ఇవాళే వన్‌ప్లస్‌ 15 స్మార్ట్‌ఫోన్ విడుదల.. స్పెసిఫికేషన్లు, ఫీచర్లు, ధర అంచనా వివరాలు..!

OnePlus 15 Smartphone india launch : వన్‌ప్లస్‌ 15 స్మార్ట్‌ఫోన్ భారత్‌ మార్కెట్‌ లో ఇవాళ సాయంత్రం 7 గంటలకు విడుదల కానుంది. మరియు ఇవాళే 8PM గంటలకు సేల్‌ కూడా ప్రారంభం కానుంది. వన్‌ప్లస్ వెబ్‌సైట్‌, యూట్యూబ్‌ ద్వారా లాంచ్‌ ఈవెంట్‌ లైవ్ చూడవచ్చు. ఈ హ్యాండ్‌సెట్‌ గురించి ఇప్పటికే అనేక వివరాలు వెల్లడయ్యాయి. అంచనా ధర వివరాలు కూడా అందుబాటులోకి వచ్చాయి. రిలయన్స్‌ డిజిటల్‌ వెబ్‌సైట్‌ ఆధారంగా ఈ వివరాలు లీక్‌ అయ్యాయి.

అంచనా ధర వివరాలు :
ఈ వెబ్‌సైట్ ఆధారంగా వన్‌ప్లస్ 15 స్మార్ట్‌ఫోన్ స్పెసిఫికేషన్‌లతోపాటు ధర వివరాలు లీక్‌ అయ్యాయి. దీని ఆధారంగా ఈ హ్యాండ్‌సెట్ 12GB ర్యామ్, 256GB స్టోరేజీ వేరియంట్ ధర రూ.72999 గా ఉంటుందని తెలుస్తోంది. అల్ట్రా వైలెట్‌ కలర్‌ వేరియంట్‌ లో లిస్టింగ్‌ అయింది.

ఈ హ్యాండ్‌సెట్ 16GB ర్యామ్ + 512GB స్టోరేజీ వేరియంట్‌ లోనూ విడుదల కానుంది. శాండ్‌ స్ట్రోమ్‌ కలర్ వేరియంట్‌ లోనూ లాంచ్‌ కానుందని తెలుస్తోంది. అయితే ఈ ధర వివరాలపై వన్‌ప్లస్‌ ఎటువంటి స్పందన తెలియజేయలేదు.

వన్‌ప్లస్‌ 15 స్మార్ట్‌ఫోన్ స్పెసిఫికేషన్‌లు :
ఈ స్మార్ట్‌ఫోన్‌ 165Hz రీఫ్రెష్‌ రేట్‌ తో 6.78 అంగుళాల BOE X3 LTPO ఫ్లాట్‌ 1.5K డిస్‌ప్లేను కలిగి ఉంటుందని తెలుస్తోంది. ఈ వన్‌ప్లస్‌ హ్యాండ్‌సెట్ స్నాప్‌డ్రాగన్‌ 8 ఇలైట్‌ జెన్ 5 చిప్‌సెట్‌ తో పనిచేస్తుంది. ఈ చిప్‌ 16GB LPDDR5x ర్యామ్‌, 512GB UFS 4.1 స్టోరేజీని సపోర్టు చేస్తుంది. ఆండ్రాయిడ్‌ 16 ఆధారిత OxygenOS 16 పైన పనిచేస్తుంది.

ట్రిపుల్ కెమెరా యూనిట్ :
కెమెరా విభాగం పరంగా వెనుక వైపు మూడు కెమెరాలు ఉంటాయి. ఇందులో 50MP ప్రైమరీ కెమెరా, 50MP అల్ట్రావైడ్ లెన్స్‌, 50MP పెరిస్కోప్‌ లెన్స్‌ ను కలిగి ఉంటుంది. సెల్ఫీ, వీడియో కాల్స్ కోసం 32MP కెమెరాతో అందుబాటులోకి రానుంది. ఈ కెమెరా 4k వీడియో రికార్డింగ్‌ ను సపోర్టు చేస్తుంది.

7300mAh బ్యాటరీ :
ఈ హ్యాండ్‌సెట్‌ 120W వైర్‌, 50W వైర్‌లెస్‌ ఛార్జింగ్‌ సపోర్టుతో 7300mAh బ్యాటరీని కలిగి ఉంటుంది. ఈ హ్యాండ్‌సెట్ సేల్‌ ఇవాళ్టి నుంచే ప్రారంభం కానుంది. ఇవాళ సాయంత్రం 8 గంటల నుంచి కొనుగోలు చేయవచ్చు. వన్‌ప్లస్‌ అధికారిక వెబ్‌సైట్‌, అమెజాన్‌ ద్వారా కొనుగోలు చేయవచ్చు.

మరో ఫోన్‌ ఎప్పుడు లాంచ్ కానుందంటే?
ఈ ఫోన్‌ గత నెల లోనే చైనాలో అందుబాటులోకి వచ్చింది. దీంతోపాటు వన్‌ప్లస్ ఏస్‌ 6 మోడల్ కూడా లాంచ్‌ అయింది. ఈ ఏస్‌ మోడల్‌ భారత్‌ సహా ఇతర మార్కెట్స్‌ లో వన్‌ప్లస్‌ 15R గా లాంచ్ కానుందని తెలుస్తోంది. 2026 జనవరి నెలలో ఈ ఫోన్‌ అందుబాటులోకి వచ్చే అవకాశం ఉంది.

చైనా వేరియంట్‌ ఆధారంగా వన్‌ప్లస్‌ 15R హ్యాండ్‌సెట్‌ కు సంబంధించిన వివరాలను అంచనా వేయవచ్చు. త్వరలో మరిన్ని వివరాలు వెల్లడయ్యే అవకాశం ఉంది.