వన్‌ప్లస్ 5 కోసం గంటల తరబడి క్యూలైన్‌లలో

    X

    వన్‌ప్లస్ బ్రాండ్ నుంచి లాంచ్ అయిన లేటెస్ట్ ఫ్లాగ్‌షిప్ స్మార్ట్‌ఫోన్ OnePlus 5కు ప్రపంచవ్యాప్తంగా భారీ స్పందన లభిస్తోంది. మార్కెట్లో అనౌన్స్ అయిన రోజు నుంచే ఈ ఫోన్ అందుబాటులో ఉండటంతో అన్ని చోట్లా పాజిటివ్ రివ్యూలు వ్యక్తమవుతున్నాయి. ఈ ఏడాది లాంచ్ అయిన అత్యంత శక్తివంతమైన స్మార్ట్‌ఫోన్‌లలో వన్‌ప్లస్ 5 ఒకటి.

    గిజ్‌బాట్ మరిన్ని అప్‌డేట్స్ ఇక్కడే

    దిగ్గజ ఫోన్‌లకు వన్‌ప్లస్ 5 ధీటైన జవాబు...

    మార్కెట్లో ఇప్పటి వరకు OnePlus ట్రాక్ రికార్డును పరిశీలించినట్లయితే, బడ్జెట్ రేంజ్‌‌లో ఈ బ్రాండ్ ఆఫర్ చేసిన ప్రతి స్మార్ట్‌ఫోన్ అటు స్పెసిఫికేషన్స్ పరంగా ఇటు పనితీరు పరంగా అంచనాలకు మించిన పనితీరును కనబర్చింది. ఈ నేపథ్యంలో వన్‌ప్లస్‌ 5 కూడా అలాంటి అంచనాలతోనే మార్కెట్లో లాంచ్ అయి ప్రభంజనం సృష్టిస్తోంది. ఇప్పటికే మార్కెట్లో లాంచ్ అయిన సామ్‌సంగ్ గెలాక్సీ ఎస్8, ఎస్8+, యాపిల్ ఐఫోన్ ప్లస్ వంటి దిగ్గజ ఫోన్‌లకు వన్‌ప్లస్ 5 ధీటైన జవాబునిచ్చేలా ఉంది.

    దేశవ్యాప్తంగా పాప్-అప్ ఈవెంట్స్

    OnePlus 5 లాంచ్ ఈవెంట్ జూన్ 22న మంబైలో విజయవంతంగా ముగిసిన తరువాత మరో నాలుగు పట్టణాల్లో ఈ ఫోన్‌కు సంబంధించిన పాప్-అప్ ఈవెంట్స్ జరిగాయి. హైదరాబాద్‌తో పాటు ఢిల్లీ, బెంగుళూరు, చెన్నై ప్రాంతాల్లో ఈ pop-up ఈవెంట్స్‌‌ను వన్‌ప్లస్ నిర్వహించింది.

    వేల సంఖ్యలో యూజర్లు ఎగబడ్డారు.

    ఈ pop-up ఈవెంట్‌కు హాజరయ్యే ప్రతిఒక్కరికి ఫోన్‌ను ఎక్స్‌పీరియన్స్ చేయటంతో పాటు కొనుగోలు చేసే అవకాశం ఉంటుందని వన్‌ప్లస్ తెలపటంతో వేల సంఖ్యలో యూజర్లు ఈ ఫోన్‌ను కొనుగోలు చేసేందుకు ఎగబడ్డారు. OnePlus 5ను దక్కించుకునే వీరు గంటల తరబడి లైన్‌లలో నిలుచొని ఉండటం విశేషం.

    అత్యంత శక్తివంతమైన స్మార్ట్‌ఫోన్‌ ‘వన్‌ప్లస్ 5’

    2017లో ఇప్పటి వరకు లాంచ్ అయిన అత్యంత శక్తివంతమైన స్మార్ట్‌ఫోన్‌లలో వన్‌ప్లస్ 5 ఒకటి. ఈ ఫోన్ శక్తివంతమైన Qualcomm Snapdragon 835 SoCతో వస్తోంది. సరిగ్గా ఇలాంటి చిప్‌సెట్‌నే గెలాక్సీ ఎస్8, ఎస్8+ ఫోన్‌లలో సామ్‌సంగ్ వినియోగించింది. సామ్‌సంగ్ ఈ ఫోన్‌లను 4జీబి ర్యామ్‌తో ఆఫర్ చేయగా, వన్‌ప్లస్ మాత్రం 6జీబి, 8జీబి వర్షన్‌లలో తన వన్‌ప్లస్ 5 ఫోన్‌ను రంగంలోకి దింపింది. ఈ ఫోన్ ధర కూడా రూ.38,000లోపే ఉండటం విశేషం.

    మార్కెట్లో ఓ ట్రెండ్ సెట్టర్‌..

    వన్‌ప్లస్ 5 స్మార్ట్‌ఫోన్‌కు భారీ డిమాండ్ నెలకున్న నేపథ్యంలో ఆ కంపెనీ సీఈఓ Pete Lau హర్షం వ్యక్తం చేస్తున్నారు. ఐఫోన్‌లను విక్రయించే క్రమంలో యాపిల్ కంపెనీ అనుసరించే వ్యూహాలనే వన్‌ప్లస్ కూడా అనుసరించటం విశేషం. 'Never Settle' ట్యాగ్‌లైన్‌తో లాంచ్ అయిన వన్‌ప్లస్ 5 విప్లవాత్మక ఫీచర్లతో మార్కెట్లో ఓ ట్రెండ్ సెట్టర్‌గా నిలిచింది.

    వీళ్లు యాపిల్ బాయ్స్ కాదు వన్‌ప్లస్ ఫ్యాన్స్..

    OnePlus 5 స్మార్ట్‌ఫోన్‌ను సొంతం చేసుకునేందుకు వన్‌ప్లస్ స్టోర్ వద్ద బారులు తీరిన అభిమానులు. వన్‌ప్లస్ 5 స్మార్ట్ ఫోన్ ప్రస్తుతం అమెజాన్.ఇన్ అలానే వన్‌ప్లస్ స్టోర్‌లలో ఓపెన్ సేల్ పై దొరుకుతోంది. 

    OnePlus 5 మరింత స్లిమ్‌..

    వన్‌ప్లస్ బ్రాండ్ నుంచి ఇప్పటి వరకు రిలీజ్ అయిన అన్ని వన్‌ప్లస్ ఫోన్‌లలో కల్లా OnePlus 5 మరింత స్లిమ్‌గా కనిపిస్తోంది. ఈ ఫోన్ మందం 7.25 మిల్లీ మీటర్లు. బరువు 153 గ్రాములు. చుట్టుకొలతలు 154.2 x 74.1 x 7.25 మిల్లీ మీటర్లు. ప్రత్యేకమైన అల్యూమినియమ్ యునిబాడి డిజైన్‌తో వన్‌ప్లస్ 5 వస్తోంది. డిస్‌ప్లే విషయానికి వచ్చేసరికి OnePlus 5 స్మార్ట్‌ఫోన్ 5.5 అంగుళాల ఫుల్ హైడెఫినిషన్ ఆప్టిక్ అమోల్డ్ డిస్‌ప్లే (1920 x 1080పిక్సల్స్)తో వస్తోంది. 2.5డి కార్నింగ్ గొరిల్లా గ్లాస్ 5 ప్రొటెక్షన్ డిస్ ప్లేకు రక్షణ కవచంలా నిలుస్తుంది.

    ప్రాసెసర్, ర్యామ్, స్టోరేజ్

    OnePlus 5 స్మార్ట్‌ఫోన్, 2.45Ghz క్లాక్ స్పీడును కలిగిన శక్తివంతమైన Qualcomm Snapdragon 835 ప్రాసెసర్‌తో వస్తోంది. గ్రాఫిక్ విభాగాన్ని మరింత బలోపేతం చేసేందుకు అడ్రినో 540 గ్రాఫిక్ ప్రాసెసర్‌ను వినియోగించారు. ర్యామ్ ఇంకా స్టోరేజ్ అంశాలను పరిశీలించినట్లయితే OnePlus 5 స్మార్ట్‌ఫోన్ రెండు వేరియంట్ లలో అందుబాటులో ఉంటుంది. మొదటి వేరియంట్ వచ్చేసరికి 6జీబి ర్యామ్ + 64జీబి స్టోరేజ్ కెపాసిటీతో దొరుకుతుంది. రెండవ వేరియంట్ వచ్చేసరికి 8జీబి ర్యామ్ + 128జీబి స్టోరేజ్ కెపాసిటీతో దొరుకుతుంది.

    సాఫ్ట్‌వేర్, కెమెరా

    సాఫ్ట్‌వేర్ విషయానికి వచ్చేసరికి ఆండ్రాయిడ్ 7.1.1 నౌగట్ ఆధారంగా డిజైన్ చేసిన లేటెస్ట్ వర్షన్ ఆక్సిజన్ ఆపరేటింగ్ సిస్ం పై OnePlus 5 స్మార్ట్‌ఫోన్ రన్ అవుతుంది. OnePlus 5 స్మార్ట్‌ఫోన్‌కు కెమెరా ప్రధాన హైలైట్. ఫోన్ వెనుక భాగంలో ఏర్పాటు చేసిన డ్యుయల్ కెమెరా సెటప్ 16 మెగా పిక్సల్ + 20 మెగా పిక్సల్ కాంభినేషన్ లో రెండు కెమెరాలను కలిగి ఉంటుంది. 16 మెగా పిక్సల్ కెమెరాను సోనీ IMX398 సెన్సార్ తో తీర్చిదిద్దగా, 20 మెగా పిక్సల్ టెలీఫోటో కెమెరాను సోనీ IMX350 సెన్సార్‌తో తీర్చిదిద్దారు. ఐఫోన్ 7 ప్లస్ తరహాలో ఈ కెమెరా 'bokeh' ఎఫెక్ట్స్‌ను ఆఫర్ చేస్తుంది. ఈ కెమెరా వన్‌ప్లస్ 3టీతో పోలిస్తే వేగవంతమైన ఆటో‌ఫోకస్‌ను అందింగలదని కంపెనీ చెబుతోంది. ఈ డ్యుయల్ ఎల్ఈడి ఫ్లాష్ మాడ్యుల్ ద్వారా 4కే క్వాలిటీ వీడియోలను రికార్డ్ చేసుకునే వీలుంటుంది. ఫోన్ ముందు భాగంలో అమర్చిన 16 మెగా పిక్సల్ కెమెరా ద్వారా హైక్వాలిటీ సెల్ఫీలతో పాటు వీడియో కాలింగ్‌ను ఆస్వాదించే వీలుంటుంది.

    Dash Charging

    వన్‌ప్లస్ 5 స్మార్ట్‌ఫోన్ 3300mAh బ్యాటరీతో వస్తోంది. Dash Chargingను ఈ బ్యాటరీ సపోర్ట్ చేస్తుంది. ఈ టెక్నాలజీతో ఫోన్‌ను ఒక గంటసేపు ఛార్జ్ చేస్తే చాలు రోజంతా వాడుకోవచ్చు.

    గిజ్‌బాట్ మరిన్ని అప్‌డేట్స్ ఇక్కడే

    English summary
    OnePlus 5: From being a flagship killer to a true flagship. Read More in Telugu Gizbot...
    Opinion Poll

    ఇన్స్టెంట్ న్యూస్ అప్డేట్స్ రోజుంతా పొందండి - Telugu Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more