POCO C81 సిరీస్ వచ్చేసింది: రూ.9,999కే 120Hz డిస్‌ప్లే, 6300mAh భారీ బ్యాటరీతో సంచలనం!

భారత మార్కెట్లోకి పోకో తన మోస్ట్ అవేటెడ్ C81 సిరీస్‌ను అధికారికంగా లాంచ్ చేసింది. ఇందులో POCO C81, C81x అనే రెండు మోడల్స్ ఉన్నాయి. 120Hz రిఫ్రెష్ రేట్ డిస్‌ప్లే, భారీ బ్యాటరీ వంటి అదిరిపోయే ఫీచర్లతో వచ్చిన ఈ బడ్జెట్ ఫోన్లు మార్కెట్లో సంచలనం సృష్టించడం ఖాయంగా కనిపిస్తోంది. వీటి ప్రారంభ ధర కేవలం ₹9,999 మాత్రమే.

పెర్ఫార్మెన్స్ విషయానికొస్తే.. ఇందులో పవర్‌ఫుల్ Unisoc T7250 ప్రాసెసర్‌ను అందించారు. అంతేకాకుండా, ఈ ఫోన్లకు దీర్ఘకాలం పాటు సాఫ్ట్‌వేర్ అప్‌డేట్స్ ఇస్తామని పోకో హామీ ఇచ్చింది. దీనివల్ల మీ ఫోన్ చాలా ఏళ్ల వరకు సెక్యూర్డ్‌గా ఉంటుంది. ఇక సేల్ విషయానికొస్తే.. ఏప్రిల్ 27 మధ్యాహ్నం 12 గంటల నుంచి ఫ్లిప్‌కార్ట్‌లో ఈ ఫోన్లు అందుబాటులోకి రానున్నాయి.

120Hz డిస్‌ప్లేతో వస్తున్న POCO C81 టాప్ ఫీచర్లు ఇవే..

ఈ C81 సిరీస్‌లో ప్రధాన ఆకర్షణ 120Hz డిస్‌ప్లే. దీనివల్ల స్క్రోలింగ్, గేమింగ్ ఎంతో స్మూత్‌గా సాగుతాయి. ఇక బ్యాటరీ విషయానికొస్తే.. ఏకంగా 6,300mAh భారీ బ్యాటరీని ఇందులో అమర్చారు. ఒక్కసారి ఛార్జ్ చేస్తే రెండు రోజుల పాటు నిరాటంకంగా వాడుకోవచ్చు.

POCO C81 ధర.. ఇతర ఫోన్లతో పోలిస్తే ఎలా ఉంది?

₹11,000 లోపు ధరతో పోకో బడ్జెట్ సెగ్మెంట్‌లో గట్టి పోటీనిస్తోంది. లావా, ఇన్ఫినిక్స్, రియల్‌మీ వంటి బ్రాండ్లకు ఇది గట్టి సవాల్ విసరనుంది. ప్రస్తుతం మార్కెట్లో ఉన్న చాలా ఫోన్లు 90Hz స్క్రీన్, 5,000mAh బ్యాటరీతోనే వస్తున్నాయి. కానీ పోకో మాత్రం తక్కువ ధరలోనే మెరుగైన స్క్రీన్, బ్యాటరీ లైఫ్‌ను అందిస్తోంది.

ఈ కొత్త లాంచ్‌తో భారత బడ్జెట్ స్మార్ట్‌ఫోన్ మార్కెట్లో పోకో తన పట్టును మరింత పెంచుకోనుంది. తక్కువ ధరలో హై-రిఫ్రెష్ రేట్, భారీ బ్యాటరీ కాంబినేషన్ దొరకడం చాలా అరుదు. మంచి ఫీచర్లు ఉన్న ఫోన్ కోసం చూస్తున్న వారికి ఇది బెస్ట్ ఆప్షన్ అని చెప్పొచ్చు. మీరు కూడా ఈ ఫోన్ కొనాలనుకుంటే ఏప్రిల్ 27న ఫ్లిప్‌కార్ట్ సేల్‌ను మిస్ అవ్వకండి.