రేపే వన్‌ప్లస్‌ 15 స్మార్ట్‌ఫోన్‌ విడుదల.. శక్తివంతమైన చిప్‌సెట్‌, ఆండ్రాయిడ్‌ 16, 7300mAh బ్యాటరీ!

OnePlus 15 Smartphone launch : వన్‌ప్లస్‌ 15 స్మార్ట్‌ఫోన్‌ భారత్ మార్కెట్‌ లో రేపు (నవంబర్ 13 వ తేదీ) 7:00PM గంటలకు విడుదల కానుంది. లాంచ్‌ ఈవెంట్‌ ను వన్‌ప్లస్‌ వెబ్‌సైట్‌, యూట్యూబ్‌ ఛానల్ ద్వారా వీక్షించవచ్చు. ఈ హ్యాండ్‌సెట్‌ భారత్‌ లో స్నాప్‌డ్రాగన్ 8 ఇలైట్‌ జెన్‌ 5 చిప్‌సెట్‌ తో లాంచ్‌ కానుంది. దీంతోపాటు ఈ ఫోన్‌ అనేక వివరాలు వెల్లడయ్యాయి.

సేల్‌ కూడా :
వన్‌ప్లస్ 15 స్మార్ట్‌ఫోన్‌ రేపు విడుదల అయిన అనంతరం 8:00PM (IST) గంటలకు వన్‌ప్లస్‌ వెబ్‌సైట్‌, అమెజాన్‌ ద్వారా సేల్‌ ప్రారంభం కానుంది. కొన్ని రిపోర్టుల ఆధారంగా ఈ హ్యాండ్‌సెట్‌ 12GB ర్యామ్, 256GB స్టోరేజీ వేరియంట్ ధర రూ.72999 గా ఉంటుందని అంచనా వేస్తున్నారు. అయితే మొత్తంగా ఈ ఫోన్ రూ.75 వేల కంటే తక్కువ ధరలోనే విడుదల కానుందని భావిస్తున్నారు.

వన్‌ప్లస్‌ 15 స్మార్ట్‌ఫోన్ డిస్‌ప్లే వివరాలు :
వన్‌ప్లస్‌ 15 స్మార్ట్‌ఫోన్ 6.78 అంగుళాల BOE X3 8T LTPO 1.5K ఫ్లాట్‌ డిస్‌ప్లేను కలిగి ఉంటుందని భావిస్తున్నారు. ఈ డిస్‌ప్లే 165Hz రీఫ్రెష్‌ రేట్‌, 1800 నిట్స్‌ గరిష్ఠ బ్రైట్‌నెస్‌ తో అందుబాటులోకి వచ్చే అవకాశం ఉంది. ఈ ఫోన్‌ 120W వైర్‌, 50W వైర్‌లెస్‌ ఛార్జింగ్ సపోర్టుతో 7300mAh బ్యాటరీతో పనిచేస్తుంది.

శక్తివంతమైన చిప్‌సెట్‌! :
ఈ హ్యాండ్‌సెట్‌ క్వాల్‌కాం స్నాప్‌డ్రాగన్ 8 ఇలైట్‌ జెన్‌ 5 SoC చిప్‌సెట్‌, Adreno 840 GPU ను కూడా కలిగి ఉంటుంది. ఈ ప్రాసెసర్‌ 16GB LPDDR5x ర్యామ్, 512GB UFS 4.1 స్టోరేజీతో జతచేసి ఉంటుంది. ఆండ్రాయిడ్ 16 ఆధారిత OxygenOS 16 పైన పైనిచేస్తుంది.

50MP + 50MP + 50MP కెమెరాలు! :
కెమెరా విభాగం పరంగా ఈ స్మార్ట్‌ఫోన్‌ వెనుక వైపు మూడు కెమెరాలను కలిగి ఉంది. ఇందులో OIS ( ఆప్టికల్‌ ఇమేజ్‌ స్టెబిలైజేషన్‌ ) సపోర్టుతో 50MP ప్రైమరీ కెమెరా, 50MP అల్ట్రావైడ్‌ లెన్స్‌, 50MP పెరిస్కోప్‌ టెలిఫోటో లెన్స్‌ ను కలిగి ఉంటుంది.

8K వీడియో రికార్డింగ్‌ :
ఈ ఫోన్ సెల్ఫీ, వీడియో కాల్స్‌ కోసం 32MP కెమెరాను కలిగి ఉంటుందని తెలుస్తోంది. ఈ సెల్ఫీ కెమెరాతో 4K వీడియోలను రికార్డు చేయవచ్చు. అదే వెనుక వైపు ఉన్న కెమెరాల ద్వారా 30fps వద్ద 8K వీడియోలను రికార్డు చేయవచ్చు. ఈ హ్యాండ్‌సెట్‌ IP66/IP68/69/69K రేటింగ్‌ తో డస్ట్‌, వాటర్ రెసిస్టెంట్‌ గా ఉంది.

కనెక్టివిటీ పరంగా ఈ హ్యాండ్‌సెట్ బ్లూటూత్‌ 5.4, వైఫై 7, NFC వంటి ఫీచర్లను కలిగి ఉండే అవకాశం ఉంది. భద్రత కోసం ఇన్‌-డిస్‌ప్లే అల్ట్రాసోనిక్‌ ఫింగర్‌ ప్రింట్ సెన్సర్‌ ను కలిగి ఉంటుంది. మెరుగైన ఆడియో అవుట్‌పుట్ కోసం డ్యూయల్‌ స్టీరియో స్పీకర్‌లను కలిగి ఉంటుంది. వన్‌ప్లస్ 15R స్మార్ట్‌ఫోన్‌ భారత్‌లో జనవరి 2026 లో విడుదల అయ్యే అవకాశం ఉంది.