OnePlus Nord 6 vs Vivo V70 FE.. ఏది కొంటే మీ డబ్బులకు న్యాయం..?

భారత మార్కెట్లో ఈరోజు రాత్రి 7 గంటలకు OnePlus Nord 6 గ్రాండ్‌గా లాంచ్ కాబోతోంది. అప్పుడే మార్కెట్లోకి వచ్చిన Vivo V70 FEతో దీనికి గట్టి పోటీ ఎదురవుతోంది. కెమెరా క్వాలిటీ, బ్యాటరీ లైఫ్, స్పీడ్.. ఇలా ప్రతి విషయంలోనూ ఈ రెండు మిడ్-రేంజ్ ఫోన్లు నువ్వా-నేనా అన్నట్టు తలపడుతున్నాయి. అదిరిపోయే ఫీచర్లు, ఆకర్షణీయమైన ధరలతో మార్కెట్‌ను శాసించాలని ఈ రెండు స్మార్ట్‌ఫోన్లు చూస్తున్నాయి.

స్టైలిష్ లుక్స్‌తో Vivo V70 FE ఇప్పటికే అందరినీ ఆకట్టుకుంటోంది. మరోవైపు OnePlus కొత్త ఫోన్‌పై భారీ అంచనాలు ఉన్నాయి. మరి ఇప్పుడే Vivo ఫోన్ కొనేయాలా? లేక రాత్రి వరకు ఆగి OnePlus కోసం వెయిట్ చేయాలా? అని యూజర్లు ఆలోచిస్తున్నారు. మీకు కెమెరా ముఖ్యమా లేక సాఫ్ట్‌వేర్ స్పీడ్ కావాలా అనే దానిపైనే మీ ఛాయిస్ ఆధారపడి ఉంటుంది.

Vivo V70 FE vs OnePlus Nord 6: ఫీచర్లు ఎలా ఉన్నాయంటే?

టెక్ ప్రియులు ఎప్పుడూ పర్ఫార్మెన్స్‌కే ప్రాధాన్యత ఇస్తారు. Nord 6లో హై-స్పీడ్ టాస్క్‌ల కోసం పవర్‌ఫుల్ చిప్‌సెట్‌ను వాడారు. ముఖ్యంగా గేమింగ్ ఆడేటప్పుడు ఫోన్ వేడెక్కకుండా ఉండేలా మెరుగైన థర్మల్ కంట్రోల్‌ను ఇందులో అందించారు. ఎక్కువ సేపు ఫోన్ వాడినా పర్ఫార్మెన్స్ తగ్గకుండా ఇది చూసుకుంటుంది.

ఇక కెమెరా విషయానికి వస్తే.. Vivo ఎప్పుడూ పోర్ట్రెయిట్ ఫోటోగ్రఫీ, లో-లైట్ క్వాలిటీపైనే ఫోకస్ చేస్తుంది. V70 FE మోడల్‌లో షార్ప్ ఇమేజెస్ కోసం స్మార్ట్ సెన్సార్లను వాడారు. దీనికి పోటీగా OnePlus నేచురల్ కలర్ ప్రాసెసింగ్, ఫాస్ట్ ఫోకస్‌తో ముందుకొస్తోంది. మిడ్-రేంజ్ ఫోన్లలో బెస్ట్ కెమెరా ఎక్స్‌పీరియన్స్ ఇచ్చేందుకు రెండు బ్రాండ్లు గట్టిగానే ప్రయత్నిస్తున్నాయి.

బిజీగా ఉండే వారికి ఛార్జింగ్ స్పీడ్ చాలా ముఖ్యం. Nord 6లో హై-వాటేజ్ ఛార్జింగ్‌తో ఫోన్ చిటికెలో ఫుల్ అవుతుంది. అయితే, Vivo ఫోన్ మాత్రం చాలా స్లిమ్‌గా, మోడ్రన్ లుక్‌తో చేతిలో ఇమిడిపోతుంది. ఇండియన్ యూజర్ల కోసం రెండు కంపెనీలు బాక్స్‌లోనే ఫాస్ట్ ఛార్జర్‌ను అందిస్తున్నాయి.

రోజువారీ వాడకానికి ఈ రెండు ఫోన్లు చాలా నమ్మదగ్గవి. మీకు స్పీడ్, క్లీన్ సాఫ్ట్‌వేర్ కావాలంటే Nord 6 బెస్ట్ ఆప్షన్. అలా కాకుండా అద్భుతమైన పోర్ట్రెయిట్ షాట్స్ కావాలనుకుంటే Vivo V70 FE వైపు మొగ్గు చూపవచ్చు. మొత్తానికి ఈ పోటీ వల్ల ఇండియన్ కస్టమర్లకు తమ బడ్జెట్‌లో బెస్ట్ ఫోన్ ఎంచుకునే అవకాశం దక్కుతోంది.