108MP కెమెరా, 6.79 అంగుళాల డిస్‌ప్లేతో 5G స్మార్ట్‌ఫోన్‌.. విడుదల తేదీ, స్పెసిఫికేషన్‌ల వివరాలు..!

పోకో నుంచి M సిరీస్‌ లో మరో హ్యాండ్‌సెట్‌ లాంచ్‌ కానుంది. పోకో M6 ప్లస్ 5G పేరుతో (Poco M6 Plus 5G Smartphone) ఈ స్మార్ట్‌ ఫోన్ విడుదల కానుంది. ఫ్లిప్‌కార్ట్ వెబ్‌సైట్‌ ద్వారా ఈ వివరాలు వెల్లడయ్యాయి. దీంతోపాటు ఈ స్మార్ట్‌ఫోన్ డిజైన్‌ సహా కొన్ని స్పెసిఫికేషన్‌ల వివరాలు తెలిశాయి. ముందువైపు పంచ్‌ హోల్ డిజైన్‌ ను కలిగి ఉంటుంది. మరియు ప్రధానంగా వెనుక వైపు 108MP కెమెరాతో అందుబాటులోకి వస్తుంది. ఈ పోకో M6 ప్లస్‌ 5G స్మార్ట్‌ఫోన్‌ రెడ్‌మి నోట్‌ 13R హ్యాండ్‌సెట్‌కు రీబ్రాండెడ్ వెర్షన్‌గా రానుందని సమాచారం.

ఈ పోకో M6 ప్లస్‌ 5G స్మార్ట్‌ ఫోన్‌ ఫ్లాట్‌ ఎడ్జ్‌లతో కూడిన డ్యూయల్‌ టోన్‌ డిజైన్‌ను కలిగి ఉంటుంది. దీంతోపాటు పంచ్‌ హోల్‌ డిజైన్‌తో అందుబాటులోకి వస్తుంది. భారత్‌ మార్కెట్‌లో ఈ ఫోన్‌ ఆగస్టు 1వ తేదీన విడుదల కానుంది. ఫ్లిప్‌కార్ట్ ద్వారా కొనుగోలు చేసేందుకు అందుబాటులో ఉంటుందని తెలుస్తోంది.

పోకో M6 ప్లస్‌ 5G స్మార్ట్‌ఫోన్‌ అంచనా స్పెసిఫికేషన్‌లు :
ఈ పోకో M6 ప్లస్‌ 5G స్మార్ట్‌ఫోన్‌ 120Hz రీఫ్రెష్‌ రేట్‌తో 6.79 అంగుళాల LCD డిస్‌ప్లే ను కలిగి ఉంటుందని తెలుస్తోంది. ఆండ్రాయిడ్‌ 14 ఆధారిత HyperOS ను కలిగి ఉంటుందని సమాచారం. తెలుస్తోంది. మరియు క్వాల్‌కాం స్నాప్‌డ్రాగన్ 4 జెన్‌ 2 ప్రాసెసర్ పైన పనిచేస్తుందని తెలుస్తోంది.

పోకో M6 ప్లస్‌ 5G స్మార్ట్‌ఫోన్ వెనుకవైపు డ్యూయల్‌ కెమెరాలను కలిగి ఉంటుంది. మరియు LED రింగ్‌ను కూడా గుర్తించవచ్చు. f/1.75 అపేచర్‌ మరియు 3X ఇన్‌ సెన్సార్‌ జూమ్ సామర్థ్యంతో 108MP ప్రైమరీ కెమెరాను కలిగి ఉంది. ఇతర కెమెరా వివరాలు వెల్లడి కావాల్సి ఉండగా.. 16MP సెల్ఫీ కెమెరాను అమర్చినట్లు తెలుస్తోంది.

ఈ హ్యాండ్‌సెట్‌ 33W ఫాస్ట్‌ ఛార్జింగ్ సపోర్టు తో 5030mAh బ్యాటరీని కలిగి ఉంటుందని ఈ-కామర్స్‌ వెబ్‌సైట్‌ల లిస్టింగ్‌ ఆధారంగా తెలుస్తోంది. అయితే ర్యామ్‌, స్టోరేజీ వేరియంట్‌ ల వివరాలు తెలియాల్సి ఉంది. దీంతోపాటు కలర్ వేరియంట్ల సమాచారం కూడా వెల్లడి కావాల్సి ఉంది.

పోకో M6 ప్లస్‌ 5G స్మార్ట్‌ఫోన్‌ ఫ్లిప్‌ కార్ట్‌ ద్వారా కొనుగోలుకు అందుబాటులో ఉండే అవకాశం ఉంది. అయితే ప్రస్తుతం ఈ హ్యాండ్‌ సెట్ అమెజాన్‌ లోనూ లిస్టింగ్‌ అయింది. 8GB ర్యామ్ + 128GB అంతర్గత స్టోరేజీ వేరియంట్ ధర రూ.14999 గా ఉంది. అయితే అమెజాన్‌ లో సేల్‌ సహా ధరలపై స్పష్టత రావాల్సి ఉంది.

ఈ హ్యాండ్‌సెట్‌ రెడ్‌మి నోట్‌ 13R స్మార్ట్‌ఫోన్‌ కు రీబ్రాండెడ్‌ వెర్షన్‌గా లాంచ్‌ కానుందని తెలుస్తోంది. ఈ 13R స్మార్ట్‌ఫోన్‌ ఈ సంవత్సరం మే నెలలో చైనాలో విడుదల అయింది. చైనాలో ఈ హ్యాండ్‌సెట్ 6GB ర్యామ్‌ + 128GB స్టోరేజీ ధర CNY 1399 (భారత కరెన్సీలో సుమారు రూ.16,000) గా ఉంది.