ఈ OnePlus 5G స్మార్ట్‌ఫోన్‌ కొనుగోలు చేసేందుకు ఇదే సరైన సమయం.. ఏకంగా రూ.4000 డిస్కౌంట్‌!

వన్‌ప్లస్‌ గత సంవత్సరం జులైలో మిడ్‌ రేంజ్ ధరలో వన్‌ప్లస్‌ నార్డ్‌ 4 స్మా్ర్ట్‌ఫోన్‌ను (Oneplus Nord 4 Smartphone) లాంచ్‌ చేసింది. ఈ హ్యాండ్‌సెట్‌ ను ప్రస్తుతం రూ.4,000 డిస్కౌంట్ ధరతో కొనుగోలు చేయవచ్చు. ఈ స్మార్ట్‌ఫోన్‌ 100W ఛార్జింగ్ సపోర్టుతో 5500mAh బ్యాటరీ, 6.74 అంగుళాల డిస్‌ప్లే, 50MP కెమెరాను కలిగి ఉంది. వన్‌ప్లస్‌ ఇండియా అధికారిక వెబ్‌సైట్‌, ప్రముఖ ఇ-కామర్స్ ప్లాట్‌ఫాం అమెజాన్‌లో ఈ స్మార్ట్‌ఫోన్‌ను డిస్కౌంట్‌ ధరకు సొంతం చేసుకోవచ్చు. ఈ హ్యాండ్‌సెట్‌ స్పెసిఫికేషన్‌లు, ఫీచర్‌ల పూర్తి వివరాలు.

వన్‌ప్లస్‌ వన్‌ప్లస్‌ నార్డ్‌ 4 స్మార్ట్‌ఫోన్‌ విడుదల సమయంలో 8GB ర్యామ్ + 128GB స్టోరేజీ, 8GB ర్యామ్ + 256GB స్టోరేజీ, 12GB ర్యామ్ + 256GB స్టోరేజీ వేరియంట్స్‌లో అందుబాటులోకి వచ్చింది. అయితే ప్రస్తుతం 256GB స్టోరేజీ వేరియంట్స్‌పై రూ.4000 తగ్గింపును అందిస్తోంది.

లాంచ్ సమయంలో 8GB ర్యామ్ + 256GB స్టోరేజీ వేరియంట్ ధర రూ.32,999 గా ఉండేది. ప్రస్తుతం రూ.28,999 గా ఉంది. ICICI, RBL, వన్‌కార్డ్‌ కార్డులపై రూ.4000 డిస్కౌంట్‌ను పొందవచ్చు. ఫలితంగా ఈ ఫోన్‌ను రూ.24,999 కే సొంతం చేసుకోవచ్చు.

విడుదల సమయంలో 12GB ర్యామ్ + 256GB స్టోరేజీ వేరియంట్‌ ధర రూ.35999 గా ఉండేది. ప్రస్తుత ధర రూ.31,999 గా ఉంది. బ్యాంకు ఆఫర్‌లతో రూ.4000 డిస్కౌంట్‌ను పొందవచ్చు. ఫలితంగా ఈ వన్‌ప్లస్‌ 12GB ర్యామ్‌ వేరియంట్‌ను రూ.27,999 కే సొంతం చేసుకోవచ్చు. ఒయాసిస్ గ్రీన్‌, అబ్సిడియన్ మిడ్‌నైట్‌, మెర్య్కురియల్‌ సిల్వర్‌ రంగుల్లో లభిస్తుంది.

వన్‌ప్లస్‌ నార్డ్‌ 4 స్మార్ట్‌ఫోన్‌ స్పెసిఫికేషన్‌లు, ఫీచర్‌లు :
వన్‌ప్లస్‌ నార్డ్‌ 4 స్మార్ట్‌ఫోన్‌ హ్యాండ్‌సెట్ 120Hz రీఫ్రెష్‌ రేట్‌తో 6.74 అంగుళాల (1240*2772 పిక్సల్స్‌) 1.5k అమోలెడ్‌ డిస్‌ప్లేను కలిగి ఉంది. ఆక్టా కోర్ స్నాప్‌డ్రాగన్‌ 7+ జెన్‌ 3 SoC ప్రాసెసర్‌ తో పనిచేస్తుంది. ఈ చిప్‌సెట్‌ Adreno 732 GPU మరియు 8GB LPDDR5X ర్యామ్, 256GB UFS 4.0 స్టోరేజీతో జతచేసి ఉంది.

ఈ ఫోన్‌ ఆండ్రాయిడ్ 14 ఆధారిత OxygenOS 14 ను కలిగి ఉంది. 4 ఆండ్రాయిడ్‌ OS అప్‌డేట్‌లు, ఆరు సంవత్సరాలపాటు సెక్యూరిటీ అప్‌డేట్‌లను అందిస్తామని వన్‌ప్లస్‌ తెలిపింది. 100W Supervooc ఫాస్ట్‌ ఛార్జింగ్‌ సపోర్టుతో 5500mAh బ్యాటరీని కలిగి ఉంది. కేవలం 28 నిమిషాల్లోనే ఫుల్‌ ఛార్జింగ్‌ ఈ ఫోన్ ప్రత్యేకతని వన్‌ప్లస్‌ తెలిపింది.

ఈ స్మార్ట్‌ఫోన్‌ వెనుక వైపు డ్యూయల్‌ కెమెరాలను కలిగి ఉంది. 50MP సోనీ LYT600 ప్రైమరీ కెమెరా, 8MP అల్ట్రావైడ్‌ లెన్స్‌ మరియు 16MP సెల్ఫీ కెమెరాతో అందుబాటులో ఉంది. ఈ ఫోన్ ప్రైమరీ కెమెరా OIS (ఆప్టికల్‌ ఇమేజ్ స్టెబిలైజేషన్‌), EIS (ఎలక్ట్రానిక్ ఇమేజ్ స్టెబిలైజేషన్‌) ఫీచర్‌ల సపోర్టును కలిగి ఉంది. 5G, 4G LTE, Wifi 5.4, బ్లూటూత్ 5.4, GPS, NFC వంటి కనెక్టివిటీ ఫీచర్‌లను కలిగి ఉంది.