పోకో X8 vs X8 పవర్: ఏది మీ కోసం? బ్యాటరీ, పర్ఫార్మెన్స్‌లో అసలు విజేత ఎవరు?

పోకో నుంచి మోస్ట్ ఎవైటెడ్ 'X8' సిరీస్ స్మార్ట్‌ఫోన్లు భారత మార్కెట్లోకి అడుగుపెడుతున్నాయి. సెప్టెంబర్ 4 మధ్యాహ్నం 12 గంటలకు ఫ్లిప్‌కార్ట్ ద్వారా ఈ పోకో X8, X8 పవర్ మోడల్స్ గ్రాండ్‌గా లాంచ్ కానున్నాయి. భారీ బ్యాటరీ కావాలనుకునే వారి కోసం 'X8 పవర్', తేలికపాటి డిజైన్ కోరుకునే వారి కోసం 'X8' అందుబాటులోకి వస్తున్నాయి. ఈ రెంటిలో బ్యాటరీ లైఫ్, ఛార్జింగ్ స్పీడ్, గేమింగ్ పర్ఫార్మెన్స్, కెమెరాలు, డిస్‌ప్లే, సాఫ్ట్‌వేర్ సపోర్ట్ వంటి అంశాల్లో ఏది బెటర్? లాంచ్ ఆఫర్లు, బ్యాంక్ డిస్కౌంట్లతో ఏది వర్త్ అనే వివరాలు ఇప్పుడు చూద్దాం.

ఈ రెండు ఫోన్ల మధ్య ప్రధాన వ్యత్యాసం బ్యాటరీ లైఫే! రోజంతా ట్రావెల్ చేసేవారిని దృష్టిలో ఉంచుకుని X8 పవర్ మోడల్‌లో ఏకంగా 10,000mAh భారీ బ్యాటరీతో పాటు 100W ఫాస్ట్ ఛార్జింగ్‌ ఇచ్చారు. ఇక స్టాండర్డ్ X8 మోడల్‌లో 67W ఛార్జింగ్‌కు సపోర్ట్ చేసే 8,340mAh సిలికాన్-కార్బన్ బ్యాటరీ ఉంది. ఇతర యాక్సెసరీలను ఛార్జ్ చేసుకునేందుకు రెండింటిలోనూ 22.5W రివర్స్ వైర్డ్ ఛార్జింగ్ సపోర్ట్ ఉంది. X8 పవర్ మోడల్ కాస్త బరువుగా అనిపించినా బ్యాటరీ, ఛార్జింగ్‌లో నంబర్ వన్. అదే X8 అయితే రోజువారీ వాడకానికి చాలా తేలికగా, సౌకర్యవంతంగా ఉంటుంది.

పోకో X8 vs X8 పవర్: బ్యాటరీ, ఛార్జింగ్ విశేషాలు

పోకో X8 పవర్ ఫోన్ కేవలం 30 నిమిషాల్లోనే 1 నుంచి 50 శాతం వరకు ఛార్జ్ అవుతుందని కంపెనీ చెబుతోంది. అర్జెంట్ ప్రయాణాలు, ఆఫీస్/కాలేజీ హడావుడిలో ఇది బాగా ఉపయోగపడుతుంది. ఇక X8 మోడల్ విషయానికొస్తే.. ఇందులో వాడిన సిలికాన్-కార్బన్ టెక్నాలజీ వల్ల ఈ బ్యాటరీ ఆరేళ్ల పాటు అద్భుతమైన హెల్త్ కెపాసిటీతో పనిచేస్తుందని కంపెనీ అంటోంది. ప్రయాణాల్లో ఉన్నప్పుడు మీ ఇయర్ బడ్స్ ఛార్జ్ చేయడానికి రివర్స్ ఛార్జింగ్ ఎంతగానో ఉపయోగపడుతుంది. లాంచ్ సమయంలో వీటి పూర్తి 0-50%, 0-100% ఛార్జింగ్ టైమింగ్స్‌ను ప్రత్యక్షంగా పరీక్షించి చూద్దాం.

పోకో X8 vs X8 పవర్: పర్ఫార్మెన్స్, హీటింగ్ మేనేజ్‌మెంట్

గేమింగ్ పిరియడ్స్‌లో మెరుగైన పర్ఫార్మెన్స్ కోసం X8 పవర్ మోడల్‌లో స్నాప్‌డ్రాగన్ 6 Gen 5 ప్రాసెసర్ అందించారు. దీని యాంట్-టూ-టూ (AnTuTu) స్కోర్ 10 లక్షలకు పైగానే ఉంటుందని క్లెయిమ్ చేస్తున్నారు. మరోవైపు, స్టాండర్డ్ X8లో స్నాప్‌డ్రాగన్ 6s Gen 4 చిప్‌సెట్ ఇచ్చారు. ఇది రోజువారీ అవసరాలకు వేగంగా, సమర్థవంతంగా పనిచేస్తుంది. ఆండ్రాయిడ్ 16 ఆధారిత హైపర్ OS 3తో వస్తున్న ఈ రెండింటికీ 4 ఆండ్రాయిడ్ ఓఎస్ అప్‌డేట్స్, 6 ఏళ్ల సెక్యూరిటీ అప్‌డేట్స్ ఇస్తామని పోకో హామీ ఇచ్చింది. లాంచ్ సమయంలో వీటి గేమింగ్ ఎఫ్‌పీఎస్ (fps), హీటింగ్ థ్రోట్లింగ్ వివరాలను కూడా పరిశీలిస్తాం.

పోకో X8 vs X8 పవర్: డిస్‌ప్లే, బిల్డ్ క్వాలిటీ

డిస్‌ప్లే విషయంలో రెండు ఫోన్లూ తగ్గేదేలే అంటున్నాయి. రెండింటిలోనూ 6.83 ఇంచుల 1.5K 120Hz 12-బిట్ AMOLED ప్యానెల్ అందించారు. ఇవి 3,500 నిట్స్ పీక్ బ్రైట్‌నెస్, 3,840Hz PWM డిమ్మింగ్‌తో వస్తున్నాయి. డిస్‌ప్లే రక్షణ కోసం గొరిల్లా గ్లాస్ విక్టస్ 2, తడి చేతులతోనూ వాడేలా 'వెట్-టచ్' టెక్నాలజీ, TÜV సర్టిఫికేషన్లు ఉన్నాయి. ముఖ్యంగా X8 ఫోన్ IP66, IP68, IP69, చివరికి IP69K వాటర్ అండ్ డస్ట్ రెసిస్టెన్స్ రేటింగ్స్‌తో వస్తోంది. వీటితో పాటు ఇన్-డిస్‌ప్లే ఫింగర్‌ప్రింట్ స్కానర్, డాల్బీ విజన్, డాల్బీ అట్మోస్ సపోర్ట్ మల్టీమీడియా ఎక్స్‌పీరియన్స్‌ను తదుపరి స్థాయికి తీసుకెళ్తాయి.

పోకో X8 vs X8 పవర్: కెమెరా, 5G కనెక్టివిటీ

కెమెరాల విషయానికి వస్తే.. X8 మోడల్‌లో OIS సపోర్ట్‌తో 50MP మెయిన్ కెమెరా, 2MP డెప్త్ సెన్సార్ ఉన్నాయి. ఇక X8 పవర్ మోడల్‌లో వీటితో పాటు అదనంగా 8MP అల్ట్రావైడ్ లెన్స్ కూడా లభిస్తుంది. రెండింటిలోనూ సెల్ఫీల కోసం 16MP ఫ్రంట్ కెమెరా ఇచ్చారు. జియో, ఎయిర్‌టెల్ 5Gకి సపోర్ట్ చేసే n28, n78 5G బ్యాండులు ఉన్నాయి. లాంచ్ పేజీలలో VoNR, SAR విలువలను ఒకసారి చెక్ చేసుకోండి. ఫ్లిప్‌కార్ట్ ఆఫర్లతో వీటి ధరలు మరింత అందుబాటులోకి రానున్నాయి. సారాంశంగా చెప్పాలంటే.. ట్రావెలర్లు, కంటెంట్ క్రియేటర్లు, నిరంతరం ఫోన్ వాడేవారు 'X8 పవర్' ఎంచుకోవడం బెటర్. స్టూడెంట్లు, తేలికపాటి గేమింగ్ ఆడేవారికి 'X8' పర్ఫెక్ట్ ఛాయిస్!