రూ.11499 ధరకే 45W ఫాస్ట్ ఛార్జింగ్, 50MP సోనీ కెమెరా, ఫుల్‌ HD+ అమోలెడ్ డిస్‌ప్లే 5G స్మార్ట్‌ఫోన్‌!

భారత్‌లో గత సంవత్సరం డిసెంబర్ నెలలో పోకో సంస్థ బడ్జెట్‌ స్మార్ట్‌ఫోన్‌ ను లాంచ్‌ చేసింది. పోకో M7 ప్రో 5G పేరుతో ( Poco M7 Pro 5G Smartphone ) అందుబాటులోకి తీసుకొచ్చింది. ఈ హ్యాండ్‌సెట్‌ 45W ఫాస్ట్ ఛార్జింగ్‌, 50MP కెమెరా, సూపర్ అమోలెడ్‌ డిస్‌ప్లేను కలిగి ఉంది. ప్రస్తుతం ఈ ఫోన్‌ ను డిస్కౌంట్ ధరకు సొంతం చేసుకోవచ్చు. ఈ ఫోన్‌ మూడు కలర్‌ వేరియంట్స్‌ లో లభిస్తోంది. ఈ హ్యాండ్‌సెట్ పూర్తి స్పెసిఫికేషన్‌ లు, ఫీచర్ల వివరాలు.

రూ.3000 డిస్కౌంట్‌ :
పోకో M7 ప్రో 5G స్మార్ట్‌ ఫోన్‌ విడుదల సమయంలో 6GB ర్యామ్‌ + 128GB స్టోరేజీ వేరియంట్‌ ధర రూ.14,999, 8GB ర్యామ్ + 256GB స్టోరేజీ వేరియంట్‌ ధర రూ.16999 ధరగా ఉండేది. ఫ్లిప్‌కార్ట్‌ లో ఈ ఫోన్‌ను రూ.3 వేల డిస్కౌంట్ ధరకు కొనుగోలు చేయవచ్చు.

రూ.11499 ధరకే 5G స్మార్ట్‌ఫోన్ :
ప్రస్తుతం ఫ్లిప్‌కార్ట్‌ లో ఈ ఫోన్‌ ధరలు వరుసగా రూ.11499, రూ.13499 గా ఉంది. దీంతోపాటు ఎంపిక చేసిన బ్యాంకు కార్డులపై అదనపు తగ్గింపును పొందవచ్చు. ఈ పోకో హ్యాండ్‌సెట్ ఓలివ్‌ ట్విలైట్‌, లూనార్‌ డస్ట్‌, లావెండర్‌ ఫ్రాస్ట్‌ వంటి మూడు కలర్‌ వేరియంట్స్‌ లో అందుబాటులో ఉంది.

సూపర్‌ అమోలెడ్ డిస్‌ప్లే, కార్నింగ్ గొరిల్లా గ్లాస్ :
పోకో M7 ప్రో 5G స్మా్ర్ట్‌ఫోన్‌ 120Hz రీఫ్రెష్‌ రేట్‌ తో 6.67 అంగుళాల FHD+ ( 1080 x 2400 పిక్సల్స్‌ ) సూపర్‌ అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 2100 నిట్స్‌ పీక్‌ బ్రైట్‌నెస్‌ ను కలిగి ఉంది. మరియు కార్నింగ్ గొరిల్లా గ్లాస్ ప్రొటెక్షన్‌ ను పొందుతోంది.

50MP సోనీ కెమెరా, 20MP సెల్ఫీ కెమెరా :
కెమెరా విభాగం పరంగా ఈ హ్యాండ్‌సెట్ వెనుక వైపు డ్యూయల్‌ కెమెరాలను కలిగి ఉంటుంది. ఇందులో 50MP సోనీ LYT 600 ప్రైమరీ (OIS- ఆప్టికల్‌ ఇమేజ్‌ స్టెబిలైజేషన్‌) కెమెరాతోపాటు 2MP డెప్త్‌ సెన్సర్‌ తో అందుబాటులోకి వచ్చింది. సెల్ఫీ, వీడియో కాల్స్‌ కోసం 20MP కెమెరాను కలిగి ఉంది.

మీడియాటెక్‌ చిప్‌సెట్, ఫాస్ట్‌ ఛార్జింగ్ సపోర్టు :
ఈ పోకో ఫోన్‌ మీడియాటెక్‌ డైమెన్సిటీ 7025 అల్ట్రా SoC ప్రాసెసర్‌ ను కలిగి ఉంది. ఆం‌డ్రాయిడ్‌ 14 ఆధారిత HyperOS పైన పనిచేస్తోంది. ఈ స్మార్ట్‌ఫోన్ 45W వైర్‌ ఫాస్ట్‌ ఛార్జింగ్‌ సపోర్టుతో 5110mAh బ్యాటరీను కలిగి ఉంది.

డాల్బీ అట్మాస్‌ సపోర్టు :
ఈ హ్యాండ్‌సెట్ భద్రత కోసం ఇన్‌డిస్‌ప్లే ఫింగర్ ప్రింట్ సెన్సర్‌ ను అమర్చి ఉంటుంది. మెరుగైన ఆడియో సపోర్టు కోసం డాల్బీ అట్మాస్‌ సపోర్టుతో స్టీరియో స్పీకర్‌ లను కలిగి ఉంది. 5G, 4G VoLTE, బ్లూటూత్‌ 5.3, Wi-Fi, GPS, USB-C ఛార్జింగ్‌ పోర్టు, 3.5mm ఆడియో జాక్‌ ఉన్నాయి.