రియల్‌మి 13 సిరీస్‌ స్మార్ట్‌ఫోన్‌ల సేల్ ప్రారంభం.. ఈ బ్యాంకు కార్డులపై గరిష్ఠంగా రూ.1500 తగ్గింపు.!

రియల్‌మి నుంచి గత వారం రియల్‌మి 13 సిరీస్ స్మార్ట్‌ఫోన్‌లు విడుదల అయ్యాయి. ఈ సిరీస్‌లో భాగంగా రియల్‌మి 13 మరియు 13+ హ్యాండ్‌సెట్‌లు లాంచ్‌ అయ్యాయి. ఇవాళ్టి నుంచి ఈ స్మార్ట్‌ఫోన్‌ల సేల్‌ ప్రారంభం (Realme 13 5G Series Sale on Flipkart) అయింది. రియల్‌మి అధికారిక వెబ్‌సైట్‌ మరియు ప్రముఖ ఈ-కామర్స్‌ ప్లాట్‌ఫాం ఫ్లిప్‌కార్ట్‌ సహా ఇతర రిటైల్‌ స్టోర్‌ల ద్వారా కొనుగోలు చేయవచ్చు. ఎంపిక చేసిన బ్యాంకు కార్డుల ద్వారా డిస్కౌంట్‌లను పొందవచ్చు.

రియల్‌మి 13 5G సిరీస్‌ ధర, సేల్‌ వివరాలు :
రియల్‌మి 13 5G స్మార్ట్‌ఫోన్‌ 8GB ర్యామ్ + 128GB స్టోరేజీ వేరియంట్ ధర రూ.17,999 గా ఉంది. అదే 8GB ర్యామ్ + 256GB స్టోరేజీ వేరియంట్ ధర రూ.19,999 గా ఉంది.

అదే రియల్‌మి 13+ 5G స్మార్ట్‌ఫోన్‌ 8GB ర్యామ్ + 128GB స్టోరేజీ ధర రూ.22,999 గా ఉంది. 8GB ర్యామ్‌ + 256GB స్టోరేజీ ధర రూ.24,999, 12GB ర్యామ్ + 256GB స్టోరేజీ ధర రూ.26,999 గా ఉంది.

రియల్‌మి 13 5G హ్యాండ్‌సెట్‌ కొనుగోలుపై రూ.1000 తగ్గింపును పొందవచ్చు. అదే 13+ 5G మోడల్‌పై రూ.1500 డిస్కౌంట్‌ను పొందవచ్చు. అలాగే ఫ్లిప్‌కార్ట్‌ యాక్సెస్‌ బ్యాంకు కార్డు ద్వారా 5 శాతం క్యాష్‌బ్యాక్‌ను పొందవచ్చు. బేస్‌ వేరియంట్‌ డార్క్‌ పర్పుల్‌, స్పీడ్‌ గ్రీన్‌ రంగుల్లో లభిస్తుంది. ప్లస్‌ మోడల్‌ విక్టరీ గోల్డ్, డార్క్‌ పర్పుల్‌, స్పీడ్‌ గ్రీన్‌ రంగుల్లో లభిస్తుంది.

రియల్‌మి 13 5G స్మార్ట్‌ఫోన్‌ స్పెసిఫికేషన్‌లు :
రియల్‌మి 13 5G స్మార్ట్‌ఫోన్‌ 120Hz రీఫ్రెష్‌ రేట్‌తో 6.72 అంగుళాల LCD డిస్‌ప్లేను కలిగి ఉంటుంది. ఈ హ్యండ్‌సెట్‌ మీడియాటెక్‌ డైమెన్సిటీ 6300 చిప్‌సెట్‌, ఆండ్రాయిడ్‌ 14 ఆధారిత రియల్‌మి UI OS పైన పనిచేస్తుంది. గరిష్ఠంగా 18GB ర్యామ్, 256GB స్టోరేజీ వరకు సపోర్టు చేస్తుంది.

కెమెరా విభాగం పరంగా ఈ బేస్‌ వేరియంట్‌ 50MP ప్రైమరీ కెమెరా మరియు 2MP మ్యాక్రో కెమెరాను కలిగి ఉంది. ఈ స్మార్ట్‌ఫోన్ సెల్ఫీ, వీడియో కాల్స్‌ కోసం 16MP సెల్ఫీ కెమెరాతో అందుబాటులోకి వచ్చింది. 45W ఫాస్ట్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది.

రియల్‌మి 13+ 5G స్మార్ట్‌ఫోన్‌ స్పెసిఫికేషన్‌లు :
రియల్‌మి 13+ 5G స్మార్ట్‌ఫోన్‌ 129Hz రీఫ్రెష్‌ రేట్‌ తో 6.67 అంగుళాల అమోలెడ్‌ డిస్‌ప్లేను కలిగి ఉంటుంది. మీడియాటెక్‌ డైమెన్సిటీ 7300 చిప్‌సెట్‌, ఆండ్రాయిడ్ 14 ఆధారిత రియల్‌మి UI 5.0 పైన పనిచేస్తుంది. గరిష్ఠంగా 26GB ర్యామ్, 256GB స్టోరేజీని సపోర్టు చేస్తుంది.

ఈ ప్లస్ మోడల్‌ స్మార్ట్‌ ఫోన్‌ వెనుకవైపు డ్యూయల్‌ కెమెరాను కలిగి ఉంటుంది. 50MP ప్రైమరీ సెన్సార్‌, 2MP మోనోక్రోమ్‌ సెన్సార్‌తో అందుబాటులో ఉంది. ఈ హ్యాండ్‌సెట్‌ సెల్ఫీ, వీడియో కాల్స్‌ కోసం 16MP కెమెరాను కలిగి ఉంది. మరియు 80W ఛార్జింగ్‌ సపోర్టుతో 5000mAh బ్యాటరీతో పనిచేస్తుంది.