రియల్‌మి 9 రివ్యూ: కేవలం 4Gతో లభించే ఫోన్‌ను ఎంచుకోవడం ఎంతవరకు ఉత్తమం?

Published: Friday, April 8, 2022, 17:20 [IST]

భారతదేశంలో 5G నెట్ వర్క్ ఇప్పటికి అందుబాటులోకి రానప్పటికీ 5G స్మార్ట్‌ఫోన్‌లు అనేకం అందుబాటులోకి వచ్చాయి. ప్రత్యేకించి 20K సెగ్మెంట్ విభాగంలో కూడా కొన్ని కంపెనీలు తమ ఫోన్లను లాంచ్ చేసాయి. అయితే ఇటువంటి సమయంలో రియల్‌మి సంస్థ కొన్ని శక్తివంతమైన స్పెసిఫికేషన్లతో 4G స్మార్ట్‌ఫోన్‌ను ఇండియాలో విడుదల చేసింది. రియల్‌మి 9 పేరుతో అందుబాటులోకి వచ్చిన ఈ ఫ్లాగ్‌షిప్ ఫోన్ 108MP ట్రిపుల్-కెమెరా సెటప్, ప్రత్యేకమైన బ్యాక్ ప్యానెల్, పెద్ద బ్యాటరీ వంటి ఫీచర్లతో లభించింది. అయితే రియల్‌మి 9 ఫోన్ ఎంతవరకు ఉపయోగకరంగా ఉంటుందో తెలుసుకోవడానికి ముందుకు చదవండి.

ప్లస్ పాయింట్స్

** 108MP ట్రిపుల్ కెమెరా
** స్టైలిష్ హోలోగ్రాఫిక్ డిజైన్
** 33W డార్ట్ ఛార్జింగ్ సపోర్ట్
** ఆండ్రాయిడ్ 12 OS తో రన్ అవ్వడం

మైనస్ పాయింట్స్

** 4G కనెక్టివిటీ మాత్రమే 5G కనెక్టివిటీ లేకపోవడం
** చిప్‌సెట్ పనితీరు
** భారీ యాప్‌లను రన్ చేస్తున్నప్పుడు వేడెక్కడం

రియల్‌మి 9 స్పెసిఫికేషన్లు

డిస్ప్లే: 6.4-అంగుళాల 90Hz సూపర్ AMOLED
ప్రాసెసర్: క్వాల్కమ్ స్నాప్‌డ్రాగన్ 680
మెమరీ: 6GB RAM
స్టోరేజ్ : 128GB
బ్యాటరీ: 5,000 mAh
ప్లాట్‌ఫారమ్: Realme UIతో Android 12
కెమెరా: 108MP Samsung ISOCELL HM6 ట్రిపుల్ కెమెరాలు

Realme 9 డిజైన్

రియల్‌మి 9 ఆకర్షణీయమైన హోలోగ్రాఫిక్ డిజైన్‌ను కలిగి ఉంది. ముఖ్యంగా సన్‌బర్స్ట్ గోల్డ్ కలర్ మోడల్ లైటింగ్ లో అబ్బురపరుస్తు మెరుస్తు ఉంటుంది. ఈ ఫోన్ కేవలం 7.99mm మందంతో సొగసైన ఫ్రేమ్‌ని కలిగి ఉండి సింగిల్ హ్యాండ్ వినియోగానికి అనుకూలంగా ఉంటుంది. అదనంగా రియల్‌మి 9 FHD+ రిజల్యూషన్ మరియు 90Hz రిఫ్రెష్ రేట్‌తో 6.4-అంగుళాల సూపర్ AMOLED డిస్‌ప్లేను కలిగి ఉంది. ఫోన్‌లోని 10240-స్థాయి బ్రైట్‌నెస్ తో ఇండోర్ మరియు అవుట్‌డోర్ వినియోగానికి అనువైనదిగా ఉంటుంది. దీని యొక్క మొత్తం డిజైన్, డిస్ప్లే మరియు ఛాసిస్ మెచ్చుకోదగినవి. అదనంగా మీరు బాక్స్‌తో వెనుక ప్యానెల్ కవర్‌ను కూడా పొందుతారు. ఇది ఫోన్‌ను ప్రమాదవశాత్తు డ్రాప్‌ల నుండి రక్షిస్తుంది.

Realme 9 కెమెరా పనితీరు

రియల్‌మి 9 ఫోన్ యొక్క వెనుకభాగంలో ట్రిపుల్-కెమెరా సెటప్‌ను కలిగి ఉంది. ఇది స్మార్ట్‌ఫోన్ యొక్క ముఖ్య హైలైట్. ఇది స్ట్రీట్ ఫోటోగ్రఫీ మోడ్ 2.0 వంటి తాజా టెక్నాలజీలతో ప్యాక్ చేసిన 108MP Samsung HM6 ప్రైమరీ షూటర్‌తో వస్తుంది. 108MP ప్రోలైట్ కెమెరా పగలు మరియు రాత్రి సమయాలలో అద్భుతంగా ఫోటోలను క్లిక్ చేయగలదు.

నేను రియల్‌మి 9తో కొన్ని ఫోటోలను క్లిక్ చేయడానికి ఉపయోగించాను. ఇది అన్ని రకాల ఉపయోగాల కెమెరా సెటప్ కోసం తగినదిగా గుర్తించాను. 108MP శామ్‌సంగ్ HM6 సెన్సార్ 9 పిక్సెల్‌లను ఒకటిగా కలపడంలో అధునాతనమైనది. ఫలితంగా స్పష్టమైన మరియు మెరుగైన కలర్ల ప్రాతినిధ్యంతో సహజంగా ఫోటోలను తీయడానికి వీలును కల్పిస్తుంది. మీరు వీడియోలను షూట్ చేయడానికి లేదా నైట్ షాట్‌లను తీయడానికి Realme 9 కెమెరా అనువైనది. అదనంగా మాక్రో మరియు వైడ్ యాంగిల్ షాట్‌ల కోసం మరో రెండు సెన్సార్లు ఉన్నాయి. పోర్ట్రెయిట్ మోడ్ కూడా తగినంతగా ఉన్నందున ఆకర్షణీయమైన సెల్ఫీలను క్లిక్ చేయడానికి మిమ్మల్ని అనుమతిస్తుంది.

Realme 9 హార్డ్‌వేర్ పనితీరు

రియల్‌మి 9 ఫోన్ హుడ్ కింద 6nm నిర్మాణంతో ప్యాక్ చేయబడిన క్వాల్కమ్ స్నాప్‌డ్రాగన్ 680 ప్రాసెసర్ ద్వారా శక్తిని పొందుతూ 6GB RAM మరియు 128GB స్టోరేజ్ తో జత చేయబడి వస్తుంది. అదనంగా వర్చువల్ RAM ని 5GB వరకు విస్తరించే ఎంపిక ఉంది. ఫోన్ ఎంత బాగా పని చేస్తుందో తెలుసుకోవడానికి నేను రెండు బెంచ్‌మార్క్‌లను అమలు చేసాను.

మొదటిది Geekbench 5 బెంచ్‌మార్క్ పరీక్ష Realme 9లో సింగిల్-కోర్ మరియు మల్టీ-కోర్ పరీక్షలలో 379 మరియు 1547 పాయింట్లను వెల్లడించింది. అలాగే నేను 3D మార్క్ గేమర్ యొక్క బెంచ్‌మార్క్ మూల్యాంకనాన్ని కూడా అమలు చేసాను. 3D మార్క్ బెంచ్‌మార్క్ పరీక్షలలో మొత్తం 444 పాయింట్లను వెల్లడించాయి. దీనితో రియల్‌మి 9 గేమింగ్ స్మార్ట్‌ఫోన్ కాదని మరియు భారీ గేమింగ్ టైటిల్‌లను హ్యాండిల్ చేయలేదని సూచిస్తుంది.

Realme 9 పనితీరు

రియల్‌మి 9 యొక్క పనితీరు తగినంతగా ఉంది. ఇది స్నాప్‌డ్రాగన్ 680 చిప్‌సెట్ సాధారణ ప్రాసెసర్ తో శక్తిని పొందుతున్నప్పటికీ ఇది 5G మద్దతును కలిగి లేదు. ఇది స్మార్ట్‌ఫోన్ యొక్క అతి పెద్ద లోపం. బ్రౌజింగ్, వీడియో కాల్‌లు, ఫోటోగ్రఫీ మరియు గేమింగ్ వంటి అనేక రకాల సాధారణ స్మార్ట్‌ఫోన్ టాస్క్‌ల కోసం నేను Realme 9ని ఉపయోగించాను. గేమింగ్ అనుభవంలో ప్రో-గేమర్‌ల కోసం రూపొందించబడనప్పటికీ Wordle, Candy Crush వంటి సాధారణ గేమ్‌లను ఫోన్‌లో ఆడడానికి వీలుగా ఉంటుంది. అదనంగా రియల్‌మి 9 ఆండ్రాయిడ్ 12 అవుట్-ఆఫ్-ది-బాక్స్‌తో మరియు రియల్‌మి UI 3.0 కస్టమ్ OSతో వస్తుంది. ఇది ప్రీ-లోడ్ చేసిన యాప్‌లతో సహా ఆండ్రాయిడ్ అనుభవంలో వినియోగదారులకు అదనపు ఫీచర్‌లను అందిస్తుంది.

Realme 9 బ్యాటరీ లైఫ్

రియల్‌మి 9 యొక్క మెరుగైన ఫీచర్లలో ఒకటి 33W డార్ట్ ఛార్జ్ సపోర్ట్‌తో జత చేయబడిన 5,000 mAh పెద్ద బ్యాటరీ. ఇది ఒకే ఛార్జ్‌పై ఒక రోజు మొత్తం వినియోగించడానికి అనువుగా ఉంటుంది. వాస్తవానికి ఇది మీరు అమలు చేసే యాప్‌లపై కూడా ఆధారపడి ఉంటుంది. కొన్ని భారీ యాప్‌లు గ్రాఫిక్స్-హంగ్రీ గేమ్‌లు మరియు వీడియో కాల్‌లతో ఫోన్ అధికంగా వేడి అవుతుంది. 33W డార్ట్ ఛార్జింగ్ సపోర్ట్ అనేది ఇప్పుడు అనేక మిడ్-రేంజ్ రియల్‌మి బ్రాండ్ స్మార్ట్‌ఫోన్‌లలో అందుబాటులో. ఫోన్ ఒక గంటలోపు పూర్తిగా ఛార్జ్ చేయగలదు మరియు రోజంతా రన్ చేయగలదు కాబట్టి ఇది సమయాన్ని ఆదా చేస్తుంది.

తీర్పు

రియల్‌మి 9 ఫీచర్-రిచ్ స్మార్ట్‌ఫోన్ కెమెరా విభాగంలో 108MP కెమెరాతో లభిస్తున్నందున దీనిని కొనుగోలు చేయడం విలువైనదే. ఇది శక్తివంతమైన బ్యాటరీ మరియు స్టైలిష్ డిజైన్‌ల మద్దతుతో వస్తుంది. మీరు 20K సెగ్మెంట్ లోపు శక్తివంతమైన కెమెరా ఫోన్ కోసం చూస్తున్నట్లయితే రియల్‌మి 9 ఒక మంచి ఎంపిక.

దీని యొక్క ప్రధాన లోపం 4G మద్దతు. భారతదేశంలో 5G ఇప్పటిలో అందుబాటులో లేని కారణంగా దీనిని పరిగణలోకి తీసుకొని పరిశీలిస్తే ఈ 4G ఫోన్‌ను పొందడం అంత చెడ్డది కాదు. అయినప్పటికీ కొనుగోలుదారులు ఎంచుకునే స్మార్ట్‌ఫోన్‌లు రాబోయే రెండు-మూడు సంవత్సరాలపాటు వినియోగించడానికి వీలుగా భావిస్తారు కాబట్టి మీరు కూడా దీర్ఘకాలిక ఉపయోగం కోసం ఫోన్ ను కొనుగోలు చేయడం కోసం చూస్తున్నట్లయితే మెరుగైన 5G ఫోన్‌ను పొందడం ఉత్తమం.