కింద పడినా పగలని స్మార్ట్‌ఫోన్‌లు

ప్రీమియమ్ బిజినెస్ స్పెసిషికేషన్‌లతో కూడిన శక్తివంతమైన స్మార్ట్‌ఫోన్‌లతో పాటు టాబ్లెట్ కంప్యూటర్‌ను పానాసోనిక్ కంపెనీ మంగళవారం ఇండియన్ మార్కెట్లో విడుదల చేసింది. Toughpad FZ-F1, Toughpad FZ-N1, Toughpad FZ-A2 మోడల్స్‌లో లాంచ్ అయిన ఈ డివైస్‌లను రఫ్ అండ్ టఫ్‌గా ఉపయోగించుకోవచ్చు.

మన్నికతో పాటు బలిష్టంగా కనిపించే ఈ డివైస్‌లను ఎక్కువ కాలం ఉపయోగించుకోవచ్చు. FZ-F1, FZ-N1 స్మార్ట్‌ఫోన్‌లు సమానమైన స్పెసిఫికేషన్స్‌ను కలిగి ఉన్నాయి. అయితే వీటిలో ఆపరేటింగ్ సిస్టమ్స్ మాత్రం వేరువేరుగా ఉంటాయి. FZ-F1 మోడల్ విండోస్ 10 IoT మొబైల్ ఎంటర్‌ప్రైజ్ ఆపరేటింగ్ సిస్టం పై రన్ అవుతుంది. ఇదే సమయంలో FZ-N1 మోడల్ ఆండ్రాయిడ్ 5.1.1 లాలీపాప్ ఆపరేటింగ్ సిస్టం పై రన్ అవుతుంది. ఆండ్రాయిడ్ వర్షన్ ధర రూ.99,000. విండోస్ 10 మొబైల్ వర్షన్ ధర రూ.1,09,000.

ఈ రెండు ఫోన్‌లకు సంబంధించి ఇతర స్పెసిఫికేషన్స్ విషయానికి వచ్చేసరికి... ఆక్టా కోర్ 2.3GHz క్వాల్కమ్ స్నాప్‌డ్రాగన్ 801 సాక్, 2జీబి ర్యామ్, 4.7 అంగుళాల HD (720x1280) డిస్‌ప్లే, 16జీబి స్టోరేజ్, 8 మెగా పిక్సల్ రేర్ ఫేసింగ్ కెమెరా, 5 మెగా పిక్సల్ ఫ్రంట్ ఫేసింగ్ కెమెరా, కనెక్టువిటీ ఫీచర్లు (Wi-Fi, 2G/EDGE/3G/4G LTE, GPS, NFC, Bluetooth (v4.1), MicroUSB), ఫీల్డ్ వర్క్‌కు అవసరమైన యాంగ్యులర్ 1D/ 2D Barcode readerను కూడా ఈ ఫోన్‌లలో పానాసోనిక్ పొందుపరిచింది.

ఇక టాబ్లెట్ విషయానికి వచ్చేసరికి పానాసోనిక్ ఆఫర్ చేస్తున్న Toughpad FZ-A2 డివైస్ ఆండ్రాయిడ్ 6.0 మార్ఫ్‌మల్లో ఆపరేటింగ్ సిస్టం పై రన్ అవుతుంది. ధర రూ.1,20,000. ఇతర స్పెసిఫికేషన్స్ విషయానికి వచ్చేసరికి... 1.44GHz ఇంటెల్ ఆటమ్ x5-Z8550 క్వాడ్-కోర్ ప్రాసెసర్, 4జీబి ర్యామ్, 32జీబి ఇంటర్నల్ స్టోరేజ్, 10.1 అంగుళాల డిస్ ప్లే (రిసల్యూషన్ 1920x1200పిక్సల్స్) విత్ ఫ్లెక్సిబుల్ బిజినెస్ కస్టమేజేషన్స్ ఆప్షన్స్, 8 మెగా పిక్సల్ రేర్ ఫేసింగ్ కెమెరా, 2 మెగా పిక్సల్ ఫ్రంట్ ఫేసింగ్ కెమెరా, కనెక్టువిటీ ఫీచర్లు (Wi-Fi, GPS, NFC, Bluetooth (v4.1), MicroUSB).