ఈ స్మార్ట్‌ఫోన్‌పై రూ.8 వేల డిస్కౌంట్‌.. కర్వడ్‌ డిస్‌ప్లే. IP69 రేటింగ్, 4 సంవత్సరాల వరకు అప్‌డేట్స్‌!

పోకో సంస్థ భారత్‌ మార్కెట్‌లో ఈ సంవత్సరం తొలి భాగంలో పోకో X7 5G సిరీస్‌ విడుదల అయింది. ఇందులో పోకో X7 5G, X7 ప్రో 5G స్మార్ట్‌ఫోన్‌లు లాంచ్ అయ్యాయి. ఇటీవల పోకో X7 5G మోడల్‌ భారీ డిస్కౌంట్ ధరకు అందుబాటులోకి వచ్చింది. ఈ హ్యాండ్‌సెట్ కర్వడ్‌ అమోలెడ్ డిస్‌ప్లే, 5500mAh బ్యాటరీ సహా అనేక మెరుగైన స్పెసిఫికేషన్‌లు, ఫీచర్‌లను కలిగి ఉంది. విడుదల సమయంలో ఈ ఫోన్‌ ధర సుమారు రూ.22 వేలుగా ఉండేది. ప్రస్తుతం రూ.15 వేల తక్కువ ధరకు కొనుగోలు చేయవచ్చు.

భారత్‌లో విడుదల సమయంలో పోకో X7 5G స్మార్ట్‌ఫోన్‌ (Poco X7 5G Smartphone) 8GB ర్యామ్ + 128GB స్టోరేజీ ధర రూ.21,999, 8GB ర్యామ్ + 256GB స్టోరేజీ ధర రూ.23,999 గా ఉండేది. ప్రస్తుతం బిగ్‌ బ్యాంగ్‌ దీపావళి 2025 సేల్‌లో భాగంలో భారీ డిస్కౌంట్‌ ధరకు అందుబాటులో ఉంది.

రూ.8 వేల డిస్కౌంట్‌ :
ఈ ఫోన్ రూ.8 వేల డిస్కౌంట్‌తో అందుబాటులో ఉంది. ఫలితంగా 8GB/128GB ధర రూ.13,999, 8GB/256GB వేరియంట్‌ను రూ.15,999 కే కొనుగోలు చేయవచ్చు. దీంతోపాటు SBI బ్యాంకు కార్డులపై 10 శాతం అదనపు డిస్కౌంట్‌ను పొందవచ్చు.

కర్వడ్‌ అమోలెడ్ డిస్‌ప్లే :
పోకో X7 5G స్మార్ట్‌ఫోన్‌ 120Hz రీఫ్రెష్‌ రేట్‌తో 6.67 అంగుళాల 1.5K 3D కర్వడ్‌ అమోలెడ్‌ డిస్‌ప్లేతో అందుబాటులో ఉంది. ఈ డిస్‌ప్లే 3000 నిట్స్‌ పీక్‌ బ్రైట్‌నెస్, 240Hz టచ్‌ శాంప్లింగ్ రేట్‌ను కలిగి ఉంది. మరియు కార్నింగ్‌ గొరిల్లా గ్లాస్‌ విక్టస్‌ 2 రక్షణ పొందుతోంది.

IP69 రేటింగ్‌ :
ఈ స్మార్ట్‌ఫోన్‌ డిస్‌ప్లే TUV Rheinland Low Blue లైట్‌, ఫ్లిక్కర్‌ ఫ్రీ సర్టిఫికేషన్‌లను కలిగి ఉంది. ఈ డిస్‌ప్లే వెట్‌ టచ్ డిస్‌ప్లే 2.0 ఫీచర్ సపోర్టు చేస్తుంది. అంటే తడి చేతులతోనూ ఈ హ్యాండ్‌సెట్‌ను ఉపయోగించుకోవచ్చు. IP69 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంది.

4 సంవత్సరాల వరకు అప్‌డేట్స్ :
ఈ ఫోన్‌ మీడియాటెక్‌ డైమెన్సిటీ 7300 అల్ట్రా ప్రాసెసర్‌ తో పనిచేస్తుంది. ఈ ప్రాసెసర్‌ 8GB LPDDR4X ర్యామ్, 256GB UFS 2.2 స్టోరేజీని సపోర్టు చేస్తుంది. ఆండ్రాయిడ్ 14 ఆధారిత HyperOS పైన పనిచేస్తోంది. ఈ హ్యాండ్‌సెట్‌ 3 ఆండ్రాయిడ్ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

50MP ప్రైమరీ, 20MP సెల్ఫీ కెమెరా :
కెమెరా విభాగం పరంగా వెనుక వైపు డ్యూయల్‌ కెమెరా యూనిట్‌ను కలిగి ఉంది. OIS (ఆప్టికల్‌ ఇమేజ్‌ స్టెబిలైజేషన్‌), EIS (ఎలక్ట్రానిక్‌ ఇమేజ్‌ స్టెబిలైజేషన్‌) సపోర్టుతో 50MP సోనీ LYT-600 ప్రైమరీ కెమెరా, 8MP అల్ట్రా వైడ్‌ యాంగిల్‌ లెన్స్‌ను కలిగి ఉంది. సెల్ఫీ, వీడియో కాల్స్‌ కోసం 20MP కెమెరాను అమర్చారు.

ఫాస్ట్‌ ఛార్జింగ్‌, డాల్బీ అట్మాస్‌ సపోర్టు :
ఈ హ్యాండ్‌సెట్ AI Imaging, AI Notes వంటి ఫొటో ఎడిటింగ్‌ ఫీచర్‌లను కలిగి ఉంటుంది. ఈ స్మార్ట్‌ఫోన్‌ 45W వైర్ ఫాస్ట్‌ ఛార్జింగ్‌ సపోర్టుతో 5500mAh బ్యాటరీతో పనిచేస్తోంది. భద్రత కోసం ఫింగర్‌ ప్రింట్‌ సెన్సార్‌, మెరుగైన ఆడియో కోసం డాల్బీ అట్మాస్‌ సపోర్టుతో స్టీరియో స్పీకర్‌లను కలిగి ఉంది.