Oppo K12x 5G ఫోన్ ఇండియాలో లాంచ్ అయింది! ధర రూ.12999 , స్పెసిఫికేషన్లు

Oppo సంస్థ ఇంతకు ముందు ప్రకటించినట్లుగానే ఈ రోజు సోమవారం Oppo K12x 5G ఫోన్ ని భారతదేశంలో లాంచ్ చేసింది. ఈ స్మార్ట్‌ఫోన్‌ 8GB వరకు RAM తో మీడియా టెక్ డైమెన్సిటీ 6300 చిప్‌సెట్ ద్వారా శక్తిని పొందుతుంది. మిలిటరీ-గ్రేడ్ MIL-STD-810H సర్టిఫికేషన్‌తో ఈ బడ్జెట్ సెగ్మెంట్‌లో మొట్ట మొదటి ఫోన్ ఇది అని క్లెయిమ్ చేయబడింది.

ఇది 360-డిగ్రీల డ్యామేజీ-ప్రూఫ్ ఆర్మర్ బాడీని కలిగి ఉందని సూచిస్తుంది. ఇది స్ప్లాష్ టచ్ టెక్నాలజీకి మద్దతు ఇస్తుంది. ఈ ఫోన్ ను తడి చేతులతో కూడా ఉపయోగించడానికి సపోర్ట్ చేస్తుంది. IP54-రేటింగ్ తో 7.68mm స్లిమ్ డిజైన్ ను కలిగి ఉంది.

భారతదేశంలో Oppo K12x 5G ధర, ఆఫర్లు, లభ్యత వివరాలు
Oppo K12x 5G భారతదేశంలో ప్రారంభ 6GB + 128GB ఆప్షన్ కోసం ధర రూ.12,999, అయితే 8GB + 256GB వేరియంట్ ధర రూ. 15,999 గా ఉంది. ఈ స్మార్ట్‌ఫోన్‌ ఆగస్టు 2 నుండి ఫ్లిప్‌కార్ట్ మరియు ఒప్పో ఇండియా ఇ-స్టోర్ ద్వారా కొనుగోలుకు అందుబాటులో ఉంటుంది.

కొనుగోలుదారులకు రూ.1,000 వరకు ఎంపిక చేసిన బ్యాంకుల ద్వారా లావాదేవీలపై తక్షణ తగ్గింపు మరియు మూడు నెలల వరకు నో-కాస్ట్ EMI ఎంపిక Oppo సంస్థ అందిస్తోంది. ఈ ఆఫర్‌లు ఆగస్ట్ 2న మాత్రమే చెల్లుబాటు అవుతాయి. ఈ స్మార్ట్‌ఫోన్‌ బ్రీజ్ బ్లూ మరియు మిడ్‌నైట్ వైలెట్ అనే రెండు కలర్ ఆప్షన్‌లలో వస్తుంది.

Oppo K12x 5G స్మార్ట్‌ఫోన్‌ స్పెసిఫికేషన్‌లు, ఫీచర్ల వివరాలు
ఈ స్మార్ట్‌ఫోన్‌ 120Hz రిఫ్రెష్ రేట్‌తో 6.67-అంగుళాల HD+ (1,604 x 720 పిక్సెల్‌లు) LCD స్క్రీన్, గరిష్టంగా 1000nits వరకు బ్రైట్‌నెస్ స్థాయి మరియు డ్యూయల్ రీన్‌ఫోర్స్డ్ పాండా గ్లాస్ ప్రొటెక్షన్‌ను కలిగి ఉంది. ఇది స్ప్లాష్ టచ్ టెక్నాలజీకి కూడా మద్దతు ఇస్తుంది, ఇది తడి చేతులతో కూడా ఫోన్‌ను ఆపరేట్ చేయడానికి వినియోగదారులను అనుమతిస్తుంది.

ఈ ఫోన్ 6nm MediaTek డైమెన్సిటీ 6300 చిప్‌సెట్‌ ప్రాసెసర్ తో 8GB వరకు LPDDR4X RAM మరియు 256GB వరకు UFS 2.2 ఆన్‌బోర్డ్ స్టోరేజీ తో జత చేయబడింది. ఇది ఆండ్రాయిడ్ 14-ఆధారిత ColorOS 14 తో అందుబాటులో ఉంది.

ఇక కెమెరా, ఆప్టిక్స్ వివరాలు గమనిస్తే, Oppo K12x 5G స్మార్ట్‌ఫోన్‌ 32-మెగాపిక్సెల్ ప్రైమరీ సెన్సార్ మరియు 2-మెగాపిక్సెల్ సెన్సార్‌ను కలిగి ఉన్న డ్యూయల్ రియర్ కెమెరా యూనిట్‌తో అమర్చబడింది. ముందు కెమెరాలో 8 మెగాపిక్సెల్ సెన్సార్ ఉంది.

ఇంకా ఈ హ్యాండ్‌సెట్ MIL-STD-810H సర్టిఫికేషన్ మరియు దుమ్ము మరియు స్ప్లాష్ నిరోధకత కోసం IP54-రేటింగ్ తో వస్తుంది.

బ్యాటరీ వివరాలు గమనిస్తే, ఇది 45W SuperVOOC ఛార్జింగ్‌కు మద్దతుతో 5100mAh బ్యాటరీని కలిగి ఉంది. ఈ ఫోన్ 5G, డ్యూయల్ 4G VoLTE, Wi-Fi, బ్లూటూత్ 5.1, GPS, GLONASS మరియు USB టైప్-C కనెక్టివిటీతో పాటు 3.5mm ఆడియో జాక్‌కు కూడా మద్దతు ఇస్తుంది. భద్రత కోసం, ఇది సైడ్-మౌంటెడ్ ఫింగర్ ప్రింట్ సెన్సార్‌ను కలిగి ఉంటుంది. ఫోన్ యొక్క పరిమాణం కొలతలు గమనిస్తే 76.14 x 165.79 x 7.68mm మరియు బరువు 186g గా ఉంది.