శక్తివంతమైన చిప్‌సెట్‌, 7550mAh బ్యాటరీ, డ్యూయల్‌ టోన్‌ డిజైన్‌తో 5G ఫోన్‌.. వచ్చే వారంలోనే విడుదల..!

Poco F7 Smartphone Chipset : పోకో F7 5G స్మార్ట్‌ఫోన్ భారత్‌ మార్కెట్‌ లో జూన్‌ 24 వ తేదీన విడుదల కానుంది. ఇప్పటికే ఈ హ్యాండ్‌సెట్‌ గురించి అనేక వివరాలు వెల్లడయ్యాయి. ఇప్పటికే ఈ హ్యాండ్‌సెట్ బ్యాక్‌ ప్యానల్‌ డిజైన్‌ విడుదల అయింది. దీని ఆధారంగా ఈ పోకో ఫోన్‌ డ్యూయల్‌ టోన్‌ డిజైన్‌ తో అందుబాటులోకి వస్తుంది. దీంతోపాటు ఫోన్‌ బ్యాటరీ, కెమెరా వివరాలు ఇప్పటికే వెల్లడయ్యాయి. ఇప్పటివరకు అందుబాటులోకి వచ్చిన వివరాల ఆధారంగా ఈ ఫోన్‌ బ్యాటరీ ఆకట్టుకుంటుంది.

భారత్‌ మార్కెట్‌లో భారీ బ్యాటరీతో :
ఈ హ్యాండ్‌సెట్‌ 90W వైర్‌ ఫాస్ట్‌ ఛార్జింగ్, 22.5W వైర్‌ ఛార్జింగ్‌ సపోర్టుతో 7550mAh భారీ బ్యాటరీతో పనిచేస్తుంది. బ్యాటరీ ఫోన్‌ గా గుర్తింపు పొందనుంది. ఈ ఫోన్ గ్లోబల్‌ వేరియంట్‌ 6500mAh బ్యాటరీతో లాంచ్ కానుందని తెలుస్తోంది.

ఆప్టికల్‌ ఇమేజ్‌ స్టెబిలైజేషన్‌ కెమెరా ఫీచర్‌ :
దీంతోపాటు పోకో ఫోన్‌ వెనుక వైపు డ్యూయల్‌ కెమెరాలను కలిగి ఉంటుంది. ఇందులో OIS (ఆప్టికల్ ఇమేజ్‌ స్టెబిలైజేషన్‌) సపోర్టుతో 50MP ప్రైమరీ కెమెరాను కలిగి ఉంటుంది. ఈ హ్యాండ్‌సెట్‌ మిగిలిన కెమెరాల వివరాలు వెల్లడి కావాల్సి ఉంది.

తాజాగా చిప్‌సెట్ వివరాలు వెల్లడించిన పోకో :
అయితే తాజాగా పోకో F7 5G స్మార్ట్‌ఫోన్‌ చిప్‌సెట్‌ వివరాలు తాజాగా వెల్లడయ్యాయి. పోకో X పోస్ట్‌ ద్వారా ఈ వివరాలు వెల్లడయ్యాయి. ఈ హ్యాండ్‌సెట్ స్నాప్‌డ్రాగన్‌ 8s జెన్‌ 4 SoC చిప్‌సెట్‌ తో పనిచేస్తుంది. ఫ్లిప్‌కార్ట్‌ మైక్రోసైట్‌ ఆధారంగా ఈ చిప్‌సెట్‌ 12GB LPDDR5X ర్యామ్‌, UFS 4.1 స్టోరేజీని సపోర్టు చేస్తుంది.

థర్మల్ మేనేజ్‌మెంట్‌ కోసం :
ఈ చిప్‌సెట్‌ 2.1 మిలియన్‌ పాయింట్ల AnTuTu బెంచ్‌మార్క్‌ స్కోర్‌ ను కలిగి ఉంటుంది. ఫ్లిప్‌కార్ట్ మైక్రోసైట్ ఆధారంగా ఈ ఫోన్‌ థర్మల్‌ మేనేజ్‌మెంట్‌ కోసం 3D IceLoop సిస్టమ్‌ను కలిగి ఉంటుంది. మరియు 6000sq mm వేపర్‌ కూలింగ్ ఛాంబర్‌ తో అందుబాటులోకి వస్తుంది. ఈ పోకో హ్యాండ్‌సెట్‌ వైల్డ్‌బూస్ట్‌ గేమింగ్‌ ఆప్టిమైజేషన్‌ 4.0 సపోర్టును కలిగి ఉంటుంది.

అల్యూమినియం ఫ్రేమ్‌ :
ఇప్పటికే రిలీజ్‌ అయిన టీజర్‌ ఆధారంగా ఈ పోకో F7 స్మార్ట్‌ఫోన్ బ్లాక్, సిల్వర్‌ కలర్‌ వేరియంట్స్‌ తో కూడిన డ్యూయల్‌ టోన్‌ ఫినిష్‌ తో లాంచ్‌ కానుంది. ఈ హ్యాండ్‌సెట్ అల్యూమినియం ఫ్రేమ్‌ ను కలిగి ఉంటుందని తెలుస్తోంది. లీక్‌ అయిన వివరాల ఆధారంగా ఈ ఫోన్ 6.83 అంగుళాల అమోలెడ్‌ డిస్‌ప్లేతో లాంచ్‌ కానుందని తెలుస్తోంది.

ఎప్పుడు విడుదల కానుంది? :
పోకో F7 స్మార్ట్‌ఫోన్‌ భారత్‌ మార్కెట్‌లో జూన్‌ 24 వ తేదీ సాయంత్రం 5:30 గంటలకు విడుదల కానుంది. అదే రోజుల గ్లోబల్‌ మార్కెట్‌లో కూడా లాంచ్‌ కానుంది. విడుదల అనంతరం ఈ హ్యాండ్‌సెట్‌ ఫ్లిప్‌కార్ట్ ద్వారా అందుబాటులోకి వస్తుంది. త్వరలో మరిన్ని వివరాలు వెల్లడయ్యే అవకాశం ఉంది.