రూ.13999 ధరకే 7000mAh బ్యాటరీ. 6.9 అంగుళాల డిస్‌ప్లే 5G ఫోన్‌.. ఇవాళ్టి నుంచే సేల్‌..!

Poco M7 Plus 5G Sale : పోకో సంస్థ గత వారం పోకో M7 ప్లస్‌ 5G స్మార్ట్‌ఫోన్‌ను లాంచ్‌ చేసింది. ఈ ఫోన్‌ భారీ డిస్‌ప్లే, భారీ బ్యాటరీని కలిగి ఉంది. అయితే బడ్జెట్‌ ధరలోనే అందుబాటులోకి వచ్చింది. ఈ స్మార్ట్‌ఫోన్‌ సేల్‌ ఇవాళ మధ్యాహ్నం 12 గంటల నుంచి ప్రారంభం కానుంది. రూ.15 వేల ధర రేంజ్‌లో 5G స్మార్ట్‌ఫోన్‌ కోసం చూసే వారికి ఈ హ్యాండ్‌సెట్‌ ఆకట్టుకొనే అవకాశం ఉంది.

ప్రారంభ ధర రూ.13999 :
పోకో M7 ప్లస్‌ 5G స్మార్ట్‌ఫోన్‌ను ఫ్లిప్‌కార్ట్ ద్వారా కొనుగోలు చేయవచ్చు. ఈ ఫోన్‌ 6GB ర్యామ్ + 128GB స్టోరేజీ ధర రూ.13999, 8GB ర్యామ్ + 256GB స్టోరేజీ ధర రూ.14999 గా ఉంది. ఈ పోకో హ్యాండ్‌సెట్‌ కార్బన్‌ బ్లాక్, క్రోమ్‌ సిల్వర్‌, ఆక్వా బ్లూ వేరియంట్స్‌లో లభిస్తుంది.

రూ.1000 డిస్కౌంట్‌ :
ఈ స్మార్ట్‌ఫోన్‌ను SBI, HDFC, ICICI బ్యాంకుల కార్డులపై కొనుగోలు చేస్తే.. రూ.1000 డిస్కౌంట్‌ను అందిస్తోంది. ఈ ధరలో భారీ బ్యాటరీ, భారీ డిస్‌ప్లే కలిగిన ఫోన్‌ల కొనుగోలు చేసేందుకు ప్రయత్నం చేస్తున్నవారికి ఈ ఫోన్ మంచి ఆప్షన్‌ అయ్యే అవకాశం ఉంది.

భారీ డిస్‌ప్లే :
పోకో M7 ప్లస్‌ 5G స్మార్ట్‌ఫోన్ 144Hz రీఫ్రెష్‌ రేట్‌తో 6.9 అంగుళాల FHD+ డిస్‌ప్లేను కలిగి ఉంది. ఈ డిస్‌ప్లే 850 నిట్స్‌ పీక్‌ బ్రైట్‌నెస్‌, 288Hz టచ్‌ శాంప్లింగ్‌ రేట్‌ను కలిగి ఉంది. ఈ డిస్‌ప్లే TUV Rheinland సర్టిఫికేషన్‌ను కలిగి ఉంది. IP64 రేటింగ్‌తో డస్ట్‌ మరియు వాటర్ రెసిస్టెంట్‌గా ఉంది.

ఈ ఫోన్‌ స్నాప్‌డ్రాగన్‌ 6s జెన్‌ 3 ప్రాసెసర్‌ను కలిగి ఉంది. ఈ ప్రాసెసర్‌ 8GB LPDDR4x ర్యామ్, 128GB UFS 2.2 స్టోరేజీని సపోర్టు చేస్తుంది. వర్చువల్‌ ర్యామ్‌ ఫీచర్‌ ద్వారా గరిష్ఠంగా 16GB వరకు ర్యామ్‌ను పొడిగించుకోవచ్చని పోకో చెబుతోంది.

4 సంవత్సరాల వరకు అప్‌డేట్స్ :
ఈ హ్యాండ్‌సెట్‌ ఆండ్రాయిడ్‌ 15 ఆధారిత HyperOS 2.0 పైన పనిచేస్తుంది. ఈ ఫోన్‌ రెండు సంవత్సరాల ఆండ్రాయిడ్ OS అప్‌డేట్స్, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది. రెండు స్టోరేజీ వేరియంట్స్‌లో అందుబాటులోకి వచ్చింది.

50MP కెమెరా, 7000mAh బ్యాటరీ :
కెమెరా విభాగం పరంగా 50MP ప్రైమకీ కెమెరా, మరో కెమెరాను కలిగి ఉంది. మరియు 8MP సెల్ఫీ కెమెరాను అమర్చారు. ఈ ఫోన్ 33W వైర్‌ ఫాస్ట్‌ ఛార్జింగ్ సపోర్టుతో 7000mAh బ్యాటరీతో పనిచేస్తోంది. 18W రివర్స్‌ ఛార్జింగ్‌ సపోర్టును కూడా కలిగి ఉంది.

కనెక్టివిటీ పరంగా 5G, 4G, వైఫై, బ్లూటూత్ 5.1, GPS, USB-C ఛార్జింగ్‌ పోర్టును కలిగి ఉంది. భద్రత కోసం సైడ్‌ మౌంటెడ్‌ ఫింగర్‌ ప్రింట్‌ సెన్సార్‌ను అమర్చారు. బడ్జెట్ ధరలో ఎంటర్‌టైన్‌మెంట్‌ లేదా రోజువారీ టాస్క్‌ల కోసం ఈ ఫోన్‌ సౌకర్యవంతంగా ఉండే అవకాశం ఉంది.