత మెరుగైన ఫోటోలు, వీడియోలను క్యాప్చర్‌ చేయవచ్చని తెలుస్తోంది. సెల్ఫీ కెమెరా వివరాలు తెలియాల్సి ఉంది.

7300mAh భారీ బ్యాటరీ :
ఈ ఫోన్‌ భారీ బ్యాటరీతో అందుబాటులోకి రానుంది. 120W వైర్‌, 50W వైర్‌లెస్ ఛార్జింగ్‌ సపోర్టుతో 7300mAh భారీ బ్యాటరీని కలిగి ఉంటుంది. భారత్ మార్కెట్‌ లో ఈ స్మార్ట్‌ఫోన్ సుమారుగా రూ.80,000 ధర రేంజ్‌లో అందుబాటులోకి వస్తుందని తెలుస్తోంది.