ఒప్పో ఫైండ్ X10 ఇండియా లాంచ్ కన్ఫర్మ్.. 200MP కెమెరా, భారీ బ్యాటరీతో అదరగొట్టే ఫీచర్లు!

OPPO Find X10 ఇండియా లాంచ్ డేట్ కన్ఫర్మ్ అయింది! అక్టోబర్ 22న సాయంత్రం 4:45 గంటలకు ఒప్పో అధికారిక ఛానెళ్ల ద్వారా ఈ ఈవెంట్ లైవ్ స్ట్రీమ్ కానుంది. హాసెల్‌బ్లాడ్ బ్రాండింగ్, అబ్బురపరిచే 200-మెగాపిక్సెల్ సెన్సార్లతో రానున్న ఈ కెమెరా సెంట్రిక్ ఫ్లాగ్‌షిప్ ఫోన్‌పై భారీ అంచనాలు ఉన్నాయి. సరిగ్గా పండుగ సేల్స్ సీజన్‌లో ఈ ఫోన్ లాంచ్ అవుతుండటంతో, షాపింగ్ కార్ట్‌లో ఉన్న ఫోన్‌ను ఇప్పుడే కొనేయాలా లేదా ఈ లాంచ్ వరకు వేచి చూడాలా అని చాలామంది ఆలోచనలో పడ్డారు.

ఒప్పో ఇండియా వెబ్‌సైట్‌లో ఇప్పటికే 'ప్రీ-హీట్' ప్రచారం నడుస్తోంది. అక్టోబర్ 22న సాయంత్రం 5:00 గంటల వరకు సాగే ఈ క్యాంపెయిన్‌లో "Notify Me" ఆప్షన్‌తో పాటు ఈకోసిస్టమ్ కూపన్లను అందిస్తున్నారు. కేవలం ₹9లకే లభించే 'ప్రివిలేజ్ ప్యాక్' ద్వారా లిమిటెడ్ ఎడిషన్ ప్రీమియం గిఫ్ట్ బాక్స్, ఎన్‌కో X4 కూపన్‌తో పాటు పలు యాక్సెసరీలపై డిస్కౌంట్లు అందుకోచ్చు. తొలిసారి కొనుగోలు చేసే వారి కోసం ఆఫర్లు సిద్ధంగా ఉన్నాయని, లైవ్ స్ట్రీమ్ ముగిసిన వెంటనే ప్రీ-ఆర్డర్లు ప్రారంభమవుతాయని ఇది సూచిస్తోంది.

ఒప్పో ఫైండ్ X10 ఇండియా లాంచ్: ట్రిపుల్ 200MP కెమెరాలు.. హాసెల్‌బ్లాడ్ మ్యాజిక్!

ఈ సిరీస్‌లోని 'ప్రో మ్యాక్స్' మోడల్ ప్రపంచంలోనే తొలిసారిగా ట్రిపుల్ 200-మెగాపిక్సెల్ రియర్ కెమెరా సెటప్‌తో రానుందని ప్రచారం జరుగుతోంది. ఇక స్టాండర్డ్ ఫైండ్ X10 వేరియంట్ డ్యూయల్ 200-మెగాపిక్సెల్ సెన్సార్లతో పాటు 50-మెగాపిక్సెల్ కెమెరాతో రానుంది. హాసెల్‌బ్లాడ్ కలర్ ట్యూనింగ్, ప్రో కంట్రోల్స్ వల్ల కంటెంట్ క్రియేటర్లకు, క్వాలిటీ ఫోటోలు కోరుకునే వారికి ఇది బెస్ట్ ఆప్షన్‌ కానుంది. అంతర్జాతీయ టెక్ సమాచారం ప్రకారం కూడా ఈ కెమెరా వివరాలు నిజమేనని తెలుస్తోంది.

ఒప్పో ఫైండ్ X10: ప్రాసెసర్, ఛార్జింగ్ స్పెసిఫికేషన్లు

లీకైన వివరాల ప్రకారం.. ఈ సిరీస్ ఫోన్లలో మీడియాటెక్ డైమెన్సిటీ 9600-సిరీస్ ప్రాసెసర్‌తో పాటు భారీ 8,000 mAh బ్యాటరీ ఉండనుంది. అంతేకాకుండా 80W వైర్డ్, 50W వైర్‌లెస్ ఛార్జింగ్ సపోర్ట్ లభించనుందని నివేదికలు చెబుతున్నాయి. హెవీ గేమింగ్ చేసేవారికి ఇది మెరుగైన పెర్ఫార్మెన్స్ ఇస్తుంది. అయితే ఇండియన్ వేరియంట్లకు సంబంధించి ఛార్జింగ్ స్పీడ్‌తో పాటు ఇతర ఫీచర్ల పూర్తి వివరాలు ఈవెంట్ లేదా రివ్యూల తర్వాతే స్పష్టమవుతాయి. ప్రీ-ఆర్డర్ చేసేముందు ఈ విషయాన్ని గమనించడం మంచిది.

ఒప్పో ఫైండ్ X10 మోడళ్లు, కలర్స్, ధరల వివరాలు

లిస్టింగ్స్ వివరాల ప్రకారం ఫైండ్ X10 ఫోన్ 12GB/256GB, 16GB/512GB వేరియంట్లలో రానుండగా.. ప్రో మ్యాక్స్ మోడల్ కొన్ని ప్రాంతాల్లో 1TB స్టోరేజ్ వరకు అందుబాటులోకి రానుంది. ఇవి లైట్ టైటానియం, మూన్ వైట్, వార్మ్ ఆరెంజ్ కలర్ ఆప్షన్లలో లభించనున్నాయి. ఈ ఫోన్ 'CPH2911' మోడల్ నంబర్‌తో బిఐఎస్ (BIS) నిబంధనల జాబితాలోనూ కనిపించింది. లీక్ అయిన రిటైల్ లేబుల్స్ ఆధారంగా ఫైండ్ X10 ప్రారంభ ధర (MRP) సుమారు ₹1,29,999 ఉండవచ్చని, ప్రో మ్యాక్స్ ధర అంతకంటే ఎక్కువగానే ఉంటుందని అంచనా. అయితే బ్యాంక్, బండిల్ ఆఫర్లతో ధరకు మరింత వెసులుబాటు లభిస్తుంది. ధర తగ్గే వరకు ఆగాలనుకునేవారు మరో 48 గంటలు వేచి చూడవచ్చు.. లేదంటే ప్రీ-ఆర్డర్‌కి సిద్ధమవ్వచ్చు.