50MP + 50MP + 50MP+ 50MP కెమెరాలు, 80W ఛార్జింగ్‌ సపోర్టుతో OPPO 5G స్మార్ట్‌ఫోన్‌ విడుదల..! !

Updated: Thursday, November 21, 2024, 17:03 [IST]

ప్రముఖ స్మార్ట్‌ఫోన్‌ల తయారీ సంస్థ ఒప్పో నుంచి భారత్‌ మార్కెట్‌లోకి ఇవాళ ఒప్పో ఫైండ్‌ X8 సిరీస్‌ (OPPO Find X8 Series Smartphone) విడుదల అయింది. ఈ సిరీస్‌లో భాగంగా ఒప్పో ఫైండ్‌ X8 మరియు ఒప్పో ఫైండ్‌ X8 ప్రో స్మార్ట్‌ఫోన్‌లు అందుబాటులోకి వచ్చాయి. ఈ సిరీస్‌ ఆండ్రాయిడ్‌ 15 ఆధారిత colorOS 15 Skin తో పనిచేస్తుంది. ఈ సిరీస్‌లో కెమెరాల విభాగానికి అధిక ప్రాధాన్యత ఇచ్చారు.

ఒప్పో ఫైండ్‌ X8 స్మార్ట్‌ఫోన్ స్పెసిఫికేషన్‌లు, ఫీచర్‌లు :
ఈ స్మార్ట్‌ఫోన్‌ 6.59 అంగుళాల LTPO అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 120Hz రీఫ్రెష్‌ రేట్‌, 4500 నిట్స్‌ బ్రైట్‌నెస్‌, 460 ppi పిక్సల్ డెన్సిటీ, 1256*2760 పిక్సల్స్‌ రిజల్యూషన్‌తో అందుబాటులోకి వచ్చింది. 80W సూపర్‌వూక్, 50W ఎయిర్‌వూక్‌, 10W రివర్స్‌ వైర్‌లెస్‌ ఛార్జింగ్‌ సపోర్టుతో 5630mAh సిలికాన్‌ కార్బన్‌ బ్యాటరీతో పనిచేస్తుంది.

Oppo Find X8 Series Smartphones launched in india

ఈ హ్యాండ్‌సెట్ (Oppo Find X8 Smartphone) వెనుక వైపు ట్రిపుల్‌ కెమెరాలను కలిగి ఉంది. f/1.8 అపేచర్‌దో 50MP సోనీ LYT-700 కెమెరా, f/2.0 అపేచర్‌, 120 డిగ్రీల ఫీల్డ్‌ వ్యూతో 50MP అల్ట్రావైడ్‌ కెమెరా, f/2.6 అపేచర్‌, 3x ఆప్టికల్‌ జూమ్‌తో 50MP సోనీ LYT-600 పెరిస్కోప్‌ కెమెరాలను కలిగి ఉంది. మరియు 32MP సెల్ఫీ కెమెరాలతో అందుబాటులో ఉంది.

8️⃣ reasons to be excited for the #OPPOFindX8.#OPPOFindX8Series #OPPOAIPhone pic.twitter.com/V2GV0M0w2s
— OPPO (@oppo) November 21, 2024

ఒప్పో ఫైండ్‌ X8 ప్రో స్మార్ట్‌ఫోన్‌ స్పెసిఫికేషన్‌లు, ఫీచర్‌లు :
ఈ హ్యాండ్‌సెట్‌ (Oppo Find X8 Pro Smartphone) 6.78 అంగుళాల LTPO అమోలెడ్‌ డిస్‌ప్లేను కలిగి ఉంది. 120Hz రీఫ్రెష్‌ రేట్‌, 4500 నిట్స్‌ బ్రైట్‌నెస్‌, 450 ppi పిక్సల్ డెన్సిటీ, 1264*2780 పిక్సల్స్‌ రిజల్యూషన్‌తో విడుదల అయింది.

ఒప్పో ఫైండ్‌ X8 ప్రో మోడల్‌ వెనుకవైపు క్వాడ్‌ కెమెరాలను కలిగి ఉంది. f/1.6 అపేచర్‌తో 50MP సోనీ LYT-808 కెమెరా, f/2.0 అపేచర్‌ తోపాటు 120 డిగ్రీల ఫీల్డ్‌ వ్యూతో 50MP అల్ట్రావైడ్‌ కెమెరా, f/2.6 అపేచర్‌తోపాటు 3x ఆప్టికల్‌ జూమ్‌ తో 50MP సోనీ LTY-600 ను కలిగి ఉంది.

All you need to know about the #OPPOFindX8Pro 👇#OPPOFindX8Series #OPPOAIPhone pic.twitter.com/q4WWqzs1eI
— OPPO (@oppo) November 21, 2024

మరియు f/4.3 అపేచర్‌తోపాటు 6x ఆప్టికల్‌ జూమ్‌ సపోర్టుతో 50MP సోనీ IMX858 పెరిస్కోప్‌ టెలిఫొటో కెమెరాను అమర్చారు. దీంతోపాటు సెల్ఫీ, వీడియో కాల్స్ కోసం 32MP కెమెరాను అమర్చి ఉంటుంది. ఈ ప్రో మోడల్‌ 80W సూపర్‌వూక్, 50W ఎయిర్‌వూక్‌, 10W రివర్స్‌ వైర్‌లెస్‌ ఛార్జింగ్‌ సపోర్టుతో 5910mAh బ్యాటరీతో పనిచేస్తుంది.

ఈ రెండు స్మార్ట్‌ఫోన్‌లు 3nm మీడియాటెక్‌ ఆక్టా కోర్‌ డైమెన్సిటీ 9400 చిప్‌సెట్‌ ను కలిగి ఉన్నాయి. ఈ చిప్‌సెట్‌ 16GB LPDDR5X ర్యామ్‌ మరియు 512GB UFS 4.0 స్టోరేజీతో జతచేసి ఉంది. ఆండ్రాయిడ్‌ 15 ఆధారిత ColorOS 15 తో పనిచేస్తుంది. ఆరు సంవత్సరాలపాటు ఆండ్రాయిడ్‌, సెక్యూరిటీ అప్‌డేట్‌లను పొందవచ్చని ఒప్పో చెబుతోంది.

ఈ ఒప్పో ఫైండ్‌ X8 సిరీస్‌ స్మార్ట్‌ఫోన్‌లు IP68/IP69 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంది. 5G. 4G LTE, బ్లూటూత్‌ 5.4, వైఫై 7, GPS, NFC, USB-C ఛార్జింగ్‌ పోర్టు వంటి కనెక్టివిటీ ఫీచర్‌లను కలిగి ఉంది. గైరోస్కోప్‌, యాక్సెలిరో మీటర్‌, మాగ్నటోమీటర్‌, యాంబియంట్‌ లైట్‌ సెన్సార్‌, ప్రాక్సిమిటీ సెన్సార్‌ తో అందుబాటులో ఉంది.

ఒప్పో ఫైండ్‌ X8 సిరీస్‌ ధర, సేల్‌ వివరాలు :
ఒప్పో ఫైండ్‌ X8 స్మార్ట్‌ఫోన్ 12GB ర్యామ్‌ + 256GB స్టోరేజీ వేరియంట్‌ ధర రూ.69,999 గా ఉంది. అదే 16GB ర్యామ్ + 512GB స్టోరేజీ వేరియంట్ ధర రూ.79,999 గా ఉంది. స్పేస్‌ బ్లాక్‌, స్టార్‌ గ్రే రంగుల్లో లభిస్తుంది. ప్రో మోడల్‌ 16GB ర్యామ్ + 512GB స్టోరేజీ వేరియంట్‌ ధర రూ.99,999 గా ఉంది. పెర్ల్‌ వైట్‌, స్పేస్‌ బ్లాక్ రంగుల్లో లభిస్తుంది.

భారత్‌ మార్కెట్‌లో ఒప్పో ఫైండ్‌ X8 సిరీస్‌ సేల్ డిసెంబర్‌ 3 నుంచి ప్రారంభం కానుంది. ఒప్పో ఇ-స్టోర్‌, ఫ్లిప్‌కార్ట్‌ ఇతర రిటైల్‌ స్టోర్‌ల ద్వారా కొనుగోలు చేయవచ్చని ఒప్పో తెలిపింది. భద్రత కోసం ఈ స్మార్ట్‌ఫోన్‌ ఆప్టికల్‌ ఫింగర్ ప్రింట్‌ స్కానర్, IR (ఇన్‌ఫ్రారెడ్ ట్రాన్సిమీటర్‌) ను కలిగి ఉంది.