హైదరాబాద్‌లో OnePlus 5 ఈవెంట్, అక్కడే కొనుగోలు చేసే అవకాశం

హైదరాబాద్‌తో పాటు...

హైదరాబాద్‌తో పాటు ఢిల్లీ, బెంగుళూరు, చెన్నై ప్రాంతాల్లో ఈ pop-up ఈవెంట్స్‌‌ను నిర్వహించబోతోన్నట్లు వన్‌ప్లస్ తెలిపింది. ఈ pop-up ఈవెంట్‌కు హాజరయ్యే ప్రతిఒక్కరికి ఫోన్‌ను ఎక్స్‌పీరియన్స్ చేయటంతో పాటు కొనుగోలు చేసే అవకాశం ఉంటుందని, అయితే లిమిటెడ్ స్టాక్‌లోనే ఫోన్ అందుబాటులో ఉంటాయని వన్‌ప్లస్ తెలిపింది. కాబట్టి మీరు ముందు వరసలో ఉన్నట్లయితే ఫోన్ మీకు ఖచ్చితంగా లభిస్తుంది.

ఢిల్లీలో జూన్ 23న...

వన్‌ప్లస్ 5 pop-up ఈవెంట్ ఢిల్లీలో జూన్ 23న జరుగుతుంది. మధ్యాహ్నం ఒంటి గంట నుంచి రాత్రి 9 గంటల వరకు ఈవెంట్ అందుబాటులో ఉంటుంది. ఈ కార్యక్రమంలో పాల్గొనాలనుకునే వారు https://oneplusstore.in/popup2017 లింక్‌లోకి వెళ్లి పూర్తి వివరాలను తెలుసుకోవచ్చు.

బెంగుళూరు, హైదరాబాద్, చెన్నై నగరాల్లో జూన్ 24న...

బెంగుళూరు, హైదరాబాద్, చెన్నై నగరాల్లో వన్‌ప్లస్ 5 pop-up ఈవెంట్‌ను జూన్ 24న నిర్వహిస్తారు. బెంగుళూరులో ఈ pop-up ఈవెంట్ మధ్యాహ్నం 12.30 నిమిషాల నుంచి రాత్రి 10 గంటల వరకు అందుబాటులో ఉంటుంది. హైదరాబాద్ ఇంకా చెన్నై నగరాల్లో మధ్యాహ్నం 3 గంటల నుంచి రాత్రి 9 గంటలకు వరకు ఈవెంట్ అందుబాటులో ఉంటుంది. ఈ కార్యక్రమంలో పాల్గొనాలనుకునే వారు https://oneplusstore.in/popup2017 లింక్‌లోకి వెళ్లి పూర్తి వివరాలను తెలుసుకోవచ్చు.

జూన్ 20న అంతర్జాతీయ మార్కెట్లో, జూన్ 22న ఇండియన్ మార్కెట్లో...

OnePlus 5 స్మార్ట్ ఫోన్ జూన్ 20న అంతర్జాతీయ మార్కెట్లో జూన్ 22న ఇండియన్ మార్కెట్లో లాంచ్ అవుతోన్న విషయం తెలిసిందే. అమెజాన్ ఇండియాలో మాత్రమే ఎక్స్‌క్లూజివ్‌గా లభించే ఈ ఫోన్‌ రెండు వేరియంట్ లలో ఉంటుందని సమచారం.

ధరలు ఈ విధంగా ఉండొచ్చు...

6జీబి ర్యామ్ + 64జీబి స్టోరేజ్‌తో వచ్చే వన్‌ప్లస్ 5 మోడల్ ధర రూ.32,999 గాను, 8జీబి ర్యామ్ +128జీబి స్టోరేజ్‌తో వచ్చే వన్‌ప్లస్ 5 మోడల్ ధర రూ.37,999గాను ఉండొచ్చని సమాచారం. శక్తివంతమైన క్వాల్కమ్ స్నాప్‌డ్రాగన్ 835 ప్రాసెసర్‌తో పాటు 23 మెగా పిక్సల్ రేర్ ఫేసింగ్ డ్యుయల్ సెటప్ కెమెరా, 16 మెగా పిక్సల్ ఫ్రంట్ ఫేసింగ్ కెమెరాలు వన్‌ప్లస్5 ఫోన్‌లో ఉండొచ్చని తెలుస్తోంది.